أرجو من الاخوة الاعزاء طلبة المنتدى و بخاصة طلاب حاملي المادة افادتي بدراسة المادة و تقديم اي نصيحة قد تفيد في النجاح و من ثم التخرج.ولكم جزيل الشكر أخوكم ميلاد..... 

  السلام عليكم و رحمة الله و بركاته .

زميلي أنا رفعت المادة هي الفصل الماضي (طبعا حملتها 6 مرات )

ولا مرة درستها متل ما بدو الدكتور . المهم الفصل الماضي حطيت الكتاب و قعدت

ركزت اكتر شي ع الكتاب ( الفترات الزمنية - حياة الشعراء-القصيدة و معاني الكلمات و footnots )

- الفترات الزمنية : اقرأ من الكتاب و حاول تكون فكرة عامة عن الفترة الزمنية . اهم شي شو هو تأثير الفترة الزمنية على الادب .

- حياة الشعراء : حياة الشاعر مهمة جدا حتى تساعدك على فهم القصيدة. وين اتعلم و شو درس و شو اشتغل و انتبه أهم شي شو هو حكى عن نفسه أو شو حكو النقاد و الشعراء عنه(بتلاقيون بين " ") و انتبه لكل بداية و نهاية فقرة لأنو بيجيب أسئلة منن .

- القصيدة : صح انو القصائد طوال شوي . يس في طريقة حلوة و هي أنو استمتع بالشعر يعني : Art for Art's Sake . القصائد حلوة كتير و لغتها سهلة .نصيحة لا تفكر بالفحص و أنت عم تقرا القصيدة . فكر بالقصيدة نفسها و صدقني رح تستمتع كتير بالقراءة و رح تستفيد كتير من شان الفحص .

بالنسبة لمعاني الكلمات : شوف الكلمات الصعبة و الجديدة و طلع معانيها من القاموس بالعربي و الانكليزي.و الكلمات بالحواشي (و باسفل الصفحة هدول بيجيب منن بالاسئلة التحليلية ) .

بالنسبة للمحاضرات لاتخلي اعتمادك الكلي عليهن .بس رح تلاحظ انو الدكتور بياخد فكرة عامة عن كل قصيدة و بيشرحها بالقصيدة.يعني لازم تقرأهن و لو مرة وحدة .



أنا درست بهي الطريقة و الحمدلله جبت فيها معدل ممتاز .




بتمنالك التوفيق و التجاح . و لاتنسى التوكل على الله سبحانه و تعالى .



                                         


 

                                                                                                                                                                                                  Thank you so much and may allah bless you