اقتباس
بشكر مرورك بس بتمنى إذا عندك ملاحظات إنك توضح .........
على الرغم من تأكدنا أنها من كتابات الراحل نزار قباني
بانتظار ردك بأسرع وقت
دمت بود
شكراً عزيزي للاهتمام وبعتذر لأني ما بقدر أرد عالرسائل الخاصة لأنو ما بيحقلي لسا على ما أظن..
هالنص (وما رح أسميه قصيدة) غير موجود بكل أعمال نزار قباني وبكل دواوينو وأنا لما قريتها أول مرة تفاجأت كتير بنسبها إلو لأنها أبسط وأقل من إنها تسمى تحت بند شعر لحتى ننسبها لشاعر كبير ومحدث متل نزار قباني
هي قصة ذات منسوج عاطفي على تركيبة ذات سجع غير متوازن حتى.. وبدون أي قافية أو نظم شعري..
يعني إذا ردنا نعتبرها نص شعري فهي مو شعر حر بسبب القافية ولالها شعر تفعيلة لأنها مو مكتوبة على تفعيلة..
بعدين الشعر مو هيك.. هي قصة لأ وبخاتمة مضحكة من التراجيديا المبتذلة
اقراها بدون هالة اسم نزار ورح تحس بسطحيتها..
بعتذر من ناقل الموضوع وأكيد كلامي غير موجّه إلو بأي شكل لأنو هو ناقل الموضوع فقط وغير مسؤول عن المضمون ومتلو متل غيرو وقع بغبن انتشارها الواسع بشكل غريب تحت اسم نزار..
وعلى فكرة إذا بتعمل بحث رح تلاقي هالنص بكتير منتديات وبأغلبها منسوب لنزار قباني بينما بالمواقع المحكّمة أو بالكتب ما رح تلاقيها لأنها مو من تأليف نزار قباني
حتى إنها مسجّلة بصوت بيشبه صوت تيم حسن ومنتشرة كتير عأجهزة الموبايل.. وكلو على فافوووووش^_^
أتحبُّني وأنا ضريرة؟!!! *نزار قباني*
نزار قباني 
