صرت في السنة الرابعة وأنا في نفس المشكلة
عندما أدخل القاعة كأني طالبة في كلية في الصين
لاأعرف من الطلاب سوى أشكال بعضهم طبعاْمن غير أسماء
و إذا كلمت أحدهم فيجب علي الانتباه سؤال و جواب فقط مع عدم كثرة الأسئلة
لاأدري؟ هل أنا الوحيدة التي أشعر بذلك؟هل انا السبب؟
أم نظام الدراسة هوالسبب مع غياب محاضرات العملي كما في الكليات الأخرى

شاركت في هذا المنتدى ليكون لي أصدقاء في نفس الكلية و السنة الدراسية           

اهلا وسهلا فيكي زميلة شام عادي ياللي عم يصير معك اعداد طلاب كبيرة والطاسة ضايعة فشرفتي ونورتي المنتدى واي شي بدك ياه بالسنة الرابعة انا جاهز

طبعا مو بس أنتي أنا صرت سنة رابعة ورسبان سنة كمان و صرلي سنتين بحضر محاضرات ومع هادا اللي بعرفن بالكلية ما بيطلعو عشرة

اهلا شام نورتي  هو يلي عم يصير متل ما ذكر الزميل ريتشارد  بالضبط

يعني الاعداد كبيرة و في ناس ما بتتحاكى  عكل صحيح انا سنة تالتة 

بس  الوضع نفسو  وين ما كان  مو بس  عنا  .


اهلا وسهلا فيكي نورتي المنتدى  واذا بدك مسموح كثرة الاسئلة   

جزاكم الله خيراْ    والله إنتو  أغلى أصدقاء     
وكلية الحقوق الأعز ع قلبي
 
الله يجبر خاطركن مثل ما جبرتوا خاطري

(رب أخ لك لم تلده أمك)  
                       

منذ زمن ليس ببعيد كانت الجامعات مهما كان عدد طلابها تقوم بفعاليات للتعارف والتقارب بين زملاء الكلية الواحدة.
يذكر لي والدي انه عندما كان في الجامعة كان هناك العديد من الاصدقاء سبان وبنات يخرجون بمجموعات ويلتقون بمجموعات دون اي حساسيات اما الان فذهبت الاخلاق واصبح كل شاب يخصص فتاه لنفسه ليذهب وياتي معها ويحاول قدر الامكان تقليل عدد اصدقاءه لكي لا يقضي اي دقيقة معهم , وكذلك الفتيات.
ارجو ان يعود زمن الاخلاق الحميدة لنعود الى حب بعضنا.