بما انو قطع الكهربا صار جزء من حياتنا الاساسي متل الهوا و المي
  و لانو قطع الكهربا صار قدر مكتوب على كل مواطن سوري
  و لانو صرنا منستغرب و منعصب و منتوتر ازا تاخرو باطع الكهربا نص ساعة
و منئول : (ليش لهلئ ما اطعوها ؟؟!!!!! )

فانا حبيت اني الكن شو عم حس لما عم تنئطع الكهربا
انا بلائي انو لئطع الكهربا فوائد عظيمة!!!    
الولي ليش ؟؟ 



عجزتو .....
طيب انا بالكن ليش

هادا يا سيدي ما انتو لما عم يئطعو الكهربا ساعتين باليوم
صرت استغل وئتي بهل الساعتين بشغلات مفيدة
و أبعد عن ضوجة التلفزيونات و الكومبيوتر و النت و صوت الغسالة و الاغاني و هل الشغلات  يللي الكل بيعرفها

ما سالتوني كيف عم اضي وئتي بهل الساعتين
اوكي رح جاوبكن
صرت لائي وئت لحتا اقرا فيهن كم كتاب حلو
و صرت كمان خصص و قت للتسبيح ( عنجد لئيت التسبيح شغلة ممتعة و سلسة و فيها ثواب كمان )
و كمان احزرو شو 
صرت لائي وئت لأتصفن في ؟؟؟

اي لاتصفن ليش مستغربين     
يعني اصدي لاتمعن بكل الاصص يللي عم تصير معي بحياتي اليومية
و عيد التفكير فيها لحتى حلها بالطرئة الصحيحةو ارتاح منها
يعني بدكن تؤولو عم اعمل * يوغا * بطريئتي الخاصة

عنجد اول فترة كتير كنت ادايئ و عصب من طفي الكهربا
بس لما ايقنت انو موضوع ما في مفر منو
و هوي حاصل  حاصل
الت لحالي لحتا فكر بطريئة تانية احسن ما اعد احرء اعصابي على شي فاضي
و اضي وئتي و انا مزعوجة و مدايئة      

بعدين اعتبروها ساعتين لكسر الروتين
بتستفيدو منها

هلئ ما تفكروني كتير مبسوطة من طفي الكهربا بس جربو تفكرو بالموضوع من وجهة نظري رح تلائو اختلف  

هي انا التلكن شلون باضي وقتي لما الكهربا تنطفى انتو كمان الولي كيف بتاضو
اوقاتكن
او كمان عطونا اقراحات من عندكن بركي كلياتنا منستفاد

مع تحيات مواطنة سورية عندها ذرة تفائل و ايجابية 
ديما  
     
 

انا وقت تنقطع الكهربا 

حزيري شو بساوي











عجزتي


طيب راح قلك





بشغل المولد


   



شكرا على الموضوع
تقبلي مروري

انا وقت بتطفي الكهربا بطق مخي من الملل حاكم عنا ما بقطعوا غير المسا لأ واكتر شي بجننيي انو بتكون برا صواعق واعاصير وتلوج وبتضل الكهربا جاية وبفخر وبس يوفق كل هدول وتطلع الشمس بتنطفا وخود عمر لتجي بقى

كيفك اخت ديما انت صرتي متل الفقير اللي راح على البصارة قالتوا انت رح تبقى فقير 40 سنة و بعد هيك رح تتعود على الفقر و هي انت تعودتى على قطعة الكهربا
على كل حال انا اقتنعت بفوائد قطعة الكهربا و صرت اعمل متلك و صرت ادعوا الله يقطعوا المي كمان مشان نصير نصوم و يقطعوا الهاتف و المازوت عنجد لشو كل هالدلال يعني ماعد يمشي الحال ندفا على الفحم
     

هلأ .. معك .. حق ..


بس والله مبارح ومبارح بالذات .. حسيت روحي رح تطلع ..


أنتي عم تحكي عن قطع الكهربا .. لساعتين ..

مبارح .. انقطعت الكهربا .. عنا من الســــاعة .. 7 المســــا وما اجت للســــــاعة 2 ونص ..  الضهر تاني يوم ..

؟؟؟؟؟؟؟؟؟؟؟؟؟؟؟

وذلك لعطل فني .. أو خليني سميه .. خلل فني .. في المحول ..

برأيك .. ب19 ساعة لواحد .. مستحيل يقدر ينام .. بالليل . شو ممكن يساوي فيهم ؟؟


شكرا عل الموضوع ..

صحيح و الله EVE اتكيفنا مع قطع الكهرباء .. و إذا ما قطعت منستغرب و منستعوقهم ..  
انو وين راحو .. ليه ما انقطعت لهلأ .. زبطنا أمورنا انها تقطع .. الشموع و الحرام و كل شي !!

له له شو هالحكي لك بسول .. !!
بس صح عطل فني .. لأنو نحنا بتقطع عنا نص ساعة بــــس!!
يظهر انحسبوا عليكم 

يلا الله يفرجها عالكـــل ..!!

لك و الله لح يجننونا بقطع هالكهربا
أنا ضربت صحبة مع تبعات مقسم الكهربا الطوارئ لأن كل يوم عم يقطعوها شكل و أنا كل يوم بسألهم أنه مشان الله حددوا وقت محدد
بس أنه شو بعمل أنا بهالوقت
لقلك بحط أخواي الصغار و بحطلهم الراديو بالموبايل و برقصهم أحسن من القعدة هيك عالفاضي بنميلهم مواهبهم
مشكورة عالفكرة السوبر مهضومة
و أنه باسل معلش و لو كلها كم درجة بتروح من النظر و هي هي