مرحبا صبايا وشباب
كيف الفصل التاني معكون؟
بس بدي اسألكون  سؤال ليش كل هالتدقيق على الحضور بالنظري؟؟؟؟؟؟؟
كل محاضرة عم ياخدو التواقيع والتفقد وأحيانا على تفقد العملي كمان
وصرنا نخاف عنجد من بعد ما الدكتور عامر مارديني فعلا طبقها وحرم 3 طلاب من الفحص.

صراحة هذا هو المفروض

يعني في طلاب حتى ما بيعرفوا شكل الدكتور

يعني معقول هذا!!

يروح يدرس تعليم مفتوح أحسن

لازم يكون في تمييز بين الطلاب يلي بيحضرو و البايعينها

إيه صحيح الطلاب يلي بيحضروا غير شكل وأحسن وبيستفيدوا اكتر
بس لكل المحاضرات, يعني أنا ما بتخيل حالي  احضر كل محاضرات الدكتورة ليلى مسوح أو نذير فلوح
يعني هدفي من الحكي مو كل المحاضرات خرج تنحضر

يمكن معك حق

بس أنا بحس بالذنب و ضميري بعذبني إذا روحت شي محاضرة

على الأقل لما إرجع عالبيت و بقرأ المحاضرة بحس أنها بتخلص بسرعة لأني بتذكر الدكتور و هو بيشرح كل نقطة

بس المادة الوحيدة يلي ما استحملتها أبداً هي الحاسوب

بحس من أول دقيقة كأني أخدت حبة منوم و بطب عالمقعد

الحضور بعتقد هاد اخر شي بيفكر فيه الطلاب ما بقول كلهم بس معظمهم
يعني الواحد اذا بيحضر وما بيفهم شي من المحاضرة لشو لازمتها القعده بلا فايدة
الحضور بيكون مطلوب من الطلاب ليس اجبارا بس لمصلحتهم
وبعتقد كل واحد بيعرف مصلحته ومو ناطرين الدكاترة ياخدوا حضور او لا
بس ما عرفت اجابة لسؤالك انه ليش التدقيق؟؟؟

والسلام عليكم

صراحة كل نظام الكليات فايت بالحيط

يعني معقول مدرج فيه حوالي 300 طالب!!!

مو معقول يفهمو شي خصوصاً يلي قاعدين ورا

مرات بيجي طلاب (أو طالبات) ولادين حلال برحو بزتو كتبي عجنب و بأضطر إرجع لآخر المدرج

بصير بسمع بس وتوتة و لعي و ما بفهم شي

و كمان شلون الواحد بيحسن يتابع محاضرات من 8 لـ5 شي مو معقول

صراحة هذا هو المفروض
عني في طلاب حتى ما بيعرفوا شكل الدكتور
يعني معقول هذا!!
يروح يدرس تعليم مفتوح أحسن
لازم يكون في تمييز بين الطلاب يلي بيحضرو و البايعينها
صديقي *ZAID* لطالما في علامة نظري و علامة عملي و ين المشكلة
ضروري كل الطلاب تعرف الدكتور

بصراحة الدكتور اللي بيفهّم وبهمه العلم لأجل العلم مو مستني ياخد تفقد  لحدا

بعدين الواحد ظروفه مو دائما مواتية للحضور .. يعني والله بيصير مع الواحد ظروف عائلية أوصحية و غيرها قاسية كتير لدرجة حتى العملي ما بيعرف كيف عم يقدر يحضره ...

الحضور كان اله معنى أيام زمان وقت كان ما في تنزيل محاضرات أما هلأ يعني إذا عطس الدكتور بينكتب بالمحاضرة هالشي ولهيك الشي اللي بيفوته للواحد فقط شكل الدكتور وبعتقد هالشي مو كتير مهم ... 

ليش التدقيق؟؟؟؟؟ ,,,,,,,,,,,,,,, برأي الكلية: هيك ... وبرأيي أنا : 

الصراحة انا هادا اول فصل بحضر في كل شي و بكتب ورا الدكاترة  يعني حرام في دكاترة كتييييييير مناح بس و الله في دكاترة متل قلتن يعني الواحد بيدرس محاضرة بدل ما يضيع وقتو عالفاضي
بس بطلب من الدكاترة قبل ما يدايقو منننا يعرفو شو السبب انو ماعمنحضر
يعني مو طبيعي بنهار واحد نقعد 9 ساعات نظري و كل محاضرة 3 ساعات يعني شو شايفينا
و كمان و الله في دكاترة بحس انو عبيسمعولنا المحاضرة ما عبيشرحوا
و طبعا غير العملي يللي بيفتح النفس انو الواحد يكمل باقي الاسبوع دوامو بالجامعة

بالنسبة للعملي حتى صاير رفع عتب و نص الطلاب ما بتشتغل

معكم حق أن بعض الدكاترة مستحيل ينحضرلهم

و الله يعين بعض الطلاب بيضطرو يحطو شي 100 ليرة بس مشان المواصلات

و هذا غير المحاضرات

بس فكرتي هي أنو الحضور بساعد أحياناً على تركيز المعلومات

يعني في شغلات بظل متذكرها كيف سمعتها من الدكتور

لكن بالنهاية كل جامعات العالم فيها حضور و إحنا سبحن الله غير كل العالم بكل شي