بس بظن أسئلة المدني أسهل من هيك بشوي
                                    تقبل مروري

غريبة في واحد بالصدر رافع الرقم 2
يعني النموذج التاني للأسئلة..وهالنموذج بيكون عادة سهل

ليش الأسئلة صعبة

طيب .. شو هالمادة....التجهيزات الكورية بدال التجهيزات الفنية


يسلمو على الموضوع

والله يا زيرو أنا معك 100 %
مو بعيد يجيبو سؤال كمان
اكتب كل ما يدور في ذهن كل منهم؟
بالاضافة انو الخطأ يذهب علامة بقي الأسئلة

الله يعطيك العافية يا زيرو




استنى عليي كم يوم




عامل نماذج امتحانية حقيقية




بدي نزلها




قريبا












مجد

هههههه

ايه هلق أنا ما بنكر أنو في هيك أسئلة بتجي بالفحص

يعني مثلا مثلا أنا ما بنسى سؤال الدكتور مأمون حموش بمادة الرياضيات 3 السنة الماضية الفصل الاول
لاء ومشان تكمل معنا كان عليه يمكن شي 30 علامة (مالي متأكد من الرقم) وكان أول سؤال بالورقة يعني الطلاب كلها شافت السؤال وصارت اتزلغط ,,, وقلبناها عرس يومها

يعني هو صحيح مافيني أنكر أنو السؤال محلول بالمحاضرات بس كانت أخر محاضرة والمحاضرة كلها كانت عبارة عن مسألة وحدة ,,,,,,, وطبعا كانت طلامس شي مو مفهوم وشي مو مفهوم ,,,, يعني هاد مو عيب بالدكتور لاء يعني في ناس كانت تفهم عليه "بس كانو نادرين" والاغلب كان حاذف قسم التفاضلية من الاساس 


وفي مواد هي أساسا سميكة ودمها تقيل يعني أنا متمني أعرف هاد الدكتور يلي حط الخطة الدراسية للمواد الانشائية شلون بيفكر
مو معقول يعني تخيلوا مثلا مثلا التعجيزات ,,, قصدي التجهيزات إيه والله مو مادة ومو مادة تنحمل هو مافيني أنكر أنو الدكتور أسئلتوا نوعا ما سهلة وبيجيبها على نفس النمط بس بالنهاية أنت عبتحفظ نظري وتفهم مصطلحات وقوانين وبدك تعرف تشتغل بالمخططات والمسائل لحتى تروح على الامتحان يعني هيك مادة والله حرام تكون مادة وحدة ؟؟؟؟؟

وهلق صرنا سنة تالتة وفتنا بالخرسانة والله الله عالخرسانة يعني شو بتتوقعوا شعور الطالب لما يعرف أنو راح يقدم بفصل واحد مادة تجمع (( البيتون 1 و 2 ونص الـ3 )) وهاد الكلام على زمة استاذ العملي
شو بتتوقعوا شعور الطالب لما بالمحاضرة الاولى من المادة بيسلخوا الدكتور 130 صفحة من الكتاب
شو بتتخيلوا شعور الطالب لما الدكتور يحكيلوا والابتسامة تملأ وجهه أنو أنا بجيب أسئلة نظري وصح وخطأ يعني مو بس بدك تكون حافظ المادة وكمان فهمانها كتير منيح
وفوق كل هيك ولنفس المادة بيقلك الدكتور لا تحاول تعتمد على قسم وتترك قسم (( هو بيكون قصدو تعتمد على مادة وتترك مادة يعني المفروض تلحق تدرسهم كلهم )) لانو ممكن من قسم يجي سؤال بـ 5 صفحات بس وبقسم تاني يجي سؤال بـ 40 صفحة يعني ,,,, مابعرف شو شعور الطالب لما يدرس قسم عدد صفحاتو من الكتاب بس فوق الـ200 صفحة وأخر شي بالامتحان مايجي منو ولا سؤال أو سؤال بخمس علامات

شو بتتوقعوا شعور الطالب لما يشوف بامتحان ((((((( نظري )))))))
أكتب ما تعرفه عن تجربة مارشال ؟؟
وآآآآآه لو تعلمون ما هي تجربة مارشال ,,,, يعني بالمحاضرات ويلي كان يكتب المحاضرات عنا كان خطو صغير بس مقروء كانت التجربة عبارة عن 6 صفحات
فتخيلوا هيك سؤال جاية للطالب


واذا بدي احكي عن الانشاءات فماراح أخلص حكي يعني كتير حلو وشي بيرفع الراس أنو ينحط قرار بدون دراسة وأثناء التنفيذ بيتم التعديل
,,,, على كل حال موضوع الانشاءات لن أتطرق إليه الان لأنو راح نزلوا بموضوع لحالوا
بصراحة بيستاهل يكون بموضوع
بس اذا بدي أحكي شي ,,,,
فبدي قول شغلة يعني كتير حلو أنو الطالب ياخد معلومة من استاذ نظري وبالاخير يجي معلومة معاكسة من الادراة أو العمادة يعني من دكاترة النظري سمعنا انو يلي بيكتب بالعربي بيتصححلوا كتابتوا
ويوم الامتحان والطلاب على المقاعد بيفوت العميد وبيقلك يلي بيكتب كلمة عربي على الورقة بدو ياخد صفر ,,,, وبعد زمن ما بيتجاوز الـ 5 دقايق بيفوت النائب العلمي وبيحكي نفس الكلام ,,,,,, بالله الطالب شو موقفوا من هيك حكي ؟؟؟
يعني تخيلوا مثلا انكم عبتاخدوا انشاءات واحد بالانجليزي وبتروحوا على الفصل التاني بترجعو بتاخدوها بالعربي ,,,, يعني هيك من باب التنويع ومشان الطالب ما يحس بالروتين والملل ,,, ؟؟؟؟؟؟ وعلى هوا الحكي راح تصير المعدنية بالانجليزي 
يعني الفصل الاول جربوا فينا بالانشاءات ((مع انها مادة أساس )) وهلق من المتوقع انو يتجرب فينا بالمعدنية ,,,,, يعني هيك قرار واذا بدكم تقوا لغة الطالب الانجليزية برأيي لازم تكون للسنوات الاولى أول شي يعني ما تكون مادة أساسية يعني شو فائدة انو الطالب أخد الانشاءات بالانجليزي ما بعرف
بالنهاية كل الطلاب حفظوا أنو اذا شفنا كلمة كا ستليانو بالانجليزي بدنا نحل كذا
واذا شفنا كلمة الهمل الوهمي بدنا نحل بالطريقة وكذا ,,,, وهكذا

واذا بتجي بتقلوا هي الطريقة من وين إجت وليش هيك ,,, بيقلك ما بعرف لانو الاساس النظري مو فهمانوا
وسدقوني أنا طالب وعايش بين الطلاب ,,,,, يعني مشان ما بالغ 65% اعتمدوا على مبدأ التشليف ويا بتزبط يا ما بتزبط ,,,, لانو ما حدا فهمان
ومع هيك أنا متأكد أنو في نسبة منيحة من الطلاب راح ترفع المادة



الطالب ضحية بين يدين الدكاترة ,,,,,


رسالة :
إلى كل دكتور صاحب قرار :
((( استوصوا بطلاب المدني خيرا , فبالنهاية نحن مهندسوا المستقبل , واذا كانت ارادتكم فائدة الطلاب بتمنى ما تكون دفعة 2006 /2007 فأر التجارب تبعكم لانو فعلا حاجة ,,,, يعني ما صفي شي ما جربناه وكلو من بعدنا بتعدل وبيتزبط ,,,,,,,,, ماراحج قول ليش ؟؟؟ ,,,,,,,,,,, راح اترك الاجابة عن هاد السؤال إلك دكتوري الموقر  وإلك زميلي الطالب )))


هاد رأيي ,,,,, ويمثل رأيي((((((((((((((( فقط ))))))))))))))))

دمتم ودامت المدني


أبو النور   

الله عليك يا ابو النور




يا زلمة هدي حالك انت شكلك بدك تطبق الاحلام اللي بنحلمها بالمنتدى




هههههههههههههههههههههههههههههههههههههههههههههههههه







بسيطة سيدي بس خليني جيب ماوس حتى نكمل حملتنا



وان شاء الله خير




مجد

استنى عليي



يعني والله داق خلقي


ضغط ضغط ضغط ,,,,,,,,,,,, حاجة



ايه افهمنا هندسة مدنية بس كمان منضل بشر

   

روح عمي روح




انا معك عالخط




اليوم كفاها الله بس بكرا ان شاء الله ناوي على كم شغلة





الله يبعت الخير







مجد