والله انا برأيي اتركو كلشي على حالو
والأفضل انو نحنا هلأ نخطط شو بدنا نعمل هون عالمنتدى
ووقت يصير المنتدى فيو شغلات مفيدة وحلوة
لحالون الطلاب بيكفتو
لذلك يلي عندو اقتراح منتمنى انو يقلنا يا
اي فكرة
اي نشاط
اي موضوع
ممكن يطور قسمنا قسم السنة الاولى
سلام

أول شي بدي رحب بوسيم وقلك أهلا وسهلا فيك بالمنتدى
وتاني شي مشان الدعاية خلص مو مشكلة نحنا البنات رح نعمل دعاية بيناتنا
وعجبتني فكرة إنو نحط مخطط للفصل التاني
يعني عندي كم فكرة لنشاطاتنا بالمنتدى متل تصحيح أخطاء المحاضرات أول بأول
وحل التمارين اللي مو محلولة بالمحاضرات ومناقشتها (تمارين الفيزياء مثلا)
وممكن يلي بصوروا بالبيولوجيا إنو ننزل الصور  بالمنتدى

ويلي لسا ما شاف علامتو بالانكليزي هادا اللينك فيكون تشوفو العلامات
http://mailsrv.damasuniv.shern.net/grades/system/showFaculties.php

مع إنو ما بتطلع النتائج على هادا الموقع إلا لبعد ما تنزل بالكلية بيومين بس ماشي حالو  إزا مو فاضيين تروحو ع الكلية

شكرا لكوكي عالاقتراحات
وانا انشالله مع اول الفصل التاني لح نزل موضوع بخصوص تصحيح المحاضرات
وبالنسبة لصور البيولوجيا
فبتوقع نجوم بيساعدنا لانو عندو خبرة اكتر بالتصوير
هوة شباب الفئة
شو نجوم
نعتمد عليك ولالا؟

هاييي
انا حلا سنة اولى
شوبتنزل العلامات وماحدا بخبر؟؟؟؟؟؟؟؟
ابقو تزكرونا اوكي
وكيف مقضيين هلعطلة

أهلين فيكي حلا نورتي المنتدى
بالنسبة للعطلة لا تسألي يعني مو عرفانين
شلون بدنا نقضيها قد مالها طويلة

ما شاء الله ما شاء الله

و الله يا سنة أولى عم تشتغلوا

و الاقتراحات كتير منيحة و أنا موافق عليها

مشان الصور أوكي أنا بهتم فيهن

بس ما رح اقدر نزلهم عالمنتدى لأنو بدهم كتير وقت

و النترنت عندي كتير بطيء

بس رح ساويهن على سيدي و وزعهم بين طلاب السنة الأولى

آخر الفصل إنشاء الله

على فكرة أنا ساويت و ظبطت صور مع مسميات للبيولوجيا

بس مل قدرت وزعهم غير عشباب الشعبة التانية

و حتى جبت فلاشات معايرة من على الانترنت

إنشاء الله هلأ بالفصل التاني بحاول وصل كل شي

بحصل عليه لكل الطلاب

إنشاء الله تبقوا هيك همتكم عالية

_____________


نسيت رحب بـــ  حــلا

أهلا وسهلا فيكي نورت المنتدى

الله يعطيك العافية نجم على جهودك بس أوعك تنسى الشعبة الأولى
وإن شاءالله إزا وصلوني الصور بحاول نزلون ع المنتدى من عندي

لكان أنا ورفقاتي منستلم حل التمارين بس طبعا بدنا مساعدة الكل مشان نتاكد من الحل
وطبعا كلنا إن شاالله رح نشارك بتصحيح أخطاء المحاضرات

يلا وسيم نحنا بنكفي و بنوفي

يعني حاجة أربع شباب سنة أولى

بالنسبة لنسبتنا بالكلية

__________

أي والله يا كوكي و يا حلا طلعت  روحي من القعدة بالبيت

و ما خليت ولا فاتورة إلا و رحت دفعتها

حتى لقرايبيني  لأنو طلعت روحي من قعدة البيت

إيمتى بدنا نرجع نداوم

_________

صحيح كوكي قلتي بدنا  أناقش أسئلة و تمارين عن المواد

بس حطيت و قت الكيميا شي عشر أسئلة

ما جاوبني غير فارس عن سؤالين منهم بس

يعني ما حدا ألو خلق يجاوب

هيك مبين عطلاب السنة الأولى

_________

والله بالنسبة للكيمياء عتبك ع يلي عرف يحل شي
وبالنسبة إلي ما كنت دارسة ولا محاضرة وما بلشت
إلا قبل الفحص بكم يوم وما كان عندي أي فكرة عن التمارين
بس إن شاء الله بالفصل التاني منعوض هالشي
ومنصير مناقش كل التساؤلات اللي بتخطر ببالنا

مرحبا يا شباب

رح خبركم شوي عن علامات الكيميا

لأنها نزلت اليوم

الحمد لله ما في رسوب كتير

بي كل العلامات بالستينات و السبعينات

يعني مافي علامات عالية كتير

يلا الحمد لله رفعناها