السلام عليكم :
بدي أسألكن سؤال : أنا ناوية أتعلم أتوكاد بالعطلة الأنتصافية برأيكن في داعي سجل دورة وإذا نعم بأي معهد بتنصحوني ، أو بكفي أدرس من الكتاب تبع الدكتور جمال معماري ( أتوكاد 2008 )

بعرف انو بكير ، بس لأنو إذا بدي سجل لازم من هلق

وشكرا

و الله يا seamoom  أنا ما عندي فكرة عن معاهد الشام

بس بالعطلة الانتصافية ما بتلحقي تتعلمي شي

هلق ادرسي من نوطة الدكتور جمال معماري و بالصيف سجلي بدورة

أهلا هارب
أنا بعرف أنو بالعطلة ما لح لحق أعمل كل الدورة بالعطلة ، بس أنا قصدي أني بلش مع بداية العطلة وحتى لو كملت بالفصل التاني لأنو بصراحة نحنا بلشنا بالأتوكاد بالكلية بس الوضع كتييير سيء 

هايseamoom وانا متلك سنة اولى ووضعي كمان سئ بالاوتوكاد اذا منشان امتحان العملي انا برأيي دبري حالك بنوطة علا الحمصي وبالصيف سجلي دورة لانو بالفصل التاني اذا سجلتي بترسبي لانو في مواد كتيرة وموسهلة ... . يعني بترسبي متلنا  موفقة   

سلام.....
انا نصيحتي ,بلا نوطة بلا دورة و بلا عل قلب

افضل شي انو تجيبو DVD تعليم , هو بعلم فديو و بنفذ مباشر
انا جربتو , كتير لذيذ و مفيد  P:

مرحبا يا صبايا ويا شباب


بدي خبركن شغلة


انو الاوتوكاد تبع السنة الاولى مو هو الاوتوكاد الحقيقي


يعني الشغلات اللي عم يعطيكن يا ها معماري بتخليكن تكرهو الاوتوكاد مع انو كتير حلو وممتع



يعني ارسم دائرة ومماس ونقطة ومدري شو


والاعجب انو بدو ياكن تحفظو خطوات متل الولاد الصغار


يا اعزائي شغلة الاوتوكاد تبع السنة الاولى بسيطة


يعني حفظوا الاسئلة اللي عاطيها

ودرسو الدورات وطبقو شوي عالبرنامج بينحل الموضوع وما في داعي للدورة


واللي بدو يسجل دورة بالعطلة ما بيلحق


يعني العطلة يا دوب اسبوعين او اقل



والدورة بكون شي شهرين او 4 شهور


لذلك اكتفو باللي قلتلكن عليه والله يوفقكن جميعا



واذا عندكن ا استفسار انا جاهز


اخوكم الكبير


مجد

ال DVD اسمو " تعلم الأوتوكاد"    و علامة المميزة  انو لونو  ازرق D:


و يا خينا الكبير مجد .....
انو اده عمرك بلا زغرة !

أهلا مجد
أنا ما لي ناوية أتعلم الأتوكاد مشان الكلية ، أنا بدي أتعلم مشاني وما بدي أستنى كليتنا العتيدة ليعلمونا كم شغلة فيه وبطريقة مملة مشان ما بطل أتعلم عليه ، لذلك أنا حابة آخد رأيكن بطريقة تعلم هالبرنامج حتى لو كان مع الفصل التاني ( طبعا أنا لسى عم فكر )