اقتباس

لو شخص كتير غالي على قلبك خيرك بينو وبين عادة معينة بحياتك ما فيك تتركها بنوب وبتعتبرها شي كتير مهم عندك؟؟ شو بتعمل بتقبل تخسرو ولا بتتخلى عن هالعادة ؟؟؟؟؟

والله حسب العادة..نحنا قدام 3 حالات:


ً1- إذا كانت العادة سيئة بتركها وبحاول بكل الوسائل الممكنة أتخلى عنها... ويلي بحط ببالو شغلة بساويها أكيد ومافي شي مستحيل.......


2ً-إذا كانت العادة مو سيئة وأنا متعلقة فيها بهالشكل اللي حكيتي عنو فبختار  أنو  بضل على هالعادة وبلا ما أضغط على حالي وبلا شي  ويصطفل هو 

لأني عندي وجهة نظر بالحياة هية أنو :

اللي  ببيعك  ................شحدوا           (عفوا اعذروني على هالمصطلح .....بس هي وجهة نظري اللي طلعت فيها بعد معاركات مريرة مع أصناف مختلفة ومتعددة من الناس)........)وعلى فكرة هي كلمة عربية فصحى يعني ما حدا يلومني )


لأنو إذا كان بالنسبة إلو عادة وحدة  ومالها سيئة قبل يتخلى عني مشانها ..فهيك شخص مالو لزوم  بحياتي  وعدم وجوده بحياتي  أفضل ب1000 مرة من وجوده..  كائناً من كان من كل الناس وبدون استثناء.....


3ً-بحال كان هالشخص  اللي طلب مني هالشي هو  عيوني وقلبي ومصدر الهوا اللي بتنفسو يلي هنن:
بابا أو ماما ....وبغض النظر عن العادة إذا سيئة أو مو سيئة فأكيد بتركها .....ولو كانت روحي متعلقة بهالعادة بترك روحي وبرد عليهن....


هادا رأيي...........


سؤالي:

إيمتى بتبكي؟؟شو بيعني البكا بالنسبة إلك هل هو ضعف أو شو؟؟

يعني شخصيتي  مو مغناطيسية بكل معنى الكلمة بس بعتقد انو  رغم بساطتها بتثير فضول بعض العالم

وانا اساسا اجتماعية نوعا ما
يعني ما بستنى لحتى حد يجي وينجذب لشخصيتي انا بروح وبجذب العالم  ((غصبن عنن))  

اقتباس

إيمتى بتبكي؟؟شو بيعني البكا بالنسبة إلك هل هو ضعف أو شو؟؟

الحمد لله ماببكي

يعني صرلي مانزلت دمعتي من أكتر من تسع سنين على ماأذكر


أما البكا فهو مو قصت ضعف أو قوة


بس بفضل أنو الشب مايبكي وماتنزل دمعتو أد ماكانت ظروفه صعبة وقاسية


لأن بالنهاية البكا مابحل مشكلة


وبعتبر البكاء إنهيار أمام الذات


أما بلنسبة للبنات فالبكاء ألو معنى تاني


يعني مستحيل تشوف بنت ما بتبكي


وبما أنو البنات بمثلوا الجزء الروحي من البشر فالبكاء مابيعيبهم



أما الشباب فهم بمثلوا الجزء المادي من البشر فلازم يكونو أقصى من الحجر وما يبكو

اقتباس

سؤالي :  هل أنت من الناس الذين يخططون لأنفسهم ويفكرون وينون العمل ولكن لا ينفذون

أنا من الناس الذين يخططون ويخططون ويخططون ويفكرون ...


وينون العمل ولكن        ينفذون والحمد لله


يعني بدرس إمكانية التنفيذ قبل البدء بالتخطيط



سؤالي : أنت راضي عن وضعك الحالي وعلى مجتمعك وعلى محيطك

(يعني عاجبك الوضع هيك)

ولا عما تفكر بالتغيير؟

التغيير جميل يضيف نكهه للحياة يقضي على الروتين الممل (هاي من ناحية حالي)
اما المحيط فالتفكير بالتغيير شوي صعب ولو نرجوه
لان الانسان بطبعه دائما يطمح للافضل وان يكون كل شيء متوفر له
لكن التغيير يلزمه اسس يلزمه خبره وقدره يعني شون بدنا نفكر بالتغيير اذا لا نمتلك القدره على انجازه والاهم كيف نبدأ التغيير اذا لم نعرف شو هوه اللي بدنا نغيره
وبصراحه بصراحه نحن في تغير مستمر بس ماحدا عم يحس
بتمنى للاجيال القادمه تغيير على نحو افضل


سؤالي: هل جربت الغربة؟ تحدث عن تجربتك؟
اذا كان جوابك لا فهل تفكر في السفر خارج سورية للدراسة او العمل؟

اقتباس

سؤالي: هل جربت الغربة؟ تحدث عن تجربتك؟
اذا كان جوابك لا فهل تفكر في السفر خارج سورية للدراسة او العمل؟

ههههه ولك انا الغربة بحد ذاتها لما تشوفني بتغترب

تجربتي
فيني لخصلك ياها بعبارة وحدة

عشت بعيدا عن بلدي مغتربا , فعدت إلى بلدي لأعيش فيها غريبا


سؤال)اذا وقعت كاسة الشاي عليك وانت عبتكتب رد بالمنتدى ,,شو بتعمل؟

اذا وقعت كاسة الشاي عليك وانت عبتكتب رد بالمنتدى ,,شو بتعمل؟

أول شي بدي أسألك أنت من وين بتجيب هالأسئلة

بعدين أنا ما بحب الشاي أبدا و ما بشربوا ينوب

بس اذا قصدك يعني أي مشروب تاني

أول شي بحترق لأنو الشاي ساخن

تاني شي بنط من مكاني

تالت شي بيوقع الكمبوتر كلو على الأرض و ما بعود بالمنتدى أصلا

لنفترض أنو ما وقع الكمبيوتر

بركض لأغسل الشاي

و برجع بلافي أنو فصل النت

و باليوم كلو ما بعود اتصل بالنت أصلا

بعدين بغير أواعي

و بعدين بيصير اليل و بروح بنام

و بعدين بفيق الصبح

و بروح عالجامعة

و لوين بضل بحكي نوار كمل و لا حاجة

سؤال خاص يعني لملاك paradise angel كبرتو مشان تطسي


و لك أنت وين دارسة عربي 

وعلى فكرة هي كلمة عربية فصحى يعني ما حدا يلومني 

شو جابها للفصحى

شحذ يشحذ فهو شحاذ يعني شحذه 

و السؤال لأبو النور حصرا لعجزك استنى 

و انت عم توقع من فوق بناية شو أول شغلة بتعملها 

و السؤال للي بعدي

اذا خيرت بين السعادة و الرضا ماذا تختار

اذا خيرت بين السعادة و الرضا ماذا تختار:

انا بصراحة باختار الرضا لأن اذا رضيت حعيش بسعادة وكون مبسوطة وعلى قولة المتل ( مين رضي عاش)

مشان هيك برأيي اللي بدو يعيش بسعادة ويكون مبسوطة لازم يرضى ويعيش بقناعة


وسؤالي للي بعدي:

اذا اجتك فرصة ترجع الزمن لورا بترجعو ؟ وشو بتغير؟

ملاك ماشالله حولك شو هالاستفاضة هي
 

اقتباس

اذا اجتك فرصة ترجع الزمن لورا بترجعو ؟ وشو بتغير؟

كنت برجعو وبغير اشيا كتيرة بس بقولو انو حتى لو رجع الزمن رح نرجع نغلط نفس الاغلاط ونعمل نفس الاشيا بقا بلاها لانو الزمن بيمشي والايام بتنسي ليش لحتى نرجع لورا ونرجع نشوف شغلات ونعيش امور نحنا بغنا عنها



سؤال

لسه لهلا بهمك تشتري تياب جديدة للعيد ولا لما كبرت صرت تحس هالشي تفاهة  ومالو اهمية ؟؟

اقتباس

و السؤال لأبو النور حصرا لعجزك استنى 

و انت عم توقع من فوق بناية شو أول شغلة بتعملها 

يعني أذا استثنينا قولة الآ آ آ آ آ آ آ آ آ آ آآ آ آ آ آ آ آ آ آآ آ آآ آ آآ آ آه
لانو هي لا إرادية
فبترجع الشغلة على حسب
اذا البناية واطية في أمل
واذا البناية عالية راحت عليي
واذا في أمل ,,,في قدامي حلين يا بعيش طبيعي
يا بعيش مكرسح
واذا عشت مكرسح راحت عليي
واذا ما عشت مكرس الحمد لله
واذا راحت عليي في قدامي حلين
يا بلحقها بتكسي
يا أما ما بلحقها
اذا لحقتها بتكسيي ,,,تخورفنا
اذا مالحقتها بالتكسي ((على قولة أبو وديع)) تخو****
اذا تخورفنا مو مشكلة المصاري بتروح وبتجي
واذا متل ما قال أبو وديع    (((((  مشكلة  ))))))
اذا راحت واجت ,,,انحلت القصة لانو ماراحت عليي
واذا مشكلة في قدامي حلين
يا بتنحل
يا ما بتنحل
اذا ما نحلت راحت عليي
واذا نحلت في قدامي حلين
يا بتكون قطبيةو بتدوب بالماء
يا بتكون عضوية و بتدوب بالبانزين
اذا كانت قطبية مو مشكلة
اذا كانت عضوية في قدامي حليين
يا بشتري بانزيين ((والبنزين غالي )) وهيك بتنحل
يا أما بكمل وقعتي على الارض ((( والله يستر  )))

على كل حال بيضل أول شغلة بحملها انو فكر على أنو جنب بدي أوقع 

اقتباس

لسه لهلا بهمك تشتري تياب جديدة للعيد ولا لما كبرت صرت تحس هالشي تفاهة  ومالو اهمية ؟؟

هلاء ما بعتبرو تفاهة أكيد
بس مابشتري أواعي لانو أنا مابحب أشتري أواعي من الشام ,,,,,, 




سؤال)
لو كان ضهرك عبيحكك وعبتحاول توصل للمكان بأيدك مشان تحكو بس ما عبتقدر ,
فشو بتعمل؟؟؟

اقتباس

لو كان ضهرك عبيحكك وعبتحاول توصل للمكان بأيدك مشان تحكو بس ما عبتقدر ,
فشو بتعمل؟؟؟

لا انشالله بوصل  معي معي بوصل
يعني الحمد لله الله خلقلي (يدان اثنتان  ) بقا بستخدمهن هني التنتين وبحاول من هون ومن هون وبوصل بازن الله

وفرضا ما وصلت بحك ضهري بالكرسي
او بروح جيب شي طويل بستخدمو بحك ضهري
ولو كنت بالكلية بخلي رفيقتي تحكلي اياه

او بتعرف اكتر طريقة فعالة اني بتخيل منظر نوار وهو عم ( يطيح ) من البناية وبشغل حالي بالتفكير بكل الاحتمالات يلي حطها وخصوصا على اي جنب بدو يقع وهيك بنسى حكة ضهري


سؤال

بتصيبك حساسية من شغلة معينة ؟؟ شو هيي ؟؟؟