قد كنت فرد أساسي في قضية ماكو و غبت شي يومين بسبب
1 - انقطاع الانترنت
2 - عزيمة سهرة يوم الخميس الي ما ببتفوت
و رجعت اليوم لأنو أحتدم الصراع على هالقضية و صارت الشغلة بالمحاكم و الله يجيرنا من شي أعظم
فأنا بقول يا شباب و كلامي للتوضيح أنا أنا قلت موكا بس تزور كلامي ميمي أنا قلت موكا مشان الرشوة تذكري بالدردشة ليش قلت موكا و بس أبو النور زعل و مشان ثقة أبو النور فيي يلي ما عادت موجودة متل ما عم يقول
بقول أنني لن أتراجع عن كل أقوالي السابقة و القصة قصة موكا  ما في معنى لكلمة ماكوا و لم أجده أبدا في قاموس اللغة العربية بعد البحث و التفتيش الي دامو يومين
على كل مشان العزايم و لتبرير موقفي الي تشوه من قبل رأيكم و التحريف أنو نخيت مشان العزيمة أنا بعزمكن كلكن كلكن من دون استثناء يوم الأحد الساعة 12 على مقصف العمارة بفضل أو مقصف المدني لأنو مقصف العمارة أحلى
و عفوا أبو النور لأنو فقدت ثقتك فيي
و ميمي ألك وحدة بردها بعدين
و مجد أنا كنت بعرف أنك سنة تانية مو تالتة لهيك أنا دورت بقوائم السنة الأولى و على كل منشوفكن
القاضية ملاك الجنة أتمنى أستئناف الحكم و النظر في القضية مرة تانية بعد الاستجدادات الحديثة بالموضوع
و في النهاية بقول لأنو الحق موكا

سلام أحلى عيلة مدني
و مدنية للأبد

شيروان بتصدق اني ما فهمت نص كلامك     

بس في شغلة يعني صراحة صدمتني

   
شيروان الموكا شراب نوع من انوع القهوة اخت النسكافيه يعني
في موكا سخنة وموكا مثلجة وانا الموكا يلي قصدتها هي عبارة عن قهوة مثلجة لك موجوة بالكشك الله وكيلك روح وشوفها يمكن من شركة سيتي كافيه  في 3 انواع موكا واورجينال وفانيليا

شو بدك اكتر من هيك شرح

رح وضحلك
القصة كلها كانت تدور حول اسم دلع لملاك بقا اول شي انا اقترحت ميلو
بعيدن نوار اقترح ماكو
ثم انا عدت واقترحت موكا
المهم بقي التصويت محصور بين موكا وماكو ووعدت ملاك لو بتختار موكا رح اعزمها على موكا وهي اختارت وانا عزمتها وهي القصة بس رجع نوار فتح الموضوع من جديد لانو حضرتو متجاكر

بقا الله يرضى عليك شيروان ما اتفقنا هيك بنوب لا تتنازل عن كلامك خليك على الموكا والله بعزمك صدقني وبقبل عزيمتك كمان مو مشلكة بس المهم انو ما تخلي نوار يتمقطع فيي 
لانو صدقني الحق معي انا 
امي الله يخليكي وقفي معي الله يوفقك امي   

القصة و ما فيها أنو نوار صارت القصة عندو زعزعة بالرجولة أنو تراجعت عن كلامي و مالي فهمان أنو شو دندلني بالموضوع
و الله ليك ميمي أنا قلبي كتير طيب بقا بحاكيك بطلع موكا و انا بعرف أنو هي موكا و القصة معروفة أنو موكا بس لما بحاكيأبو النور بغير كلامي
طيب مشان نطلع و ما نزعل حدا عندي حل
هي بالحقيقة القهوة المثلجة موكا و الله موكا لأجل قول الحق
بس مشان أبو النور ماكو

بعدين انا بسمي ملاك لا موكا و لا ماكو انا بسميها سويت كافيه
و طالعونا من هالموضوع

بتعرفي عم فكر وقف معك لأنو بجد تجاكرت من أبو النور

بالعكس اساسا الرجولة انك توقف مع الحق بقا لو كنت قايل كلمة وبعدين اكتشفت انك غلطان بتكون قمة الرجولة انك تغيرها وتعترف بغلطك
ونوار طلب منك تقول ماكو بدون ما يفهمك ارجع للحوار قلك قول ماكو بدون ما يشرحلك شو هي الماكو اساسا

بقا ما ترد عليه وخليك مع الحق

ايه الله يخليك شيروان والله صدقني هاد نوار شغل جكر وحدة بوحدة سالني انا دايما بجاكرنا وما عم يلاقي حد يجاكرو ويوقفو عند حدو  

بقا وقف معي وعملي هالخدمة وما رح انسالك اياها بنوب

منيح هيك
بس هالحكي مشان الحق
مو مشان العزيمة

القصة قصة موكا

تعدل الموضوع

و عمرو ما حدا يرت

لشوف أخرتها

بتعرفي نسيت العنوان
و لك ضيعتوني أنا ما عاد عرفت

بس بالأخير



                                          موكا

انتظروا الجلسة الثانية للمحاكمة...................سيتم الإعلان عنها قريباً.............بعد اكتمال الأدلة وأقوال المدعي والمتهم.............



القاضي العام.............paradise angel.................

يا حبيبي وزاد في الطنبور ماموكوكا


ملا شو قصتك خلص ملاك وبس لسى طلعولي نص مشاريب البلد على ضهرك والله خايف بكرا يسموكي ديربي او  انكل شيبس


يا اما قوليلهن ملاك وبس يا اما ارضي الطرفين وسمي حالك ...موكوماكا او ماموكوكا او ماكاموكو(طبعا انتِ قدام العالم كلها ملاك يعني اسمي انا يستمر.....الى الابد)




مدنية.......للأبد



ملاك....للأبد



مجد

شيروان انا من جهتي موافق على العزيمة.....موافق موافق موافق



وخلي بابا ومام المدني يرجعو يحييو الجو من جديد ويجمعو ولادون الهبل....اللي صرلون سنة على ماكو وموكا.....يغيرو على شي بيتاكل صار معي زيادة سوائل من وراهن


طيب شوف انا يوم الاحد كنت طالع عالآداب بس بما انك عزمت يا ابن عيلتي.......تكرم عيونك وعيون العيلة



رح اجل طلعتي بس اذا طلعت العزيمة فاقسة ما رح اقبل عزايم ابدا....بس ما خبرتنا وين بدنا نلتقى ومين بدو يجي لانو شكلو بس انا الموافق


برجع انا بفوت عالموضوع وبشوف الجديد اليوم



انا سنة تالتة حاليا مو تانية((((ولي الله يبعدنا)))))



والى اللقاء قريبا



مجد