لك اكرام مالح تسيبينا بحالنا نازلة فينا نحت بالحرب    ولي عليكم مالكم آمان مهما صار الا ما تلاقو شي ما يعجبكم فينا 
ههههههههههههههههههههههههههههههههههههههههههههههههههههههه

صراحة صديقتي كلامك صحيح و انا معك 80% يعني في كتير ناس بس همهم هل شياء يعني كتير بفوت بدي سلم بلاقي مثلا بنت و شب عم يحكو بتفوت تحاول تشارك بالموضوع بتلاقيهم سكتو ما عاد بدهم يحكو طيب اذا شي خصوصي احكو قولو في شي خصوصي مو اذا شفتو واحد دخل ما تحكو

بعدين اكرام مو كل الشباب متل بعضها في المنيح و العاطل و متل ما قالت صديقتي مون لايت انتي فيكي تحطي خط احمر و تقولي هي خصوصيات, لك و اذا خايفة على مشاعر الناس لك ايه على جهنم بمشاعرهم يعني يزعل شو لح ينقص منك شقفة و يلي بيزعل من هيك كلام قله صغير , يعني انتي فيكي تتحكمي بكمية المعلومات يلي بدك تعطيها لك و بعدين شو فيها اذا سأل عن عمرك ايه اختي بركي عجبتيه جاية يخطبك هههههههههههههههههههههههههههههههههههههههههه


بس  والله كلامك صح في ناس كتير بكونو مو جايين ليستفيدو جايين بس للتسلية بس مو كل الشباب هيك يعني مع احترامي في كتير بيحترمو الخصوصيات يعني صراحة انا ولا مرة سألت بنت شو اسمك الحقيقي و سألي كل يلي بعرفهم بس انا متى سألتهم لما صار عندي كتير معرفة فيهم بسألهم بس يعني مالي معطل على اني اعرف اسم وحدة لأني بحترم خصوصةي المرأة و ما بحب كون من الناس الفضوليين انا علي كون طيب مع الآخرين و يلي ما بده مالو هاممني و يلي ما بيعجبو طريقتي يقلي , يعني انا فعلا شفة كتير من يلي عم تحكي عليهم و معك حق شي بدايق و بعصب بس متل ما قلتلك الحلبأيدك انو تحطي حد للأسألة يلي بتعتبريها خاصة متل ما قالت مون لايت

معك حق بكل كلامك انا بنت واتعرضت لنفس القصه

اكرام معك حق بس مو بكل شي قلتيه

ومتل ماقالت مون لايت

اقتباس

بس الشطارة بالبنت .. بتقدر تحت خط احمر من اول كلمة ... و بدي ياكي تعرفي
شغلة وحدة ... ما في حد بياخد منك اشي غصب عنك .. كله بخاطرك

...

على كل حال الدردشه للتعارف(ضمن المنتدى طبعا) وللمناقشات

ويلي بينزعج من هالموضوع بامكانه مايدخل الدردشه

واذا حب يدخل بإمكانه مايجاوب على السؤال يلي مابيعجبو

كمان سؤال : شخصين مابيعرفوا عن بعض أي شي كيف بدو يكون في حوار بينهم ؟؟؟

وعن أي شي بدو يكون هالحوار

وأنا معك أنو في اسئله سخيفه بتنطرح بالشات


تقبلي مروري

أختي اكرام

ساحة الشات هي ساحة مفتوحة ولا يمكن لأحد أن يضع جدود فيها

هل من الممكن لشخص عادي أن يغلق ساحة أو شارع رئيسي بمدينته لمجرد أن شخص لا يحبه سيمر من هذا الشارع

وطبعا ساحة الشات تتبع لنفس المبدأ

والواضح وجود مبالغة بسيطة بردودك
يعني من الطبيعي ان تورد هيك أسئلة عن الدراسة والعمر لمجرد كسر الحواجز النفسية بين الطرفين
أما أسئلة الدراسة والثقافة أكيد رح تطرح لتقدري تتقربي من الشخص ويكون في لغة حوار بينكم متا ما قالت اختي فرح 
طبعا كلامي على افتراض أنك عم تحكي مع شب أو بنت محترمين

طيب لو كان في شخص غير جيد وعم يستغل الفرصة ويتسلى وما إلى ذلك ليش لنعطي وش ونخليه يتمادى بالاسئلة ومتل ما بيقولو يافرعون مين فرعنك قال مالقيت مين يردني  بكل بساطة الدليل أني شب وقلة من اعضاء المنتدى يلي بيعرفو اسمي الحقيقي

طيب رح اسألك سؤال : لو دخلت بنت وسألتك عن اسملك وعنوانك ودراستك
ولا وأكتر من هيك حكت معك حديث نسائي وبالاخير طلع شب متنكر باسم بنت . . .

شو الحل برأيي ؟؟
الحل أنو نحن نحط الضوابط للحديث مع الاخرين وبالتالي الاخرين بينضبطو بالحديث معنا



تقبلي مروري المتواضع

مع التحية



khl

الأخ ياسر

يعني آنست وشرفت موضوعي

وأنا معك في ما قلته:

اقتباس

ولكن للأسف هؤلاء الاشخاص أو الفئة من المجتمع
ماكانو لينتشروا ويتشعبوا
لولا قبول وللأسف المحض... انه القبول من الطرف الأخر

وأنا أردت من أخواتي الاتزان في ما يخص الأمور الخاصة بها
بما لا تسلم عقباه عادة

نحن والحمد لله في مجتمع محافظ, ومنتدانا تحمد سيرته.

ولكن عادة ما تفدي الفتاة بأمورها الخاصة دون الانتباه لما يمكن
أن يكون له من عواقب فيما بعد!!!

اقتباس

ولكل أمر وجهان... يتباينان في الاستخدام
لابد لأحدهما الخير وللأخر الشر.... ولا أرى في كثير من الاشياء الاستخدام للخير المحض

بامكاني أن أخبرك أنه لطالما أردت أن أعرب عن هذه الفكرة
لذا قد أجدت التعبير أخ ياسر عما كان يترنح في عقلي وينتظر التعبير عنه.
فقد بدأت أنظر لكثير من الأمور التي ليست خيراً مطلقاً مع أن فيها
الافادة ولكن لها من سلبيات في الوقت عينه,

فمثلاً, التلفاز هو فائدة لمن يبحث عن الفائدة ومضيعة للبعض الآخر.
الطعام, مفيد في حاجته, ومضر في زيادته.

والأمر ذاته بالنسبة للدردشة, فاستخدامه كقناة للفائدة أمر حسن,
ومع أن لها وجهاً آخر.

أنا في النهاية مع تعلم اتيكيت النقاش على الدردشة.

issa

شكراً لردك

اقتباس

ذكرتي كل الحالات الي بتواجه اغلب البنات بس لاتنسي كمان في بنات بتطرح نفس الاسئلة على الشب

هذا صحيح, ولكن الشباب هم في الغالب من يسألون,
ولا توجد نسبة مقارنة بين عدد السئلين من الشباب وعدد السائلات من الاناث.

اقتباس

يعني الإدارة احتارت شو تساوي هي لغت الخاص وما خلصت من الإنتقادات

شو رأيك نلغي الشات بالمرة مو بيكون احسن...............

لا طبعاً, أفنلغي أي أمر فقط لأننا نسيء استخدامه؟؟؟!!!!!!

على العكس, بل نوظف امكانياتنا في تعلم اتيكيت الكلام في غرف الدردشة
لأن النت يختلف عن الواقع.

اقتباس

والحل برأي بإيدنا نحنا منترك مجال للواحد يسألنا بإمكانا ندافع عن حالنا  ما في داعي نجيب لجنة دفاع منشان هي الشغلة

صحيح, يجب أن تكون الفتاة واعية لترد على من يسألها بأن السؤال الذي يسأله هو شخصي وهي لا تريد الرد ببساطة.
وعلى الطرف الآخر أن يتقبل ذلك برحابة صدر.

ريتشارد

شكراً للرد,

اقتباس

والله كنت مفكر الموضوع مزحة طلع  كأنو جد 

الموضوع جد أخ ريتشارد.

اقتباس

بصراحة انا هي الاسئلة بسأل منها بس شو نوع الدراسة 
وغالب حكي عالدردشة مع الشباب والشباب بسألن كل شي 

أكيد أن كلامك هذا هو في سبيل الدعابة, على أي حال إن كنت تسأل هذه الأسئلة فهل بامكاني طرح سؤال عليك:

لماذا تقوم بسؤال الفتيات هذه الأسئلة؟؟

اقتباس

ودخلك بدي اسألك بصير شي انو يقلا بحبك وما عم اقدر نام بالليل وبدي اخطبك ومدري شو

 

وهنا أيضاً, أنت تتكلم بحس الدعابة, وجوابي هو:
بشكل عام, لا ما بيصيرلها غير أنو عم تضيع وقتها بهذا الكلام مع شخص ما,  فإن استهانت بوقتها فهي حرّة,
ولكن الحديث في غرف الدردشة في منتدانا يجب أن يكون ذا مستوى راقي, فنحن طلاب جامعة, ومسؤولون عن تصرفاتنا وكلماتنا مو حارة كل من ايدو الو.


       

مصطفى الكحيل

شكراً جزيلاً للرد.

اقتباس

قد يكون الموضوع به شيء من القسوة لكن لابد منها ،ولابد من المباشرة والوضوح في معالجة الأخطاء.

ربما يكون قاسي شيئاً ما (واللي فيه شوكة بتنخزو ) لا , عم أمزح بس

المهم أني أرغب بأن ترتفع مستوى نقاشاتنا على الدردشة السطحية.

اقتباس

ثاني منتدى  أدخله هو هذا المنتدى الرصين ،وأول غرفة دردشة أدخلها هي في هذا المنتدى وأحسست أن معظم الوقت يضيع ب مين ومن وين  وشي أربع خمس صفحات وأكتر شي كان يدايقني أن يدخل شخص ثم يخرج هكذا بدون تحية (ما حدا يقلي فصل الخط معن).

معك حق, يجب أن يكون هناك تحية, على أن تكون بغاية الحوار
ولكن لا يجب أن يزعجك أي أمر على النت, فهذه الأمور عادية عادة, فالنت ليس أرض الواقع
أما بالنسبة لانفصال الخط, فيبدو أنك لست مقيماً في سوريا   لأنه غالباً ما يفصل النت, أو يعلق الجهاز هاهاهاها.

اقتباس

هذا في البدايات عندما وجدت الوضع هكذا توقفت عن الدخول إلى غرفة الدردشة، بصراحة لا أعلم إن كان من الممكن ضبط الأمور  لكن على الأقل علينا أن نراقب أسئلتنا وأنفسنا.

بالعكس, أرى أن عليك أن تدخل وتساهم في جعل حواراتنا راقية.
على كل حال الله يسامح اللي كان السبب وزعّلك.

عبد الله طه

شكراً للرد,

اقتباس

اول شي بشكرك اكرام على طرح الموضوع
بس انا بشوف انو في نوع من المبالغة
المهم كل العالم خير وبركه ونشالله مانشوف هالنماذج عنا بالمنتدى

نعم, ربما هناك مبالغة في أجوبتي ولكن ليس في الأسئلة

وطبعاً انشالله نحافظ على سمعة منتدانا كوننا طلاب جامعة دمشق.

ميدو

شكراً لردك, أما بالنسبة لسؤالك:

اقتباس

شكراً الك اكرام معك حق بها الشي

بس سوأل

بتحبي تضلي شخصية

افتراضية ومو حقيقة بعين الي عم تحكي معون ؟؟؟

سأرد عليك السؤال بمثيله:

هل تعتقد أن الشخصية على النت هي شخصية وهمية, أم حقيقية؟؟

إن قلت لي أنها وهمية, رددت عليك بالسؤال: لماذا تكلم وهماً؟؟؟؟؟

إن قلت لي أنها شخصية حقيقية رددت عليك بالسؤال: إذا لماذا تريدها على أرض الواقع وهي حقيقية أمامك؟؟؟؟؟

الحقيقة يا ميدو, علماء اللغة العربية يجب أن يسبقوا الغرب في استحداث كلمة وافية جديدة لتدخل قاموس اللغة وتعبر عن كون العلاقة القائمة على النت ما بين شخصيتين افتراضيتين ليست صداقة مع أنها صداقة, ودبرلها حل أو دوبارة أنت.

الغرب يقول : أنا أتواصل مع شخص على النت..
الشرق يقول: أنا عندي صديق على النت...

والآن أيهما أدق؟؟؟؟

أمور الانترنيت يجب مناقشتها, مناقشة السلوك, الاتيكيت, الواجبات, طبيعة العلاقات, المحاذير, كل ذلك في ضوء علمي ذو اطار نفسي.

ستقول لي : لم تجيبيني بعد على سؤالي. أعلم هذا.
بكلمة مختصرة: النت هو النت, وأنا لا أقول بأنني أريد الاختباء عن أحد, فأنا انسانة تعيش الآن وهي تكتب لكم, ولها أسرتها ومنزلها ولا تستطيع أن تهب حياتها لآلاف مؤلفة من البشر تدخل الدردشة بغاية التعارف, فأنا أريد الدخول بغاية النقاش في أمور دراسية وعلمية وتقنية.