جرت العادة أن أدخل الدردشة كعادة غالبية أعضاء المنتدى هنا, أحياناً بدعوى من أحد ما, وغالباً بدون دعوى, ولم لا وغرفة الدردشة مليئة بالصحبة؟؟

ولكن قد أذهلتني  تلك العادات الموروثة من قبل الشباب, فانظرن أيتها الأخوات للأسئلة التي يسألها الشباب غالباً:

يبدأ بالسلام والتحية, وهذا لا نختلف عليه أبداً,  والواجب يحتم السلام ورده.

وهنا تفاجئ بما يلي: يدخل أحدهم على الخط دون احم ولا دستور, ثم يقفز بجملته هكذا دون تحية  . قلنا لا بأس!

ولكن تخيلوا ما يحدث:عندما يدخل أحدهم ونكون في الغرفة 6 أشخاص في المتوسط الحسابي, فيسلم فنرد السلام وكل هذا يأخذ صفحة كاملة من التحيات والردود.
بعدها يطلق أحدهم كلمة: كيفكون؟ وترد الردود لتبقى صفحتين أخرتين في الرد.
وفي النهاية وبعد هذا النقاش في الردود يخرج الأخ فوراً, والسؤال: لماذا دخل؟؟
الجواب: ليسلم!!!
غريب أمرهم..


نعود للأمر الثاني: يحدثكن يا أخواتي أحد الشباب ثم يبدأ بالأسئلة الشخصية, وخاصة إن استفرد بكن في إحدى الغرف.
فيسألكن: ما اسمك؟؟؟
والآن السؤال: لو أردت أن أعطيك اسمي لما وضعت اسماً حركيا فأنا صدقاً أقدر اسمي ولكن خصوصيتي يجب الحفاظ عليها.
وطبعاً غالبية الفتيات ستعطي اسماً آخر غير اسمهن أيضاً أي اسم حركي للاسم الحركي.

السؤال الذي يليه: من وين أنت؟
فترد: من الشام.


ويا ليته يكتفي: من وين من الشام?
لازم نعطيك العنوان, لا تآخذنا, وشو رأيك تجي لعندنا أنت وكل المشرفين والأعضاء, لأنو فاتحينها مضافة نحنا!! 


السؤال الرابع: شو بتدرسي؟
منيح اللي شفت سؤال لتسألو, وأخيراً في سؤال ناجح .


السؤال الخامس: قديش مواليدك؟
الجواب: أنت رايح تخطبني وأنا مو دريانة؟؟ بيهمك قديش عمري اذا كنت بالجامعة قديش بدي كون يعني 70 سنة؟؟؟

السؤال السادس: شو ايميلك كرمال المسنجر؟؟
الجواب: مازال في دردشة هون, لشو بدك ايميلي, لأن على الايميل مو فاضية لعيلتي وللأقارب, بس فاضية لشخص من المنتدى .

السؤال السابع: ابعتيلي صورتك؟
الجواب: شو رأيك أعطيك اخراج قيدي بالنفوس  كمان, وصورة عني. طيب أنا ليش بحط صورة رمزية عند اسمي, كنت بالمرة حط صورتي وخلصنا.

السؤال الثامن: عطيني رقم جوالك؟؟
الجواب: دخلك بيمشي الحال اذا عطيتك رقم البيت كمان.

السؤال التاسع: أنت رقم قديش بالبيت؟؟
الجواب: ما خصك, انشالله بكون الأم بالعيلة.

السؤال العاشر: وين فيي شوفك؟؟
بالمشمش, شو حلمانة فيك أنا؟

السؤال الحادي عشر: إذا فيكي تعطيني بالمرة رقم الip تبع جهازك؟؟ مو مشان شي, بس كرمال اذا اعتزنا لشي بنفوت وبناخد المعلومات اللي لازمتنا , أحسن ما نكتر حكي.
الجواب: لا , لشو الـ ip ما دام صار عندك عنوان البيت, تعال خد الكمبيوتر واللابتوب, مو لازميني أنا.

فما رأيكم بما يجري, هناك اتيكيت للتعامل في غرف الدردشة.

عن جد يعني على فكرة قبل ما اقرء الموضوع صار معي شغلة غريبة
يا جماعة انا داخل على الدردشة وما في حدا غيري وحاطط الصفحة على جنب بيقوم بيدخل حدا (س ) وبيسأل مين هون ؟ لك مين هون ؟ بجي انا بعرف على اسمي
بتعرفوا شو قال لي , قال لي : يعني شو ذكر ولا أنثى ؟
بصراحة حسيت بشيء يعني ما بعرف شو بينوصف مع اني شب والله كتير اضايقت.
المهم قلت له : يا أخي أنا انسان والكل بيشترك بالانسانية قبل ما نفرقهم بين ذكر ولا أنثى.

الاخ صار يتمسرخ قال شو روح العب بعيد .

يعني بصراحة فعلا نحنا بحاجة لاعادة تنظيم واعادة زرع الوعي في عقول ونفوس
ولا حول ولاقوة الابالله

شكرا على الموضوع لانه عن جد كنت كتير مضايق

أظن إكرام عندك مبالغة بالموضوع شوي يعني هيك حاسس ولا شو رأيك لا أكيد ماعم تبالغي أبدا مافي مبالغة بالموضوع




عفوا بس بتمنى تتقبلي الرأي الآخر مانحنا جيل الرأي الآخر بتمنى ينقبل الرأي لكن






الحقوقي رامي

على عيني الرأي الآخر ولو... اسكندر, أنا بقبل الرأي الآخر.

بس مو كل مرة, بدها اتيكيت القصة

وعلى فكرة المبالغة ليست كثيرة هنا, أنا سمعت حتى الآن غالبية هذه الأسئلة ولم أطرحها من نفسي.

ولكني وأخيراً جاوبت من أعماق.. أعماق قلبي.

          مرحبااااااااااااااااااااا


امممممممممممممممممم هلا الحكي في شي من الصحة هو هيك بصير اي بس لا تتوقع شي غير هيك كون الشخص داخل ع اشخاص ما بيعرفون  فا جرت العادة انو يبلش التعارف هيك بينون بس اكيد الا احلا لو بيختصرو كل هاد الحكي وبيبلشو بشي موضوع مهم وبيكتفوا بالملف الشخصي للعضوا اذا عندون شغف بالمعرف كل هل اد


بنسبة الك اخ عطر الشام معك حق كتير مزعج هاد الشي واصلا المزعج اكتر هو الصمت الي بكون بالغرفة لحتى تدخل شي انسة وبيبلش الترحيب الحار والحكي الي بلا فائدة وهاد الشي مو بس عنا هون وبكل غرف الدردشة  عموما



                      طولت عليكون ان شااء الله تكون وصلتكون فكرتي


                                                                                                تقبلو تحياااتي


                                                                                                          امل لا يدمر


                                                                                               

والله يااكرام
حطيتي ايدك على الوجع


كل انسان يحترم حاله بشان الاخرين يحترموا
ويعرف حدوده لوين
ودائما نلتقي لنرتقي

شكرا على الموضوع اكرام

عطر الشام

معك حق تنزعج, أنا أنتبهت مراراً أنو الزلمة بيعمل حالو شهم وشريف لما نكون حاضرين نحنا البنات, وبس ما نطلع بتشوف كيف بيتعامل بحقيقته مع الشباب.

وهذا أمر موجود بكثرة في غرف الدردشة والواقع أيضاً.

غزل احلاكم وتحداكم

اقتراح سليم مئة بالمئة, أنا أتمنى النقاش في أمر مهم مع أحدهم

وللصراحة هناك نخبة مثقفة, وقد جرى لي أجمل حديث مع شخص مثقف

ولم نتناول به أي سؤال شخصي سوى أنني فتاة وهو شاب, وكل ما تبقى

كان باستخدام أسمائنا الحركية, وحوار واعي.

sas
شكرا لك

أنا أسعى بالفعل لأن تكون ثقافتنا ليست فقط في الجامعة

بل تلحق تصرفاتنا بالثقافة وآداب السلوك


في الحقيقة أريد أن أقول أنه يجب أن نكون نحن العرب

سباقين بتعليم أولادنا كيفية الحوار على النت, وأسلوب الكتابة اللائق

وكيفية الحفاظ على الخصوصية..

ولكننا نرى للأسف كثير من الهكر الذين يسرقون كل خصوصية نعيشها

الواقع اخترق من زمان, فنحن الفتيات لا نجد ساحة للحركة

وهنا على النت أيضاً ليتركوا لنا مساحة لنتحرك قليلاً.