كلياتنا بنعرف المثل يلي بيقول (( اكبر منك بيوم ، اعلم منك بسنه ))
طول عمرنا يلي اكبر منا بيستلمونا سبعه بلدي بهالمثل اذا اجينا ناقشناهن...
و خلص انا حفظت الشغله و ما عدت وجع راسي...
بس اليوم بالكليه بلشت لاحظ شي جديد...
انو صايره الاجيال الجديده اعلم منا بمليون سنه....

يعني من زمان كان الواحد عمرو سبع سنين يبعتو على الكتاب يتعلم القرايه و الكتابه و هالكم شغله....
و بعدين بيقضيلو كم سنه بمصلحة ابوه و بعدين على ال18 بيستلم الشغل عنو و بيتزوج و بيجيب ولاد و صلى الله و بارك....
هادا بقا بينقال عنو عالم بامور الدنيا و المعيشه و هيك....
يعني اندعك و انخبز و انعجن الف مره لحد ما استلم المصلحه...
و بتلاقي كل الولاد الصغار ما بيصدقو يصيرو متلو....
كلمتو ما بتصير تنين باي نقاش....لييييييييييش ؟؟؟
لانو كبير و يلي اكبر منك بيوم اعلم منك بسنه

و مرت هالايام و هالسنين....
و اجا الكمبيوتر و اجا هالتطور العلمي الهائل و التكنولوجي تحديدا...
وهون بقا اختلفت الموازين...
صار الجيل يلي تعلم بالكتاب ما بيعرف حتى يشغل كمبيوتر...
و انحط على جنب متل شي صمديه قديمه و تقيله...
بس للفرجه....

بالاول كان اذا سالتو عن امور الحياه و هيك....يعني يعني ممكن يساعدك...
اما حاليا صار مافي مجال يساعدك....لانو العجله عما تعديه....
و مو بس هيك يعني حتى الاجيال يلي بتسبقنا بعشرين سنه صار ما يمشي حالها...
لانو كمان ما لحقو ركب التطور....
يعني وين فينك تناقش هلق واحد عمرو 40 سنه ببرامج الكمبيوتر الجديده....
الا من رحم ربي بس مشكلتهن قلال هدول...

قلت لحالي معقول هالشي يصير بالعالم...
بعدين انتبهت انو هالشي مو ظاهره عالميه....
بل هي ظاهره محدوده من المحيط للخليج....
لاحظت انو الكبار بالبلاد الاخرى انتبهو على هالشي و لحقو حالهن....
يلي اخد دورات....و يلي تعلم مع ابنو.. و يلي ، و يلي ، و يلي .....
ما كان عندهن اي معارضه انو يرجعو على الصف بعد عشرين او تلاتين سنه من الفراق...
او انو يروحو عند ولادهن الصغار يلي بصف الخامس و السادس و يسالوهن كم سؤال عن شغلات مو فاهمينا...
اما هون مجرد ذكر نصيحه قدام اي حدا من الكبار انو ياخد دوره يتعلم فيها كمبيوتر او حتى يطور مجالو...
بتقابلك جمل الاعتراض و الاستنكار و الاستهجان....هي اذا ما اكلت مسبه ....
اما اذا انت حاولت تطور و تنمي حالك...الكل بيقلك لك شو بدك بهالشغله خليك هيك احسن هالزمن مو زمنا 
طيب اذا هادا مو زمنا؟؟؟ ايمتى زمنا لكن ؟؟؟
ويا ترا هل نحن هالجيل يلي بنعتبر حالنا الجيل الجديد رح نطور حالنا ولا رح نعلم متل يلي قبلنا ؟؟؟
وخاصة انوهلق  ا على سبيل المثال  للغات الجيل لجديد رح يدرس 3 لغات ونحنا يادوب بتنين او حتى وحدة نافدين ؟؟؟؟

بالاخير وصلت لتطوير لهالمثل بعد ما قلبتو و فكرت فيه ، و صار معي بهالشكل :
(( ببلاد بره اكبر منك بيوم متلك متلو ، و ببلاد هون اصغر منك بيوم ما بيطلعلك معو ))

بتمنى يكون عجبكن موضوعي و اسفة على كتر الكلام 

والله بصراحة معك حق بكل كلمة قلتيها

يعني الناس اللي سبقونا شوي بالعمر

ما عم يتقبلوا أبدا التطور والتقدم بهالمجتمع

ودائما معترضين على التكنولوجيا الحديثة

وبالتالي على تصرفاتنا وأفعالنا وتعاملنا مع هالتكنولوجيا ..

وبطريق الاستخفاف _ كل  معلومة قديمة كتير

بنحاول نصححها لهم _ بيقولوا

روحوا ياعمي عاملين حالكن فهمانين

" أكبر منك بيوم أعرف منك بسنة "(بيقصدوا حالهن)

وينتهي الحديث هنا ...


بصراحة موضوعك كتير حلو

ومن قلب الواقع ... بتشكرك ...

هاد عصر العولمة والارقام والكم


ماعاد في شي اسمو اكبر منك  اعرف منك


جيلناعمل دورات لتعلم  على الكمبيوتر هالجيل ما شاء الله شاقق الارض وطالع عم يتعلم لحالو 


واذا بدك وقت يعصلج معي شي بسال ابن اختي اللي يا دوبو صف رابع بعلمني اياه 

وفعلا ما عاد طلعلنا معهن

   

رائعه تلك النقله من الجيل القديم الى الحديث

وكلام منطقي .. وطلب العلم من المهد الى اللحد

ولكن ما يمنع كبارنا من التعلم يقول من سيستفيد مني

أو .. ما بقي من العمر كثر اللي راح .. وما شابه هذه المصطلحات

لماذا الانسان يستهين بقدراته وبنفسه ..

أنا متأكد أن الكل هنا لديه طاقه جباره ومجال مبدع فيه فلماذا لا ننجز

لماذا نتقوقع خلف بعض الكلمات الموروثه التي أكل عليها الزمن وشرب

والتي تجبر الانسان على أن يدور في نفس الدائره التي كان بها

أبوه وجده ...؟؟؟؟

ما هكذا حثنا ديننا ....


والحديث يطول ....




تحيتي / مع فائق التقدير والاحترام

والله انا يمكن ما وافقك 100% بكلامك مع انو اغلبو صحيح ومنطقي
بس يا ترى الي مر على ابي  او ابائنا نفس الي مر علينا
ثقي تماما لو كانو اهلهم وفرو الهم نص الي وفروه النا كان هلئ نحن ما نقدر نحكي  كلمة
لا بالكمبيوتر ولا باللغات
وهلئ لما نبرك مع الناس الي اخذو البكلوريا بالثمانينات او قبلها رح يروي قصة كفاح وبشهود ناس
يعني مو مبالغة واقع كانو يعيشوه و قدرو يتعايشو معو ويطور حالهم ويدرسو
يعني كمان هي نقطة لازم ما ننكرها انو ظروف اهلنا منها مثل ظروفنا
وانتي خذي والدك مثال واسئليه ايش وفرلو جدك وعملي مقارنة بين حالتك هلئ وحالتو لما كان بعمرك

وانا مع المثل اكبر من بيوم اعلم منك بسنة بس مو بالزمن بل بالخبرة باي مجال

يعني هلئ انتي لو كنت سنة تانية ومواليدك 1990 وجت زميلة ظروفها اخرتها بس هي اكبر منك بسنتين هون رح تكون خبرتك اكثر منها لانو الموضوع مو عمر الموضوع عمر خبرة

من جهتي كل ما حاكي جدي أو ناقشو بيعصب علي
كل ما قلو فيديو كليب - يقلي فيديو كلاب
كل ماقلوا حقوق أو ناقشوا بالقانون يطالعني مابفهم وهو دارس الحقوق من 50 سنة


الله وكيلكم كلن دقة قديمة
بقا قلولي كيف بدي حلها مع جدي

تحياتي

علي - ثالثة حقوق

شكرالمروركم جميعا

واكيد بيبقى القديم فيه روح الاصالة والعراقة

بس انا قصدت ب الموضوع التقدم العملي

وكيف الغرب قدرو يسجلو دورات ويطلبو العلم بينما عنا وللاسف المجتمع ما عم يقبل بهل بفكرة

مثلا بعرف وحدة ام لثلاثة اطفال سجلت في دورة لتعلم اللغة الانجليزية لحتى تقدر تجاري اولادها واذا كانت النتيجة سخرية الاهل والاصدقاء عليها

وانما ما قصدته من الموضوع هو لفت نظر جيلنا الى اهمية العلم والتعلم والسعي الدائم وراؤء

وعدم الاكتفاء بالمنهاج وانما بالبحث والاستكشاف المستمر

حتى فعلا ما يككوت يلي اصغر منك بيوم اعرف منك بسنة


وودمتم بخير

كلامك صحيح
وكمان طلع عالأولاد الأصغر منك بتلاقيهن بعرفو كتير شغلات
ماكنت تعرفه وأنت بهمرون
بكل المجالات مو الحاسوب بس 
صدقني كلامي صحيح
التطور عم يشمل البشر كمان مو بس الآلات
...أحمد...