انا براي انوا الدراسة اكيد اهم بكتير كتير من الزواج وهاد الشي ما بيلغي اهمية الزواج
بس البنت تخلي شهادتا بإيدا سلاح للزمن لانوا مع احترامي لكل شباب المنتدى مافي رجال خرج يحمل مسؤلية لحالوا هالايام وازا مو منشان العمل على الاقل منشان ولادا بالمستقبل ازا تزوجت
وازا ما تزوجت في تعيش بكرامتا وبدون عازة حدا

أكيد الدراسة :      أول شي مشان تربي ولادها صح [ يعني تخيلو وحدة ما بتعرف تقرأ و تكتب وبدها تعلم ولادها ؟؟؟]

بعدين : إذا افترضنا إنو زوجها منيح ؟؟؟ طيب ممكن الزوج يموت و ساعتها شو بدها تعمل إذا ما معها شهادة أقل شي تشتغل فيها ؟؟؟؟  تنحرف يعني ؟؟؟؟

أنا برأي أكيد أكيد الدراسة لأنو متل ما قال واحد عايف حالو انو شلون بدها تعلم ولادها اذا هية مالها متعلمة

اضافة الى ذلك العلم بهذا والوقت ضروري سلاح وبالذات بايد المرأة متل ما قال واحد عايف حالو الرجل يعني زوجها مو دايملها ممكن لاسمح الله بأي لحظة يفارقها بهي الحالة لو ما معها شهادة شو بدها تعمل
انا بعرف أكتر من نموذج هيك اللي عندهم شهادة واللي ماعندهم
كنموذج وحدة عندها أربع بنات وتوفى زوجها هية كانت صغيرة بالثلاثين ولحسن الحظ بتملك شهادة وضحت بشبابها كرمال يكبروا بناتها
بس لو كانت ما بتملك شهادة شو كان صار بحالتها
كانت ممكن تمد ايدها للعالم أو ........... أو............... الخ
أطلت بالحديث لا تواخذوني
حبيت وضح رأيي

تقبلوا مروري 

تحياتي
   

كلام نور صح ........

لأنو ممكن كمان يطلع الزوج عاطل و يخلي مرتو مثلاً تمضيلو على ورقة يخر بيتها فيها ؟؟؟؟ و ليش ؟؟؟؟  لأنها مو متعلمة ....

انا برأي انو لازم وضروري عالبنت انو تكمل دراستا

يعني لو مو جامعة علاقلية بكالوريا
بتكون هيك صارت ناضجة...وصارت تعرف كتير ناس
وتعرف كيف تتعامل معن

واذا تزوجت ولا سمح الله صار في مشاكل وحصل طلاق
بتعود بتقدر تدبر حالا بوظيفة تكفيا...اذا كان طليقها عديم المسؤولية


وهيك بتحسن تعتمد على حالا حتى يجي نصيبا من جديد




اما اذا كانت الامور ممتازة مع زوجا فبكون السبب العلم الي درستو وتعلمتو

ومن حهة تانية تعليم الولاد بالبيت وقت بكونو صغار كتير ضروري
حتى يفوتو عالمدرسة بوعي...وهالشي الام بتعملو اكتر من الاب



والام الدارسة بكون تربيتها للولاد احسن
بتكون مبنية عالعلم والمعرفة وطبعا الي تعلمتو من والديها
وهاد اهم شي بدراسة البنت بعتقد

شكرا عالموضوع

او ل شي بدي اشكر نور على طرحها هيك موضوع مهم وجاد

واشكر الجميع على ردودهم وانا برأي الواضح والصريح انو الدراسة اهم من الزواج بكل الحالات

لانو الدراسة هيا مستقبل البنت  الاساسي مو شرط انو نتزوج وتعلق بهم الجيزة بس متل ماحكت نور اذا كنت عم تدرس واجا ابن الحلال يلي بدو يركبها على الحصان الابيض مافي مشكلة بس بدها تعرف شلون توفق بين الدراسة والعيلة يلي رح تتكون بالاخير

ومرة تانية اوجه الشكر لنور صاحبة المواضيع الفتانة والرائعة

انا برأي العلم سلاح بإيد الوحدة   لأنو العريس  موجود بس العلم اذا راح حسرة مافي كتير ناس بوفقوا بين الدراسة والزواج       

هلأ بصراحة أنا من يللي اتزوجوا ولسة عم يدرسوا مع أنه هالشغلة صعبة كتيييير بس كمان فيها لذة لأنو المتزوجة لما بتدرس (حتى لوكانت متخرجة اذا عملت دراسات عليا مثلا) بتحس بأنه لحياتها هدف ومعنى وما بتعود قاعدة للفراغ و كلام النسوان اللي لا بودي ولابجيب ....بس الأكيد أنو البنت اذا قدرت تخلص دراستها قبل ماتتزوج بتكون ريحت حالها من حمل البطيختين اللي الا ما يضطر الانسان انه يحملهم بيوم من الايام وبأي مجال في حياته.

برأيي الخاص انو الدراسة والزواج امرين بيكملو بعضون
يعني المرأة المتعلمة ضرورة اجتماعية
ولعدة اسباب  ومن الاهم بينها
تربية الولاد وادارة الاسرة ادارة صحيحة مبنية على اسس صحيحة
يعني برايي الدراسة امر ضروري ومهم والافضل ان تتابع الفتاة دراستها
ومن ثم الزواج