السلام عليكم : اي وبعدين وهي تخرجت ولساتني ما عم اوصل للطرف التاني من النفق الا بطلوع الروح وشرفو بكره بس يبلش الدوام يا شباب طاحشو بين هالبنات ويا بنات يلي بدا تطاحش تطاحش ويلي بدا  تصرخ تصرخ ويلي بدا تبهدل تبهدل
على كل حال هدا مو وضع بنوب وحيات الله كرهونا الجية عالكلية بسبب هالزحمة يلي نصها(((((مصطنع ومالو داعي)))))))) ونصا التاني الو اكتر من حل بس سبحان الله العالم مبسوطة وآخر رواق عروايح العرق وقلة الأدب اللي عم تصير بنات وشباب يعني ما حدا أحسن من حدا ولو بدنا نحلا حليناها من زمان ولا ليش في شي اسمو هيئات ادارية وطلاب جامعة ومثقفين بس صدقوني يا جماعة نحنا اللي بدنا الوضع يضل على حالو ((((((والله يهني سعيد بسعيدة ويلاااااااا)))))))))
(((((شوي لو سمحت))))))ههههههههههههه ((((وازا بتريد))))))) و(((العمة)))))هههههههه
لأ وياأسيادي الكرام ازا بتحبو تتأكدوا من صحة كلامي شوفو زحمة مكتبة العايدي فوق
ماعجبتكن ؟طيب شوفو زحمة التسيير الذاتي ماعجبتكن؟شوفو زحمة اللوحات لما تنزل مادة دخيل الله وكأنو العلامة رح تتغير بعد شوي أو رح تطير
اي يا أسيادي الكرام وبعد هالحديث الطويل ما بتمنى حدا يفهم انو انا عم قول يا شباب بدا خجل او زوق ولكن عم قول انو في بعض الحلول برأيي المتواضع منها:
هالمكتبات اللي بهالنفق العريض جدا شو انقطعت المطارح الا بهالنفق يعني مثلا العايدي للانكليزي وتللو و مكتبات الآداب بشكل عام  وفي مكتبات والله عالفاضي بالعكس بيرسب الطالب بسبب اخطائها ...بتنتقل للكلية فوق... لوين؟؟؟ برأيي شفتو الباب الصغير تبع الأداب((اي هو ما غيرو)) على يسارو بيعملو أكشاك لهالمكتبات  اي اي عالرصيف تبع العشاق ومكتبات الطب وغيرو ناح باب الطب ط هلآ المكان مو مهم تماما وين يكون بس يخلصونا مشااااااااان الله
وغير هيك هالبياعين اللي عاملينو سوق تجاري وصور مهند ونور الله يقطعن والبارفان والساعات والشحادين الله يقويهن اي دخيل الله شو هالنفق والله لو انو نفق الأمويين وتفرعاتو ما تحمل كل هاد
ومشان زحمة التسيير الذاتي جامعينلي كل خلق الله على شباك وباب وكأنو يالله ما عاد فيهن يعملو شباكين تلاتة لكان كلن عشباك والله جريمة
خلص خلص ياجماعة حاجة هيك ونشالله تشاركونا ببعض الحلول والآراء
اسف عالاطالةالكبير
الموضوع بالاشتراك مع :جوهرة

و الله أنا يا صديقي من عجقة النفق ما بقى دخلت فيه
عم اركب تكسي من ناح الاسد الجامعي و اوصل ع باب الكلية بدون الفوتة بالنفق

حتى اني مشان ما وقف بالمكتبات يلي بالنفقث مسجلة بمكتبة العائدي يلي بقلب الكلية

و الله مرة مرتين مرقت و تقول جهنم الحمرا خاصة الساعة 12 الظهر و طالع  من عدا السرقات يلي عم تصير هنيك و الزحمة و القرف

هلق اكيد هنن ما رح يغيروا شي لسبب بسيط ؟ احذر شو هو ؟؟

انو الدكاترة الكرام و عميد الكلية ما بيدخلوا منو طبيعي بسياراتهم  فهنن بيفكروا انو الوضع مريح هنيك كتيرررررر

بدي ابدي رأيي اول وحدة بموضوعك ما بيطلعلي؟؟؟؟
يسلم هالفكر الواقعي الي ربنا حباك فيه فعلا قضية  تستحق منا لفتة
والازمة والحال بالنفق فعلا ما بينسكت عنه

بتصور ابديت رأيي وحلولي للموضوع صحححححححححححححححح   وحدك فهمان قصدي 

ويا ريتني كنت هالجوهرة الي عم تحكي عنها بشرفني شاركك بموضوع


تحياتي         

ولك شووووووووو هاد
والله حسيت حالي بشي سوق خضرة

على كلن
أنا مو كتير بعرف هالنفق
يعني لسا ما فتنا معترك الحياة الجامعية

بس انشالله الهندسات مالا بهالعجئة مو
طمني الله يخليك
لأنو يمكن ارتفع معي الضغط

     
سلام

                                                              WALAA

مع إني ماني بكلية الآداب

بس فعلن يا شباب

اللي طرحوا زملينا فراس صحيح مية بالمية

بس بحب طمن زميلتي ولاء إنو الهندسات مو هيك

تقبل مروري

سلام

اي والله ,الله يعطيك العافية على هالموضوع لأنك حطيت ايدك عالوجع,ازا انتو شباب ومدايئين من الوضع لكان احنا شو نحكي , لك والله ملينا خاصة وقت الامتحانات وازا طالعة شي مادة الله يجيرنا يارب الواحد قبل ما يعرف بالنتيجة بينجلط , لك الله يحلها يارب من فوق لانو البشر مو حالينها والله قرفونا الجامعات.....................زززز

و الله قرفنا كل شي خاصة كلية الاداب

معناها لسة ما دخلتوا ع قسم اللغة العربية و شفتوا العجب

العلامات ما بتطلع

قعدة بالهنكار ما بنسمع شي

التسيير الذاتي ما فينا نشوف علاماتنا من العجقة

نفق الاداب ما فينا نطلع منوا

الحمامات بتقرف  منروح ع معهد اللغات حتة ندخل هنيك  طبيعي هنيك بمصاري لذلك نظاف

الانترنت ما بتنزل المادة

الدكاترة ما بيصححوا الاوراق خاصي يلي مو  أتمتة

عميد الكلية ما بنعرف شكلو  و لا بنقدر ندخل لعندوا

و الله نسيت شغلات كتير بس ارجع اتذكرها بكتبلكم ياها اوكي

لوناااا

الله يعطيك العافية عالموضوع وحطيت ايدك على الوجع 0000000000000
الواحد منا اذا كان حاطط بباله ينزل على النفق فكانه نازل على معركةولازم يجهز حاله خوفا من اي هجمات مفاجئة وخصوصا نحنا البنات شووو الوحدة منا لازم تعمل انا شخصيا اذا كنت بدي اخد محضراتي طبعا بنزل وقت ماااااافي عجقة مووووووووالساعة 12 الظهر خوفا من االعجقة وتضيع الوقت والانتظار عالفاضي0000 
والموضوع مالو حل او بالصح مو نحنا اللي بنقدر نحلو

وشعاري انا شخصيا لا حياة لمن تنادي00000000000
تقبل مروري00000000000000000

ع النفق حدث لا حرج
فوضى فوضى ....
عنجد كل يلي حكيتي مزبوط ... ما جبتي شي من برة...
أنا بتضايق كثيير لما أنزل أخد محاضراتي من الأنوار تبع العربي
بجنبنا العائدي تبع الانكليزي ... زحمة لك بس يا ريت طلاب عم تجيب محاضراتها...
بس غلاظة دردشة وتصييد بنات...
لو بتعرفي فترة الامتحان كانت الكهربا تنقطع بالنفق وننزل بالعتمة الله لايمرق حدا ههيك مرور ...
الأنكى شايل الشمغة وبيضرب فيك...؟!  لعمى بقلبي شو معمي قلب ... وعين كمان وأخلاق ... شو بدي أحكيلك لأحكيلك ...ويلي بيخربط بلمحاضرات لحتى ترجعي ومن كلمة لكلمة... والدفش والشوب وووووووو.....خليها على الله
ما بحب أنزل لحالي ع النفق ولو مشان محاضرة ... كارثة...

برأيي مثل ما قلتي يخففوا من المكتبات يلي بالنفق ويطالعوها  لفوق الجامعة فاضية.... ويحطوا بالمكتبات شباب مهذبين...  وبينورو النفق عطول ... ويحاولوا يحطوا مثلا مواعيد لأخد المحاضرات
مثلا العائدي من الساعة .. الأنوار... لحتى ما يصير زحمة

لقد أشعلت لو نفخت ناراً                لكن قد نفخت على الرماد

و قد أسمعت لو ناديت حياً            لكن لا حياة لمن تنادي