انا طالب في السنة الاولى طلعت مادتين الاولى 92 والتانية 90

زميلي المستجد محمدصدور الله يوفقك وان شاء الله بتخلص كل سنة بسنتها يعني لما بتكون ملخص المادة ملخص كافي ووافي من الكتاب والمحاضرات ومقدمها صرت شي خمس مرات وعم بتحل اكتر من يلي عم ينجحو وعم تكتب اجابات قانونية ونظامية وحرفية لا فيها شط ولا مط ولا تقصير وعم ترسب معك المادة شو بيكون معناتها في ظلم ولا لا عطيني رأيك زميلي السنة الماضية نجحت معو 50 بس صدقا مانو حالل ب 30 طيب كيف نجحت معو يعني تصور انت واقف تخرجك على مادة المدنية شو بيكون موقفك
والله لا يحطك بهيك موقف

اضافة لكلامك وتاييدا لك اخي العزيز..........انا صرلي مقدمها المادة قرابة الثماني دورات وعم اكتب مو بس نظامي حرفي الله وكيلك وحفظتها عن ظهر قلب ولح اعطيك مثال كتير بسيط انو وراق كليتنا ما عم تتصلح بل عم تنشلف فيها العلامات شلف:
انا لما انتقلت من جامعة بيروت للشام نزلوني ثالثة وحملوني 12 مادة واجت لي في يوم سابق مادتين في يوم واحد والي هنن تشريعات سنة تانية وتشريع ضريبي سنة رابعة.....وبما انو التشريعات قبل التشريع واسهل منو فدرستها دراسة كاملة وقدمتها وما فتحت كتاب التشريع الضريبي.......وانا طالع من امتحان التشريعات شفت رفيقي فقلي فوت نقدم تشريع مالنا خسرانين شي......ففتنا وخبصت كالعادة شي بعرفو وشي ما بعرفو.......شو كانت النتيجة؟؟؟؟
النتيجة يا مرحومي البي انو رفعت التشريع وانا والله والله مو فاتح الكتاب ولساتو عندي جديد وما بعرف محتواه عال48 ورسبت بالتشريعات.......والله وكيلكم ما عم اكذب بحرف .....
بقى هي كلية ولا مكان للتضييع الوقت واهانة الشباب وتكسير نفسيتهم؟؟؟؟؟