فالكون استوقفني أمر يعني الشرطة بتجي بتداهم مكان عملك هيك مزاج يعني بدون سبب
ووأت بنحكي عالفساد فهادا بيعني إنو كل مواطن واجب عليه محاربتوا وباستطاعتوا طبعا
أنا من صف التالت بتذكر آنستي وأت آلتلي يوم توزيع الجلاء إنت ماجبتيلي هدية بعيد المعلم مشان هيك مالك قصة متل رفآتك
شي بضحك يكون في ناس ماعندا ضمير ولا حياء والمطلوب نسأل الرئيس طبعا عن ضمير هيك ناس مو

لك زهرة البنفسج مو مكان عملي
 البلدة يلي بشتغل فيها متل ما قلتلك اني بشتغل بمنطقة بالريف هاد القصد

 اما بالنسبة للفساد
 نحن لانقول ان يصبح جميع الناس ملائكة
 بل نقول لماذا لايحاسب من يخطا وبهذا يحمل المسؤولية
يعني اذا صاحب محل عنده عمال هل عمال سيئين وما بيحبو شغلهم وحرمية  شو منقول المحل منيح وصاحبه كتير اكابر لاء بترك المحل وبروح لعند غيره وبقول مامنيح

وشلون ماكان صاحب المحل
انا بتهمه بانه ياما مو ابن  المصلحة يا اما جاهل
يااما موحاسن يدير محله  وبالتالي بكل الاحوال مابقول عنه منيح وماعاد روح لعنده او جربه

ولي على بدنكم كل ما بغيب عن المنتدى بلاقي لسى في ناس عم تناقش ولييييييييييييييييي ليش لسى في حدى عندو شك انها مؤامرة !!!!!!!!!!??!!??ــ?????????  بعتقد يلي محشى عقلو مؤامرة مستحيل  !!!???الناس عم تموت بحمص وبسوريا كل  يوم بالعشرات ولسى عم تناقشوا  الاصلاح واللعي الفاضي ولسى في ناس عم تقول خلصت  خيييييييييو تركولنا هالنقاش وخلونا نفكر وين بدنا نشيع وندفن عشرين مليون سوري اذا بقي الوضع هيك؟؟؟؟؟؟؟؟؟؟؟؟وله شووووووو؟؟؟؟خلصونا

اخ بائع الكبريت
هون النقاش عالهادي
ومنعرف انو ما حدا حيغير قناعاتو بس تبيين وجهات النظر ضرورة
ومو حلوة كلمة تبن
حتى لو مو شايفين نتيجة من النقاش

يا أخي أمير حمص أانا ما اتهمتك بالكفر ... وأعوذ بالله أني كون من المكفرين


يأخي إنت اخت الموضوع بحساسية ....

و ما في حدا علمنا هالحكي ... هالحكي ..واااقع

أنا لما حكيت عن إطاعة الضابط .. وعدم إطاعة الخالق .. قصدت فيها إنو بالجيش لا يسمح بإقامة الصلاة بشكل علني ... وحتى اللي بيصلو بشكل سري بيتعاقبوا ..

رجاءا لا تتسرع


أنا كمان ما حكمت عغير المنقبات بإنهن بلا شرف ..

بس البنت اللي بلا شرف ببلدنا صلاحياتها أكبر من المنقبة
وأنا بعرف وحدة شخصيا تركت الجامعة لأنو ما خلوها تفوت وهي حاطة النقاب


و قصة المتظاهر السلمي شفتها بعيني ... لا تقلي إنو ما سلمية

أنا بالماضي  شاركت بالمظاهرات الأولى اللي طلعت ببلدنا ... وكنا سلمييييييييين فوق ما تتصور ... حتى ما نادينا لا بإسقاط النظام ولا بمحاكمة ولا بشي كنا عم ننادي بالإصلاح وبس


بس كان الرد كتييير عنيف ...



و نحنا لا عم نكفركن و لا نطعن بإيمان حدا مين ما كنتوا تكونوا

إنتو مين ما كنتو .... بغض النظر شو ما اتصرفتو وشو ما عملتو وشلون ما كانت طريقة تفكيركن .... ما فينا نكفر أي شخص فيكن

ولا نحكم عمدى الإيمان اللي بقلوبكن ... هي قصة الله بيحاسبنا وبيحاسبكن عليها


بس بصراحة .... أرى أنو هي الأسباب هي أسباب كافية لعدم الدفاع والوقوف بهذه الطريقة .....

أمير حمص : أقدر لك حسن نقاشك و حبك للتفاهم .... وأسأل الله أن يهدينا ويهديك للصواب

بس أنا أخي خدم عسكرية وكان يصلي وما حدا منعو
يمكن عم تحكي عن شي مابيتعمم
وبالنسبة للنقاب فأنا رفآتي بالأدب العربي منقبات وماحدا منعن وبروحوا وبيجوا عالجامعة من سنوات
ومرت أخي منقبة وكمان بتروح وين مابدا وأما بالنسبة للوظايف فهي مشكلة بنلاقيها بالشركات الخاصة لأنو أغلبهن بدن سبور وحتى حجاب عادي أحيانا مابيعجبن
يعني هلأ أنامحجبة وإذا توظفت بوزارة التربيةمثلاوبعدين حطيت نقاب مارح يقلولي مع السلامة

يعني لو إلت إنو المسألة بالواسطات بإلك إي
إذا عم نحكي على الدولة طبعا أما تإلي دين أو بنت شكلا وسبور ومو منيحة بإلك هدول استثناءات
ولهيك بمسيرة الإصلاح أول شي القضاء على الفساد والرشوة طبعا بمساعدة ضمير كل مواطن
وبالحب كل شي بيتصلح
يارب إنا نسألك حبك وحب من أحبك وحب عمل يقربنا لحبك
والسلام عليكم

أخوكي حسن يصلي لأنو المسؤول عنو إبن حلال



بسوريا لما الواحد بيخدم بالجيش ... بدو ينسى إنو إلو كرامة ... بدو ينسى إنو إلو عزة وشرف .... بدو ينسى إنو إلو كيان

لأنو بكل بساطة لأي تصرف من المجند ممكن ما يعجب المسؤول عنو

بيسبلو كل عيلتو ... بدون ما يحسن هالمجند يفتح تمو بحرف واحد
ونحنا اللي تربينا عالعزة و نحنا اللي ما منرضى حدا يغلط و علينا ولا على أخواتنا  أو أمهاتنا ....

ما بظن ممكن أخوكي يحكي هالحكي ... وهالحكي ما بينحكى بصراحة إلا بين الشباب (اللي كتير قراب من بعض ) لأنو ما حدا عندو استعداد يقول للعالم والله سبولي شرفي وسكتت !!


بالحب كلشي بيتصلح

أنا معك بهالحكي .. بس لما  ما  يكون الحب من طرف واحد


طيب شفتي شي موظفة بشي دائرة حكومية ... منقبة ؟


قانوناً ممنوع المنقبات إنن يفوتو عالجامعات بنقاباتن أو إنن يكونو أعضاء بالهيئات التدريسية أو يتوظفو بوظائف حكومية .... بس في تجاوزات سببها ولاد الحلال

هالقانون موجود :

سيريا نيوز

عطى وزير التعليم العالي غياث بركات توجيهات تقضي بمنع دخول الطالبات المنقبات إلى حرم الجامعات السورية ،
ويعلن رفضه لهذه الظاهرة التي "تتعارض مع القيم والتقاليد الأكاديمية ومع أخلاقيات الحرم الجامعي".‬
جاءت هذه التوجيهات بعد مطالبة أهالي الطلبة وخاصة اللواتي يدرسن في الجامعات الخاصة إدارات هذه الجامعات بوضع حد لظاهرة الفتيات المنقبات اللواتي يرتدن إلى الجامعات والمعاهد بحجة العلم, وبأن يكون اللباس عموما في إطار الاعتدال والوسطية.

وقال مصدر موثوق مقرب من وزارة التعليم العالي فضل عدم الكشف عن اسمه لسيريانيوز إن "مطالبات الأهالي دفعت رؤساء الجامعات الخاصة إلى مناقشة هذا الموضوع في اجتماعهم في وزارة التعليم العالي مع وزير التعليم العالي يوم الأربعاء الماضي".

وأضاف المصدر أن "الوزارة استجابة لطلبات الأهالي، وأن وزير التعليم العالي غياث بركات أعلن رفضه لهذه الظاهرة التي تتعارض مع القيم والتقاليد الأكاديمية ومع أخلاقيات الحرم الجامعي", مضيفا أن "بركات أصدر توجيهاته إلى الجامعات تمنع بموجبها دخول الطالبات المنقبات إلى حرم الجامعات السورية".

ولفت وزير التعليم العالي, بحسب المصدر, إلى أن "طلابنا هم أبنائنا لن نتركهم عرضة لأفكار والعادات المتطرفة", مشيدا بـ "أخلاق المجتمع السوري الذي اثبت على مر العصور الوعي والقدرة على التصدي للكثير من العادات السيئة وشارك بفاعلية وجدية في ضد حملات الغزو المنظمة", داعيا في الوقت نفسه إلى "التعاون مع مختلف شرائح المجتمع لنشر الوعي بين أبنائه"


شو رأيك .... ؟؟؟؟ هاد حكي وزير التعليم العالي في سوريا

بالنسبة للقرار هي أول مرة بقراه سمعت هيك شي بس ضحكت لأنو ماتطبق ولا ممكن يطبق وإذابتحب روح هلأ على جامعة البرامكة وشوف بعينك النبات كيف منقبات وبفوتوا عالجامعة وبيطلعوا وهنن بنقابن وكلية الشريعة أكبر شاهد عدا عن صديقاتي الي حكيتلك عنن
وإذا في هيك قانون فعدم تطبيقوايعني إنو ملغى
أماعن الشتائم فحكيك صحيح بس ممكن يكون الواحد صانع بمحل ويسوموا صاحب المحل سوء العذاب بس لأنو مفكرو بحاجتو بس بهي أنا معك