كيفك ملاك
يمكن أقدر فيدك شوي
أنو لازم تسجلي واذا بدك بعدا فورا وقفي تسجيلك
أما اذا ماسجلتي
بجوز رح تستنفدي وهيك بدك تنطري مرسوم لينزل
أو بدك تدخلي بمتاهة الا أول ما الا آخر لهيك بنصحك سجلي ووقفي
وهيك بيضل بالك مرتاح
بتمنى كون عطيتك المعلومات الوافية
         
       
     
   

مساء الخير
أنا برأيي كمان إنو إيقاف التسجيل هو الحل "الوسط نوعاً ما"لحتى نتلافى مسألة مهمة وهي حساب السنة من ضمن مدة المكوث بالجامعة فيما لو لم يتم إيقاف التسجيل
الله يوفق الجميع................

لازم تسجلي وهاد ضروري وتوقفي التسجيل لمدّة سنة أو سنتين على الأكتر لأنو إذا بدّك ماتسجلي وتوقفي رح تنحسب سنة رسوب تانية إلك وماعد بيصفالك بهالحالة غير سنة وحدة تبقي فيها

مع العلم إذا سجّلتي ووقّفتي التسجيل مابتقدري توقفي أكتر من سنتين لأنّو مدّة التوقيف المسموح فيها على حسب مابعرف هي سنتين على الأكتر المهم إذا ماسجّلتي بتنحسب سنة رسوب تانية وماعد بيبقالك غير سنة بالسنة الأولى ومانك مضطرّة لهالمخاطرة وبالتالي بيطردوا الطالب إذا رسب 3 سنوات بالأولى.

يعني لازم تلاقي حدا يفيدك ويسجّلّك وإذا بدّك تاخدي رأيي وبصراحة سجلي ولاتوقفي بقصد تابعي بشكل نظامي متلك متل أي طالب لأنّو بصراحة الأوضاع مو لهالدّجة سيّئة.. ومابتمنع الطالب ينزل على الجامعة.. يعني الأمور بالشام تمام والحمد لله وكل مالها ماشية للأفضل بالمناطق اللي أوضاعها مو ذيادة و بعرف ناس برّا البلد وعم ينزلوا عالجامعة بكل رياحة..

يعني عملي متل ماقلتلّك سجلي هالفصل وسجلي على محاضرات المواد اللي حاملتيها لأنو إذا عندك مواد ناجحة فيهن من السنة الماضية طبعاً مابتعيديهن..

الخلاصة إذا كان ولابد من التوقيف وقفيها فصل واحد فقط (الفصل الأوّل ) وتابعي الفصلين البقو من السنة.. المهم إنّك تسجلي ومتل ماقلتلّك إذا لاقيتي حالك قبل الإمتحان بكم يوم مضطرّة على التوقيف وقفيها لأنّو مدّة التوقيف مستمرة لقبل الفحص..
بتمنّى كون فدتك..
مع التحيّة

واانا بنصحك تسجلي وتوئفي


وان ماعندك حدا يشتغلك فيها


انا بسجلك وبوقفلك تسجيلك ان بيرضو



رديلي خبر برسالة مستعجلة اذا دك اي خدمة انا جاهزة


               
                                ربي يخترلك الخير ويرضيكِ فيه

إنتي سئليلها لأنو بصراحة مابتوقّع إنو بصير الواحد يسجل لحدا تاني بدون مايكون معو هويتو وبطاقتو الجامعيّة وخاصّة التوقيف لأنو فيه مسؤوليّة ولهاد السبب بجوز حتّى مايقبلوا التوقيف غير من الطالب نفسو..

مع التحيّة

بنـــــــــــــــــــــــــــــــ الشـــــــام ــــــــــــت

ولك ريتك تسلمي لقلبي انشالله

وعنجد شكراا وقت شفت ردك حسيت هيك بكوكتيل مشااعر عنجد شكرا الك

والله يجزيكي الخير انشالله

خلص رح شوووف شوووبيصير معي  *_^