سلام عليكم :
انا جودت سنة اولى حقوق ممكن شي طالب متابع بشكل يومي للتواصل معو بشكل دائم . واكون لكم من الشاكرين

أخي جودت

تستطيع التواصل مع الطلاب من خلال الموقع هنا

اول شي ..
اهلا وسهلا فيك كحقوقي 

تاني شي ..
انا مفروض كون سنة تانية هلأ بس قدر الله وماشاء فعل
يعني هلأ سنة اولى ومتابعة تقريبآ بشكل يومي  . .

اي سؤال او استفسار انا جاهزة ...


بالتوفيق   

سلام عليكم: شكرا للمعلومات اخي  وان شاء دايما معكم .

بالنسبة للزميلة بنت الشام خوفتيني كونك سنة اولى والمفروض س 2 ؟؟؟ شو صعبة يعني الدراسة يا ريت حدا يطمني . رحت اول فترة عالمحاضرات لكن الجو بصراحة ما عجبني لان فيه مضيعة للوقت . وكيف بدي ادرس وايمتى بدي بلش ما ني عرفان ؟

افيدوني

شكرا الك يا بنت الشام . ما تقصري

الحقيقة في كتير اسئلة و بعض الاستفسارات وخاصة عندك خبرة بالسنة الاولى

1- الالتزام بالمحاضرة مفيد ولا غير مفيد!!

إذا بدّك أي سؤال أو مساعدة طالما إنتي سنة أولى ان شالله مابقصّر معك بأي شي اسألني إذا بدّك أي شي أنا جاهز

وأهلا وسهلا فيك.

شكرا الك اخي الكريم :

لحد الان ما باشرت دراسة وما حضرت غير اول 5 محاضرات من كل مادة لان ما عندي وقت للمحاضرات. هل الاشتراك مع عرفة يكفي لتحقيق معدل ؟ وهل حفظ كل ما هو وارد حرفيا بالمحاظرات !!

ولكم جزيل الشكر

يسعد مساكــ محترف ...

لاتخاف ولاشي .. بالعكس مواد السنة الاولى وخاصة الفصل الاول ممتعة 

مافي الا قانون االعقوبات والدستوري بدهم شغل شوي . . 

اما بالنسبة اني مفروض سنة تانية ولساتني سنة اولى .. 

فالسبب : انو انا ماقدمت الفصل التاني ولا الدورة التكميلية بسبب الظروف اللي عم تمر فيها البلد . . وانشالله خير

ولو اني قدمت كنت بسهولة ترفعت عالتانية . . لانو الدراسة ممتعة وسهلة . .
اهم شي كل اسبوع تمرقلك شي 4 او 5 محاضرات من كل المواد وتحفظون مشان مايتراكم عليك للامتحان . .

وبالنسبة لسؤالك انك تدرس كل شي بالمحاضرات حرفيآ . . يعني تقريبآ بدك تحفظون حرفيآ لانو كل شي بيكون مطلوب  واذا حفظت اول باول مارح تتعب . .

بس مادة العقوبات بدك تدرس من الكتاب وتستعين بالمحاضرات ...

ومتل ماقلتلك السنة الاولى ممتعة كتير .. رح تكون خايف قبل الفحص بس بعدين بتتعود وبتحس اديشها الامور سهلة وبسيطة ...

كل التوفيق   

رح جاوبك على كل سؤال بالتفصيل:

بالنسبة لحضور المحاضرات وخاصّة بعد ماقلت إنك حضرت كم محاضرة، فيك تقرّر يعني إذا كان الحضورعم يفيدك ويمهّدلك الدراسة حضار أما للصراحة إذا كنت حاسس حالك ماعم يفيدك الحضور لاضيّع وقتك عالفاضي وتجهد حالك فيه لأنو بصراحة السنة الأولى مابدها حضور كتير والترفّع فيها سهل طبعاً هاد الحكي مقارنةً بباقي السنوات، بس بدّك تنتبه وتدرس لأنو في كتير طلاب سنة أولى مابينتبهوا عالدراسة بكير وبالتالي بيرسبوا لأنو بركي بعض الطلاب بتفكر حالها لساتها بالمدرسة  ، يعني للصراحة الحضور المهم بيبدأ من السنة التالتة لأنهن من السنة التالتة بيبدأوا يعاملوا الطالب كقاضي أو محامي يعني كقانوني، بس بدّك تعتمد بالسنة الأولى وماتتساهل فيها وكل شي بالمحاضرات عم ينكتب من ملاحظات الدكتور وإضافات تانية احفظوا وافهموا يعني المحاضرات متل الحضور وطبعاً كافية للنجاح والمعدّل بالسنة الأولى ماعدا مادّة قانون العقوبات فصل أوّل هي بدّك تدرسها من الكتاب وتركّز على هوامش وحواشي الكتاب المكتوبة بأسفل الصفحة لأنو دكتور المادّة عبود السرّاج بجيب أسئلة من حواشي الكتاب والحواشي مابتنذكر بالمحاضرات ومابدّو غير الواحد يدرس من الكتاب، وللصراحة قلال اللي بينجحوا بهالمادّة من أوّل مرّة, بس الأمر بيختلف بالعقوبات فصل تاني وهي كافية من المحاضرات لأنو مو نفس الدكتور تبع الفصل الأوّل وأنا حطّيت بهالمادة أسئلة هامّة هون بالمنتدى.

بالنسبة للكتب الكتب اللي بيفيدوك وضروري إنك تجيبون هنن قانون العقوبات وهالكتاب بدك تقول شي حوالي 800 صفحة و بيشمل الفصلين الأوّل والتاني وبتاخدوا منو فصل أوّل شي 367 صفحة على حسب مابذكر، وفي كتاب اللغة العربية مهم إنّك تجيبوا لأنو في قسم اسمو الأخطاء الشائعة مافيك تضمن علامتها كاملة غير من الكتاب وبصرحة كتاب اللغة العربية كتير حلو وممتع وسلس وبنصح تدرس منو وتتطلع على المحاضرات، أنا بالسنة الأولى درست اللغة العربية من الكتاب أكتر مادرستها من المحاضرات وكانت علامتي وقتها 98 علامة على النظام التقليدي و المادّة مانها صعبة بس الصعوبة اللي بتكمن بهالمادّة برأي الطلاب هو إنو الواحد بدّو يعتمد على الشرح والإعراب لحالو وبدّو يشرح لحالو يعني مو يحفظهن خاصّة إنو القصائد مابتنشرح وبتنعرب كلها بالمحاضرات، ويوجد كتاب المدخل لعلم القانون شي 498 صفحة كمان الكتاب بيفيدك لأنها مادة بدها فهم وهي مدخل لمادة القانون المدني اللي رح تاخدها بباقي السنوات بس كمان المحاضرات كافية بهالمادة ولكن مع الكتاب بيكون أفضل ،، يعني الخلاصة بما إنّك سنة أولى مو غلط يكونوا عندك كل الكتب حتى لو مو كل المواد بتحتاج للكتب بس لازم بهالسنة تتعرّف على الكتب وتخلّيهن عندك كمرجع إذا بدّك تكون محامي أو قاضي.

بالنسبة لأصعب المواد بالسنة الأولى الأمر متفاوت بين الطلاب يعني في طلاب بتقول العقوبات فصل أوّل وهاد شي أكيد والمدخل لعلم القانون، وفي ناس بتقول العقوبات والإقتصاد السياسي، وفي ناس بتقول العقوبات والدستوري وأنا هاد كان رأيي وقت كنت سنة أولى لأنو العقوبات1 بتعتمد كل الإعتماد على الكتاب والقانون الدستوري ضخم ومعلوماته كثيفة وإذا ماتغيّر الكتاب فيني قلّك شو الأبحاث المهمّة اللي كتير بيجي منها أسئلة لأنو بصراحة يوجد كتير طلاب مابتلحّقها وبيكون بالأخير يوجد أبحاث مهمة جدّاً.

بالنهاية لازم تعتمد على اللي نصحتك فيه وتبدأ الدراسة بجد من بداية الشهر القادم أو بعد العيد على الأكتر وإذا بدّك شي تاني ان شالله مابقصّر معك.

وموفّق

السلام عليكم:

شكرا جزيلا لبنت الشام للمعلومات المفيدة وشكرا جزيلا لraed_esmaeil  للجواب الشافي .

والله ريحتوني وصار عندي دافع غريب للدراسة بناء للمعلومات المفيدة . اشكركم من قل قلبي واتمنى لكم التوفيق ايضا . يا هيك النخوة يا بلا . الله محييكم ( هي بالحوراني )