رد مشاركة : لماذا الحب ممنوع في مجتمعنا؟؟؟؟؟؟؟؟(شاركوني وعطوني رأيكن)
السلام عليكم:
شوفي......بالموضوع يلي طرحتيه في نقطة كتير مهمة يمكن مامريتي
عليها بشكل مباشر.........بس هي ثغرة موجودة ببيتنا وبمجتمعنا
بكل الكلام يلي حكيتيه كنتي عم تلومي الأهل.......مارح وافقك من هي
الجهة لأني بدي لومهن من جهة تانية بعيدة تماماً
بالأول رح ناقشك خطوة خطوة.......
اقتباس
انا براي انو الحب مو حرام ولاعيب ادا كان بالطريق الصحيح
وبالاخير كل شخص وأخلاقوا يعني هو بخلي حبو طاهر وعذري أو العكس
شوبتقصدي بالطريق الصحيح؟؟؟؟
وشو هاد الحب الطاهر والعذري؟؟؟؟؟
أصلاً في شي اسمه حب طاهر وعذري؟؟؟
إي.........بس مو يلي إنتي بتقصديه
المشكلة بمجتمعنا هيي هيي......المظاهر
يعني نحنا منجمل من برا وبس وبيهمنا الشكل الخارجي
يكون مطابق للمواصفات الدينية(المواصفات ها)والعادات الاجتماعية
الحب حرام؟؟؟.......إي حرام
خلينا ماناقش من وجهة نظر الدين والشرع لأنو كلنا بس نوصل لهي المرحلة
منحس بالقيود وبإنو هي التعاليم بتقيدنا وبتحرمنا نعيش حياتنا
بكل تفاصيلها الحلوة......هيك منفكر
خلينامانقول إنو الحب حرام ولاحلال وآخرته جنة ولانار
خلينا نعرف ونفهم ليش رب العالمين وصانا وبعدنا عن هاد الطريق
ليكي حبيبتي.....حطي ببالك إنو رب العالمين إذا فرض علينا
شي فحتماً رح يكون فيه الخير إلنا....رب العالمين ماخلقناليحرمنا
وليتعسنا.....بالعكس خلقنا وخلق معنا هالقوانين لحتى تسعدنا
بربك قليلي .....كم علاقة حب بريئة موجودة هلأ؟؟
وهاد مااتفقنا لسه على مصطلح(البراءة)
مابدي نحكي شورأي الناس بأصحاب هي العلاقات
مابيهمني رأيهن......
خلينا نحكي كم شخص كان ضحية قصة حب فاشلة
روحي عالمشافي وشوفي حالات الانهيار يلي بنسب منيحة عم توصل
للانتحار بسبب(تركني)و(تركتني)!!!
في حب؟؟إي في حب,هاد شي مو بئيدنا,ملكة انزرعت فينا مامنقدر نتحكم
فيها بس منقدر نوجهها
الغلط عند الأهل مو لأنو بيمنعوا أولادهن من ممارسة هالشي يلي
كل شب وصبية صاروا يحسوا إنو حق مشروع.....
الغلط من الأهل إنهن مابرروا ليش هي القوانين انوضعت......يلي بالأصل
مالازم تكون قوانين
إذا أنابدي افرض رأيي على شكل قانون بدون مابرهن ليش وكيف لازم يتطبق
طبيعي يكون يلي عم يتمردوا عليه أكتر بكتير من يلي عم يطبقوه!!
اقتباس
مثال بمسلسل ماملكت ايمانكم شفتوا ليلى لما حبت قديش كانت خايفي
وخاصة من خيها توفيق يلي عم يعمل السبعة وذمتها
وعامل حالو شريف قدام الناس,
شفتوا شوعمل فيها لما عرف انها حابي
على فكرة هيي ماكانت حاببته.....هيي كانت حابة الفكرة
مارح ناقش المسلسل بس برأيك وبغض النظر عن الوضع يلي أهلها
عيشوها فيه....يلي عملته صح؟؟؟ موقفها مبرر؟؟
شيلك عن نظرة الدين إلها ونظرة المجتمع....الأهم من كل هاد نظرتها لحالها
بنت وصلت لهي المرحلة....برأيك مولازم تستحقر حالها؟!!
اقتباس
بينما لو الاهل بيعرفوا وبيتقبلوا هالشي على الاقل الام
يلي هي رفيقت بنتها متل مابيقولوا كانت وعت البنت
وعرفت بكل شي عم يصير وبهالطريقة البنت مابتغلط
وبتطلع من خوفها انو اهلها يمكن يعرفوا شي يوم ويقومو الدنيا
ياريت لومانوصل لهي المرحلة........الأم صح لازم توعي بنتها بس مو بعد
ماتحب
وانتبهي....الغلط عند البنت مو بالنهاية....الغلط ببلش معها من البداية
للنهاية
المشكلة إنو كل حدى فينا لمابدو يعيش قصة بفكر حاله حالة خاصة
مابتنطبق عليها نتائج ولاتجربة.....وبالحقيقة إذاحصرنا هالقصص
كلها وتطلعنا عليها من برا رح نشوف حالتين مالهن تالتة:
حالة بيكون فيها الشب عم يضحك عالبنت وعم يتسلى وعم يعطيها
الشي يلي هيي بحاجته ويلي بحسسها بأنوثتهاوبالتالي عم ياخد منها
الشي يلي بدو ياه.....النهاية
بيتركها منهارة مدمرة
والعكس كمان صحيح....يعني يمكن يتبادلوا الأدوار وهيي تكون عم تضحك
عليه
الحالة التانية:فعلاً بحبها وبيحترمها وبيكون ناوي يرتبط فيها وبيكون
حلم حياته تكون أم ولاده بسسسسسس...... ماصار نصيب!
هو يمكن توقف حياته شي سنة سنتين.....
بس هيي بتكون خسرت سنينها معه وكم سنة بعده يعني راح منها أحلى سنين
عمرها وهيي مع شخص ماكان من نصيبها
لاحظتي إنو بكل الأحوال البنت هيي الخاسر الأكبر؟؟!!
هاد لسه ماحكينا عن سمعتها وثقة أهلها.......والأهم ثقة ربها فيها
وبالنسبة لعلاقة الحب البريئة :
شافها......عجبته.....حبها ......موبيروح بيلطشها
كم رسالة....وبيلحشلها كم وردة.......
شو المشكلة يتقدملها....إن شالله يضلوا 10سنين خاطبين وماصار نصيب بعدين
وقتها عالأقل رح بتكون مرتاحة من عذاب الضمير يلي كان مارح يفارقها
لأنهاخانت أهلها ودينها ومجتمعها
العمى بقلبي......طلع ردي أكبر من الموضوع!!
بس والله بيستاهل هالموضوع نحكي فيه
حاجتنا أغلاط قاتلة.....خلينا نتعلم من يلي حوالينا وحاجة مفكرين حالنا
الحالة يلي ماصارت وبيضل عنا أمل نكون من ضمن5%من الحالات الناجحة
رب العالمين بيقول:
"ياعبدي أنا أريد وأنت تريد.......فإن سلمت لي بماأريد
أتيتك بماتريد.....وإن لم تسلم لي بماأريد أتعبتك فيماتريد
ثم لايكون إلا ماأريد"
وبالنهاية كل بنت مخلوقة من ضلع شب....وغير يلي الله كاتبه مارح يصير
فليش وجع القلب
يمكن المجتمع بيشوف البنت يلي عاشت تجارب مذنبة ويمكن مجرمة
بس أنابشوفها مسكينة لأنها انحرمت متعة إنها تعيش هالإحساس الحلومرة وحدة
مع شخص واحد وللأبد
أعتذر عالإطالةولاتسبيني
بس متل العادة رأيي بيشط وبيمط كتير هههههههههه
لماذا الحب ممنوع في مجتمعنا؟؟؟؟؟؟؟؟(شاركوني وعطوني رأيكن)
