السلام عليكم


بلسم الآلام

والله فهمي ما كفى لافهم الكفاية  خصوصي بالانكليزي.. إذا قصدك عالدورات فالانكليزي ما فيها خصوصي د. فوزة

مشان الأدوية والسموم2

برأيي تقدمي ال2 بما إنو الأدوية هي يلي بالأول... لأنو وقت ترجعي ما في داعي غير تراجعي

د. عامر ود. ليلى فهمك كفاية  .... وهو وعدنا إنو الأسئلة رح تكون سهلة مثل الصحة

مشان أغلبنا نرفعها... فيعني هدول إن شاء الله بيمرقو...

أما الانكليزي والصناعية فما بعرف شو بدي قلك هلأ بظن هون بدك تقدمي وحدة منهم إلا إذا

بدك تغامري وتعتمدي على تخميني إنو د. عيسى رح يعيد أسئلتنا ود. نذير من الأساس رح

يعيد أسئلتنا بس والله كمان د. جميلة بدها دراسة... فهون ما رح يمشي معك تسلوقي المادة

سلوقة... فمالك غير تختاري وحدة... وإن شاء الله يا رب بترفعيها من هلأ وتخلصي من همها

وبلالك وجعة هالقلب... 

ما بعرف هذا رأيي ومنشوف آراء تانية... بركي بتكون أحسن...

والله يا سلام فهمك طلع كفاية ونص كمان
بس انا ماعم احكي عن الدكتورةفوزة  

وانا متأكدة من يلي عم قولو خلص لح ابعتلك رسالة وقلك  

بتعرفي خايفة من السموم2 اكتر شي لأنو كتير في الي رفقات شاطرين بالسنة الخامسة حملوها أكتر من مرة يلا الله يمرق هالمواد على خير

على فكرة انا هادا الفصل اعلى علامات باخدها فيه والسبب عن جد لأن فهمكون كفاية     يعني متل مافهمتها سلام والله عم احكي جد صحيح ماكان الها دور اساسي بكل المواد يعني متل الصناعية رسبت فيها بس جبت58 بسببها وباقي المواد علاماتي بالسبعينات وفي عندي 84 يعني عن جد كان الها دور كبير

يلا الله يوفقنا جميعا والله حاسة حالي معطلة عطلة انتصافية يعني شغلة 15 يوم وبرجع للفحص      

يلي حامل ميكرو و صيدلة مجتمع و كيمياء صيدلية و أدوية وسموم وبس

شو بتنصحو يقدم

و إذا كان ناوي يحذ الأدوية مو مشكلة مشان إعادة العملي  

السلام عليكم


برأيي يا المايكرو يا صيدلة المجتمع.... أما الأدوية والسموم فأكيد لاء لأنو هي فرصة برأيي ما

بتتكرر مرة تانية... الدكتور وعد هالدورة تجي سهلة بركي غير رأيو... والأدوية د. رشاد فهمنا

كفاية د. شذا عم تجي أسئلتها سهلة د. سوسن يلي حاملين المادة قالتلهم إنو

هالدورة تبع الصيف بدها تجي على نمط دورتنا وفهمكم كفاية   فبرأيي لا تروحي علامة

العملي ولا تروحي فرصة إنو تكون الأسئلة سهلة.. والكيميا الصيدلية والله ما بعرف شو بدي

قول.... أنت خليها عالتيسير...


بس والله يا جماعة بكير لسا مبارح عطلنا...

اقتباس

حطوا بخططكم وقت لدفتر الملازمة تواقيع وتعباية .....

ممكن حدا سنة خامسة (قصدي المتخرجين حديثاً.. إن شاء الله ألف مبروك)
يحكيلنا بالتفصيل شو بدنا نعبي هالدفتر
و شو التوقيع يلي بدنا نحطه فيه؟؟؟
لأنو ما عندي فكرة عن الموضوع أبداً....
هلأ أنا بالصيفية الماضية بالصيدلية كتبت أدوية كل الشركات تقريباً..
شو لسه بدي؟؟؟

السلام عليكم:

هلأ يمكن رأي ما نو منطقي بس حاولو تقدموا كل شي

بركي إن شاء الله الله بيسرها وبتترفع كل المواد لأنو لا تنسو

السنة الجاية وخصوصا الفصل الأول ما بظن رح نلحق ندرس

مواد محمولة يعني دوبنا نلحق مواد السنة إلا إذا مفكرين تخلوها

للدورة التكميلية .......

وعلى كل حال  استخيروا الله وإن شاء الله مابصير إلا كل خير 

شكراً سلام على النصيحة
وبركي نشالله على Facebook بقلها للدكتورة تخفف عيار الأسئلة شوي حاكم يومها أغلب الدفعة أكلتها ...

الحمد لله على سلامتك antidote
أكيد مالنا غنى ... بس عم أستنى اللانكليزي لشوف نظام الثنائيات تبع التشليف شو مدى فاعليته .....

اقتباس

والله الدمويات الحمدلله انا رفعتها ودرست المادة كلهامن كل نواحي يعني المحاضرات تبع كل المكتبات يعني فهمكون كفايةالمهم  آخر شي  اكتشفت انو في مكتبة مالنا غنى عنها اجت الأسئلة من محاضراتها

والله يا بلسم فقدت الأمل من هالمكتبة ............ بس المشكلة مالنا غنى عنها ...
فهمكون كفاية

ومنشان الأدوية 2 و السموم 2 بعتقد شرح سلام تمام ..... بصراحة لولا الغلط بالتصحيح تبع السموم 2 يمكن ما كنت رفعت المادة !!!!!!


[size/]بس من شان تحطو ببالكم
دريت أنو البرنامج لح يتعدل .... يعني لح يتعدل بشكل منيح .... لأنو في شباب طلبو من قسم البرامج أنو يحطو هي بدل هي .... وهداك بدال هداك ..... فهمكون كفاية

يعني ماحدا يفكر شو يترك أو شو يحذف لحتى يطلع البرنامج ... فهمكون كفاية


وبعتقد رأي آية الرحمن بالاستخارة ممتاز  وسديد .... وفهمكون كفاية


===========================

[size/]للتصويت

هلأ شو رأيكم نحط موضوع خاص للملازمة للسنة تبعنا .... يعني بنكتب فيه شو لازم نساوي ووين بدنا نروح و وين لازم نطج تواقيع أو شو لازم نكتب فيه ... الخ

كأنو طلع الرد كبير زيادة

أنا بالملازمة نقلت من دفتر تاني ...

ونصيحة لا تكتبوا إلا يلي بتعرفوه ودفتر قليل بس بتعرفوا شو في أحسن من دفتر مليان بس ما بتعرفوا شو كاتبين لأن في احتمال يسألوا منو

التواقيع بتروحوا أول الشي ع النقابة المركزية ولحالن بدلوكن شو بدكن تساوو بعدين بيبعتوكن ع الفرع كمان لحالن بيدلوكون ..

بالأخير بس تخلصوه وقبل الفحص بيومين بتوقعوه من العميد عأساس

دفتر الملازمة شغلتو سهلة:

التوقيع:
بتروحوا على الصيدلية بتوقعوا 3 فترات بتواريخ مختلفة ......ما تتزاكوا متلي وتتركوا شي تاريخ فاضي وترجعوا تعيدوا المعاملة من أول وجديد!!!!


بعدين بوشكم عالنقابة العتيقة بتوقعوا وبتدفعوا ما تيسر.....بعدها عالنقابة (فرع دمشق) مقابيلها بتوقعوا كمان وبتدفعوا طبعاً.......


الدفع كلو على بعضو شي 2000 ليرة أو أقل شوي

وقبل فحص الملازمة بيطلبوا الدفاتر لمكتب نائب العميد ليوقعوا

وبيكون خلصتوا توقيع


أما التعباية:

فبتجيبوا دفترين من حدا أكبر منكم وبتعبوا الاولانيات تبع المقاييس والموازين والتعاريف متل ما هنن

والعقاقير كمان شغلتهم سهلة .....أنا عبيتهم مجموعات حسب المشترك بالاستطباب (شايات الإسهال - فاتحات الشهية .....الخ)

بعدين بقسم الأسماء التجارية والتداخلات فيفضل تعبوه متل ما أنتو حافظين اسماء تجارية لأنو ممكن تنسألوا منهم وبس

وعملت طريقة أني صرت أمشي زمرة زمرة (شجرة تصنيف براس الصفحة) وبعدين جدول (اسم تجاري - الشركة - التركيب)

وفي صفحتين تداخلات كمان انقلوهم

وقسم التراكيب الصيدلانية فإذا حطيتوا 4- 7 وصفات من دفتر التكنو فبكفي وبيوفي


بشكل عام لا تكتروا حكي لأنو كلو ممكن تنسألوا عنو


وشغلة الصور ما وجعت راسي فيها وما لزقت ولا صورة.....حسيت الدفترة بيتبهدل هيك.....وفعلاً د.عمرين فتح الدفتر سألني ليش مافي صور....جاوبتو حسيت هيك أرتب وأكابري أكتر.....قلي: فيها وجهة نظر  ........أما د.عصام: ففتح الدفتر ليرسملي على الصفحات الفاضية صيغ عقاقير حتى أتحزر فيهم



هي ملخص ليللي بيلزمكم حالياً