بما أنو مالي دارس شي فعملت الطريقة يلي واحد قلي جربها شي مرة وهي طريقة التشليف ثنائيات من شان نشوف مدى وفاعلية هي الطريقة وتفضيلها على طريقة التشليف خماسيات  ..... وكمان قبل ما فوت قلولي لا تسلم ورقتك فاضية قال شو قال .. من شان ما تدفع 500 ل.س على الصفر يلي آخدو حسب القرارات الجديدة يلي نازلة جديد .... طبعاً مو معروف مصداقية هالكلام .......

بس على كل الحمد لله أنو خلصنا وصرنا سنة خامسة وانتقلنا إلى سنة التخرج .... ونشالله طبعاً نصير بسنة التخرج إن مد رب العالمين بعمرنا , وهديت الأمور  والطوشة واللوشة....  ونشالله أنو تكون سنة حلوة وعقبال هدول يلي عم يروحو كل مرة لعند الدكاترة ويتظارفوا ويسألوا عن الدورات ( طبعاً على أساس عم يروحو من باب براءة مو من باب هدف ترسيب عدد من الطلاب ) أنو يرحمو هالكم واحد يلي صار الواحد فيون حاملو شي 6 مواد وفي 3 بعرفهم معهم 10 مشكلين بين سنة 3 وسنة 4  من ورى بلاهم .... فالله يكون بشؤون هالعباد ....




بالتوفيق للجميع ........ بنشوفكم بخير

صرتو سنة خامسة؟

ألف مبروك جميعاً


نصيحة عالريق:

حطوا بخططكم وقت لدفتر الملازمة تواقيع وتعباية .....صدقوني كتير ارتحت لما بالصيف حطوا قدامي واكبتوا بالسهرات العائلية.....فما حسيت بهمو بالفصل الدراسي بنوب


بكرة بلمح البصر بتمر هالسنة بكل غلاظتها وحلاوتها

موفقين

السلام عليكم

((صرتو سنة خامسة؟ ألف مبروك جميعاً ))

الله يبارك فيك وانت ان شاالله الف مبارك التخرج وعقبال عناجميعا(سبحان الله كيف مضت الأيام)

هلأ معقول تتغير مسودة برنامج الدورة التكميلية لأن عنجد اكتئبت كتير وقت شفت البرنامج
هلأ انا حاملة 3مواد فصل اول ومن هالفصل حملت الصناعية والانكليزي عالطريق بس بمااني حملت الصناعية58 مشان هيك عم اجبر بخاطر حالي واعتبر حالي ترفعت عالخامسة حسب القرار تبع العلامتين)
لأنو طلع عندي كل مادتين ورا بعض وبين المادتين والمادتين التانيات بس 3 ايام
   
مشان دفتر الملازمة هلأ انا لازمت منيح بس مع هيك ماعرفت شو بدي اكتب بالدفتر كأنو تنسيق دفتر الملازمة تبع كليتنا كتير قديم لأن أخدت دفتر طالب عم يلازم عنا من الجامعة الخاصة ومااستفدت منو بشي لأن للأسف اكتشفت الفرق انو دفترنا موجود من أيام ابن سينا   

يلا حاجتي نأ

ان شاالله موفقين جميعا       

كل سنة وانتو سالمين بمناسبة انتهاء الفحوصات
بس عندي استفسار
مشان قرار العلامتين تبع المساعدة
مين عندو معلومات عن هاد المرسوم ؟؟؟ لأني حاملة 3 مواد + الأدوية 59 
كمان سؤال تاني : لازم نسجل ع الدورة الصيفية ولا لأ ؟؟؟ لأنو انا مسافرة هلأ فبدي اعرف اذا في تسجيل لإيمتى راح يضل مستمر ؟

السلام عليكم

مشان قرار المساعدات كانوا معلقينو بالكلية بس ما خطرلي اقراه.. ومشان التسجيل سألت البرامج وقال لا ما في داعي...

بدي اسأل كم سؤال عن المواد يلي حاملهم

هلأ أنا معي : دمويات ومناعيات + صيدلة مجتمع + انكليزي 6

هلأ الدمويات أنا عندي محاضرات السنة الثالثة تبع الأنوار كلهم , يعني في داعي اشتري محاضراتنا ولا بيكفو .... ولا الكتاب أحسن من الاثنين ....

صيدلة مجتمع شو مشانها حدا هون مرفعها يقلنا شو نساوي بهي المادة أو حتى ياريت إذا في طلاب خامسة يحكولنا عن هالمادة ......

وانكليزي بعتقد معروف شو قصتها  ولا حدا عندو رأي بيفيدنا ؟؟؟؟؟

السلام عليكم

مشان الدمويات مالك غير الكتاب لأنو ما اجى حرف زيادة عنو يعني في المختصر المفيد...

مشان صيدلة المجتمع إذا الأسئلة رح تجي مثل دورتنا فمالك غير تركز عالدكتورة لمى

محاضرات ووظايف... لأنو د. وفاء أسئلتها ما بينحلو صراحة لأنو معظمهم حالات سريرية ومو من

المحاضرات ... شكلها مخربطة كانت وقتها بينا وبين السنة الخامسة... لهيك لضمان النجاح

تركيز تام للدكتورة لمى مع كم محاضرة للدكتورة وفاء مشان إذا حبت تجيب من المحاضرات...

هذا رأيي...


أما الانكليزي فللأسف ما عندي فكرة .....

((صرلو زمان القمر ما بان (يعني أنا):))

أهلين منورة ماشاالله حلوة الثقة بالنفس والله نورتي


((بلسم البرنامج مسودة وبتتغير ولازم تتغير....ايه نص الدفعة حاملة ادوية وسموم كيف بيحطوهن ورا بعض ؟؟؟؟))

يييي ان شاالله يارب لأن عن جد موبس انا حاملتون في كتير طلاب غيري

((ليش معلومات ابن سينا قليلة ؟ لازم نفتخر باجدادنا ....))
لاوالله مو قليلة هادا ابن سينا قصتو قصة

والله الدمويات الحمدلله انا رفعتها ودرست المادة كلهامن كل نواحي يعني المحاضرات تبع كل المكتبات يعني فهمكون كفايةالمهم  آخر شي  اكتشفت انو في مكتبة مالنا غنى عنها اجت الأسئلة من محاضراتها

صيدلة المجتمع انا حاملتها

انكليزي انا كمان بحملها بس مافي داعي للعذاب فيها لأن كمان فهمكون كفاية

بس انا بدي اسألك سلاموووووانا حاملة ادوية2 والسموم 2 وعندياهون ورابعض يعني بيناتهون نص يوم شو بتنصحيني ساوي فيهون  وكمان الانكليزي والصناعية بيناتهون نص يوم وشكرا سلفا