مشكورين جميعا" على هالـ updates 

بس حابب إتأكد إذا صارو محاضرات التجهيزات كاملين بالمكتبة أو لسا بدو ينزل شي , مشان جيبون كلن فرد مرة و ما انزل مرتين
وشكرا" مرة تانية.
   

اقتباس

بس حابب إتأكد إذا صارو محاضرات التجهيزات كاملين بالمكتبة أو لسا بدو ينزل شي , مشان جيبون كلن فرد مرة و ما انزل مرتين

على هوا معلوماتي بقيان لسا محاضرتين
ميكانيك ال12
وكهرباء ال12
وبالتوفيق 

اقتباس

على هوا معلوماتي بقيان لسا محاضرتين
ميكانيك ال12
وكهرباء ال12
وبالتوفيق

شكرا" إلك كتير ميمي , و بالتوفيق بجميع موادك .. 

صباح الخير

كيف التجهيزات معكن ؟ إن شاء الله ما تكونوا عم تلاقوا صعوبة بهالمادة الظريفة

أول شي أنا بتأسف كتير على هالتأخير يلي صار بالمحاضرات ....
أنا بالنسبة إلي خلصت محاضراتي والمحاضرتين البقيانين حينزلوها رفقاتي الله يجزيهن الخير ..بس ما بعتقد ينزلوهن اليوم

بحب نوّه كمان إنو كم مسألة بالدورات محلولة خطأ إن شاء الله حإعمل جهدي نزلهن ملحق بكرا  وإذا ما لحقت حنزلهن عالمنتدى إن شاء الله تعالى

بالنسبة للأخطاء بالمحاضرات ..في أخطاء بس إن شاء الله هية كلها مطبعية ما في غلط بفكرة ..وإذا حدا لقا شي غريب يا ريت يحطوا مشان نصلح قبل ما يفوت الأوان

موفقين ..
   

صباح الخير


شكرا كنير الك والله يعطيكي العافيه


اما بالنسبة للصعوبة في صعوبة وملل ولسا لهلا باقيلي عشر محاضرات نظري
ماعم لاقي حالي غير عم ادرس ادرس وماعم خلص


ياترى نزلت علامات التجهيزات لما لسا؟؟؟؟

أي والله الله يعطيكي العافية black tulip
ومشان الدراسة وضعي مأساوي   وصراحة أكتر من مأساوي  

صحي كنت ناوية ما نء بس والله ما فيني  

صار فيني فصل ناقص غير شكل :قال قررت أترك 6 أيام للتجهيزات وحسبت على هل الحالة أنو لازم بلش فيها التلاتاء
قام مبارح متل الحبابة بلشت فيها وما بعرف شو خطرلي عد مرة تانية الأيام بين التلاتاء والأحد قام طلعوا 5 مو 6     
يعني ما بعرف شو بدي أحكي   عنجد ما بعرف أضحك ولا ابكي
لهلأ ما خلصت غير 5 محاضرات ميكانيك نظري و3 منن مدروسين قبل بمرة وطبعا ما بلشت بالعملي
يعني بس صفيلي 19 محاضرة وكل العملي وفوق كل هاد ما  عم أحسن أدرس على كتر ما لي مالة  
يلا حاجة نء هلأ وجعتلكون راسكون    

موفقين
سلام

الله يعطيكي ألف عافية Black Tulip على الجهود المبذولة ... وإن شالله يا رب بتجيب

علامات عالية بكل موادك 


بما إنك عطيتيني الأمان  بدي احكي واسألك ... 


بالمحاضرة الخامسة كهربا .. صفحة 44 ... في خطأ صغير بالسطر العاشر ... " بما انو هذه الفروع موصولة على التفرع " .. طبعا الحل مكمل على التفرع ومذكور هالشي ...
وسؤال تاني بنفس المسألة ... كيف طلعت ممانعة الوشيعة 1.25 ؟؟؟



بالمحاضرة السادسة كهربا ... بالصفحة 46 ... التجهيزات ثلاثية الطور تعمل على توتر 380 مو 308 ... بس مذكورة أكتر من مرة بغير فقرات بالشكل الصح ...



بالمحاضرة السابعة كهربا ... صفحة 63 .. مجال قيم هبوط التوتر النسبي بالمآخذ والإنارة ... متل مو مكتوبين بالمحاضرة صح هيك ؟؟؟ لانو في تناقض مع نوطة الموسى ...وانا ما بعرف الصح من الخطأ ؟؟؟   



بالمحاضرة التاسعة ... أنا مستغربة    كيف منكون عم نحكي عن المصابيح الطبيعية والصناعية .. ومنبلش بالشرح عن الأولى ... بعدين منط على" القيم النسبية للاستطاعة المشعة " ... وبعدين منرجع على المصابيح الصناعية ... يعني هي الفقرة تبع القيم النسبية ... شو إلها فائدة ؟؟؟



لسى في كم شغلة بدي افهمن منك ... مع إنهن مشروحين بالمحاضرات  ( بس انا مخي سميك    ) ... بس مو هون   



وشكرا كتير   



سلام 

انا كمان حابة ضيف شغلة صغيرة وهيي خطأ مطبعي



بالصفحة 77 بالتجهيزات الميكانيكية :


باخر الصفحة مكتوب يستخدم المرجل للأغراض التالية 


وبتوقع انو لازم يكون يستخدم الحراق للأغراض التالية


اذا كنت غلطانة خبروني

مرحبا

اقتباس

شكرا كنير الك والله يعطيكي العافيه

شكراً إلك الله يعافيكي

اقتباس

الله يعطيكي ألف عافية Black Tulip على الجهود المبذولة ...

أي والله الله يعطيكي العافية black tulip

عنجد شكراً إلكن كتير ميمي وبحر إنتو بتعرفوا إنو لولا مساعدتكم بحياتها المحاضرات ما بتكمل

اقتباس

بما إنك عطيتيني الأمان بدي احكي واسألك ...

حبيبتي بحر تاني مرة إذا..إذا ..إذا غلطت ورجعت كتبت محاضرات فالله يرضى بتدرسيهن قبل بوقت وبتقوليلي الأخطاء ...وإذا تأخرت بتنزيلن بتنزليلي ياهن وبتقوليلي الأخطاء 

اقتباس

صحي كنت ناوية ما نء بس والله ما فيني

والله يا ميمي إنتي يلي عم يصير معك ولا شي مقابل يلي عم يصير معي
أنا مبارح بعد الظهر بلشت بمادة التجهيزات على أساس قال يعني أنا دارستها وهلأ أنا عم إعمل سباق مع الزمن والمطلوب مني كون بطلة وأعصابي حديد وخلص مادة التجهيزات العملاقة ب 3 ايام بس .....

اقتباس

بالمحاضرة الخامسة كهربا .. صفحة 44 ... في خطأ صغير بالسطر العاشر ... " بما انو هذه الفروع موصولة على التفرع " .. طبعا الحل مكمل على التفرع ومذكور هالشي ...

إي الحق معك ..الوصل على التفرع 100% بس سامحوني على هيك أخطاء مطبعية وخصوصي بالوصل على التفرع والتسلسل

اقتباس

وسؤال تاني بنفس المسألة ... كيف طلعت ممانعة الوشيعة 1.25 ؟؟؟

ما بعرف ليش هيك طلع أنا يومها أخذت الأرقام يلي انذكرت متل ما هية بالمحاضرات
هو لازم يطلع 314 * 0,2 = 62,8

اقتباس

بالمحاضرة السادسة كهربا ... بالصفحة 46 ... التجهيزات ثلاثية الطور تعمل على توتر 380 مو 308 ... بس مذكورة أكتر من مرة بغير فقرات بالشكل الصح ...

مزبوط حكيك بحر لأنو ثلاثي الطور توتره = 220 * 3^0,5 = تقريباً 380

اقتباس

بالمحاضرة السابعة كهربا ... صفحة 63 .. مجال قيم هبوط التوتر النسبي بالمآخذ والإنارة ... متل مو مكتوبين بالمحاضرة صح هيك ؟؟؟ لانو في تناقض مع نوطة الموسى ...وانا ما بعرف الصح من الخطأ ؟؟؟

معك حق بس بمحاضرة المسائل كاتبتها صح وإجباري لازم يكون هبوط التوتر المسموح للمآخذ أكبر منه للإنارة

اقتباس

بالمحاضرة التاسعة ... أنا مستغربة كيف منكون عم نحكي عن المصابيح الطبيعية والصناعية .. ومنبلش بالشرح عن الأولى ... بعدين منط على" القيم النسبية للاستطاعة المشعة " ... وبعدين منرجع على المصابيح الصناعية ... يعني هي الفقرة تبع القيم النسبية ... شو إلها فائدة ؟؟؟

لكان أنا ليش فكرك طولت بالمحاضرات ؟ بس بدك تديري بالك إنو فقرة القيم النسبية للاستطاعة  المشعة بتصوري هامة

اقتباس

باخر الصفحة مكتوب يستخدم المرجل للأغراض التالية


وبتوقع انو لازم يكون يستخدم الحراق للأغراض التالية

الحق معك هي وظائف الحراق مو المرجل

اقتباس

لسى في كم شغلة بدي افهمن منك ... مع إنهن مشروحين بالمحاضرات ( بس انا مخي سميك ) ... بس مو هون

على حسابك

سلام ..موفقين ..ادعولي تضل أعصابي بمكانها من هون للفحص   

اقتباس

سلام ..موفقين ..ادعولي تضل أعصابي بمكانها من هون للفحص

يارب تضل اعصابك بمكانها

وان شاء الله بتخلصي من هم هالمادة السئيلة يلي صرلي 6 ايام عم ادرس فيا ولسا باقيلي 8 محاضرات !!

واسئلة الدورات


الله يستر


--------

صار شي مشان مواد العملي؟؟