اقتباس

بس حابب أسألكون بالنسبة للدكتور بطيخة
فهل حل مسائل كتير بالمحاضرات

حل شي 4 مسائل على الميل والسهم
و3 على توزيع العزوم

اقتباس

وهالمسائل تبع الدكتور موجودة بالمحاضرات

ايه موحودين ومشروحين بشكل وافي

اقتباس

يعني بتنصحوني جيب محاضرات السنة

إذا بتحب تتطلع على طريقة حل بطيخة فجيبهن لإنه بتختلف شوي عن طريقة السنة الماضية
وهو قال انه فيكن تحلو باستخدام الطريقة اللي بتريحكن
بس المثال اللي عطا بالمحاضرة الخامسة شوي ملبك ، وصعب نستخدم فيه طريقة السنة الماضية لإنه فيه تغير حراري وفيه انزياح مسند

موفق

اقتباس

بالنسبة الي ادا زاد وقت بهاليومين ونص قبل الهيدرولوجيا رح ادرس نظري

انا خايفة انو مايزيد وقت و خصوصي انو التجهيزات بيخلص فحصا الساعة 3 ونص .. يعني راح تلت رباع اليوم لانو اكيد رح نرجع تعبانين




-------------

اقتباس

بدي اسأل مشان التجهيزات
هلأ شو نظام هالدكتور ،، هل رح يجيبلنا أسئلته من المحاضرات والحكي اللي بيحكيه ؟؟
واللا ممكن يجيب شي موجود بالكتاب وهو ما حكاه بالمحاضرات ؟؟
في حدا سأل الدكتور ؟؟؟ أو حدا من السنة الماضية يخبرنا ادا جاب شي من غير المحاضرات ؟؟
وشكرا

حسب ماسمعت من الطلاب انو الدكتور مابيجيب غير من اللي حكاه وانو كتير احيان بيضيف من عندو على معلومات الكتاب وبيطالب فيه بالفحص


بس الله يستر من الاسئلة النظرية

اقتباس

حل شي 4 مسائل على الميل والسهم
و3 على توزيع العزوم

اقتباس

أنا ما شفت أنو الدكتور جاب شي من خارج النوطة الموجودة
كل أسئلة الدورات موجودة بالنوطة

بس المشكلة انه هالسنة في كتير حكي بنوطة الموسى الدكتور ماحكاه !! وكمان موجود الحكي بالكتاب !!! بس الدكتور ماجاب سيرته !!!

اقتباس

طيب ممكن تعطوني أرقام المحاضرات يلي فيها مسائل مشان جيبها
وشكرا كتير

ميل وسهم :
محاضرة 3 ، 4 ، 5

توزيع العزوم :
6 ، 7 ، 8

بس ما تفكرن قلال ،، بيطلعو 90 صفحة ،،، لإنه فيهن شرح مفصل
بنصحك بالأول تشوف الخامسة لإنه مثال محرز
وانت بعدين بتقدر إذا بتحتاج تجيب أمثلة أكتر

بالتوفيق

اقتباس

ميل وسهم :
محاضرة 3 ، 4 ، 5

توزيع العزوم :
6 ، 7 ، 8

بس ما تفكرن قلال ،، بيطلعو 90 صفحة ،،، لإنه فيهن شرح مفصل
بنصحك بالأول تشوف الخامسة لإنه مثال محرز
وانت بعدين بتقدر إذا بتحتاج تجيب أمثلة أكتر

بالتوفيق

عنجد كتير شكرا عذبتكون معي اليوم

ورح أعمل بنصيحتك وجيب حاليا المحاضرة الخامسة
وبعدها بشوف اذا بيلزم الباقي

السلام عليكم ...

اقتباس

رح تدرسوا نظري؟ لما بس مسائل ومشاريع ؟؟

لا والله بالذات هي المادة لأنو في كتير أفكار نظرية ممكن يجي عليها مسألة والدكتور تجار بيانتوا بدو يعمل مقلب فينا
أما الهيدروجيولوجيا فأنا متفائلة فيها إن شاء الله تعالى

اقتباس

في حدا سأل الدكتور ؟؟؟ أو حدا من السنة الماضية يخبرنا ادا جاب شي من غير المحاضرات ؟؟

لا إن شاء الله ما بيجيب غير يلي عطانا يا بالمحاضرة أساساً إذا منلحق دراسة المحاضرات بيكون كتير خيرنا

اقتباس

يعني بتنصحوني جيب محاضرات السنة

طبعاً ..أنا أغلب اعتمادي على محاضرات النظري بس حالات التناظر والتناظر العكسي من محاضرات ميرنا

طيب سؤال ...حدا درس خطوط التأثير ..أنا آكلة همها شوي لأني لا أفقه فيها شيء البتة وبتلحق قبل الفحص ولا لاء ؟

اقتباس

بس المشكلة انه هالسنة في كتير حكي بنوطة الموسى الدكتور ماحكاه !! وكمان موجود الحكي بالكتاب !!! بس الدكتور ماجاب سيرته !!!

فعلاً الحق معك في كتير شغلات الدكتور ما حكاها هالسنة وغير هيك ..في اختلافات بالأرقام مثلاً عامل الاستطاعة للفلورسينت بالنوطة 0,8 وهالسنة كان 0,85 بصراحة ما بعرف شو بدنا نساوي ..

كل مسائل الإنارة مكررة بالدورات ما عدا هالمسألة (6 علامات) :
يعلق مصباح متوهج على ارتفاع 3 متر عن طاولة عمل بإضافة عاكس له يعطي مخطط قطبي دائري الشكل يحيط بمركز المنبع الضوئي و يعطي شدة ضوئية 720 شمعة عموديا" تحت اللمبة
1 - احسب سوية الإنارة العمودية على الطاولة.
2 - اذا كان المسقط الضوئي للمنبع على حافة الطاولة اوجد طول الطاولة لتكون الإضاءة نصف القيمة في الطلب الأول.
(2002 - 2003 ف2)

ملاحظة: عامل استطاعة الفلورينسايت 0.85 و ليس 0.8

بس بدي اتأكد اذا محاضرات التجهيزات صارو كاملين بالمكتبة، و شكرا" كتير :) 

اقتباس

يلي بشوف الاسئلة بقول يامحلا المحاضرات

هيك بتذكر صار معي

لا ... إن شالله الأسئلة سهلة ... وللعلم حلها نزل بالركن ...



********

بالنسبة للهيدرولوجيا ... فانا مع  Black Tulip  لازم نكون مستعدين لأي مقلب ...

وعلى فكرة انا سألت وطلع منحني الواحدة الاصطناعي ... مو عاطيه السنة

الماضية ... ففي احتمال يجي هالسنة ...



********



ومشان خطوط تأثير ... حدا عندو علم إذا  في اختلاف بين طريقة ميرنا وبطيخة ؟؟؟


تنويه ...

بمحاضرات ميرنا مكتوب أنو نحنا مطالبين بالمنشآت يلي فيها إزاحة وحدة وهي حالة

على هالأساس ... بس الدكتور بطيخة عاطي أكتر من إزاحة بالمنشأ الواحد ...




موفقين ...

بدي أسألكم سؤال عل السريع بالإنشاءات
هلأ إذا عنا منشأ في إزاحات متل مثلا يلي حاللنا ياه الدكتور بالمحاضرة الرابعة بدنا معادلتين لحتى نطلع الدوران والإزاحة
هلأ إذا حلينا بطريقة المعادلات تبع ميرنا سهل تطلع معنا المعادلة الأولى ويلي هي مجموع العزوم عند نقطة تساوي الصفر
بس المعادلة التاني بدنا ناخدها عند المركز الآني للسرع أو مجموع X=0عند أي نقطةوعل الحالتين بدنا نحلل المنشأ متل ما أخدنا بالنظري لحتى تطلع معنا ردود الأفعال
يعني على هل الحالة صارت طريقة المعادلات أطول بكتير صح؟؟؟
يعني وقت يكون عنا إزاحات الأفضل أنو نحل متل ما أخدنا بالنظري ؟؟؟
ولا فينا ناخد معادلة تانية بطريقة المعادلات بدون ما نحلل؟؟؟

وسؤال كم يوم ناويين تتركوا للتجهيزات أنا ما لي فاتحتها بءا لهلأ ما عندي فكرة أدي بتاخد وقت
وسؤال تاني مو بالدراسة حدا شي عم لاقي صعوبة بفتح هل الموقع ولا ال3G تبعي منزوعة بالعادة بتفتح معي الصفحة بدقيقة هلأ عم تاخد أكتر من عشر دقايق
أنا اليوم دخلت بجو النظري بما أنو اليوم لحتى خلصنا عملي حاسة حالي مستحيل لحأ شي
وموفقين يا رب
شكرا كتير

محاضرات التجهيزات :

حتنزل اليوم إن شاء الله 4 محاضرات كهرباء بس أول شي لازم شوف الدكتور وإسألوا كم سؤال وبعدين ينزلوا بس عالأغلب ينزلوا الظهر إن شاء الله
بس إذا لا سمح الله ما إجا الدكتور اليوم عالجامعة فساعتها رح إضطر أجّل التنزيل أو في حل تاني إنو الشغلات يلي ما لي مأكدة منها بكتبلكن عليها إنو تأكدوا منها

إذا نزلوا المحاضرات اليوم بيبقى6 محاضرات 2 كهرباء
                                                                            4 ميكانيك
يا أما حينزلوا كلن دفعة وحدة يوم الخميس أو إني نزل الثلاثاء 1 كهرباء و3 ميكانيك
و المحاضرتين البقيانين ينزلوا الخميس

عطوني رأيكن ؟ منيح هيك ؟