¨°oO السنة الثالثة أون لاين Oo°¨

مشاركة : 448

Future Engineer

جامعـي اســتثنائي

عضوية ملغاة في هذا المنتدى, بطلب من صاحب العضوية

مسجل منذ: 13-07-2010
عدد المشاركات: 607
تقييمات العضو: 0
المتابعون: 19

غير موجود
اشــترك بالتحديثات
رسالة مستعجلة

رد مشاركة : ¨°oO السنة الثالثة أون لاين Oo°¨

27-11-2010 02:22 PM

اقتباس

البرنامج خبرك فيها إنو لاقى جواب , مبدئيا" تجاهلي الـ Reports يلي على اليمين و ضغطي مباشرة OK

فهمت هالشي عليه ... ( صحيح لغتي مو كتير بس بتوصلي المعنى العام ببعض الأحيان )

وانا قبل ما نزل الرد الماضي عملت أوكي ... وجربت كل الاحتمالات ... بس ما عطاني متل ما

قلتلي بالخطوة السابعة ... يعني ما شفت النتيجة ؟؟؟؟

صراحة كان من الأحسن تحطيلي على الضبط شو الشي يلي عطاكي ياه بعد الضغط على ok , بس مافي أي مشكلة رح ارجع عيد الشرح لفكرة الشغل , و بما إنو صار عندك فكرة عن أشكال النوافذ بالـ Solver و طريقة الوصول لإلهم , رح حط الشرح بالتفصيل بس بدون صور هالمرة :

1-بتحطي بإحدى الخلايا بصفحة الإكسل أي قيمة أولية لـ x (يعني إنتي بتفرضيها) و لتكن x=2 أو x=6 أو x=18 يعني أي قيمة شو ما كانت تكون.

2-بالخلية يلي جنبها بتحسبي قيمة y حسب قيمة x يلي فرضتيها , و أكيد حساب y لازم يكون عن طريق الدالات
(بمعنى آخر منشوف لو كانت x قيمة معينة , قديش رح تكون y)

3-منفتح الـ solver

4-بنافذة الـ Solver عند set target cell منحدد الخلية يلي فيها قيمة y (بكرر منحدد الخلية و ما منحط قيمة الخلية و بتتأكدي إنو ما في خلية غيرها تم تحديدها)

5-عند Equal to بتحددي max

6-عند by changing cells بتحددي الخلية يلي فيها قيمة x (بكرر منحدد الخلية و ما منحط قيمة الخلية مثلا"$A$1 أو $B$2 حسب مكان x)
(يعني كتوضيح بمعنى اخر , كل الشي يلي عملناه حتى الآن مشان نقلو للـ solver يضل يغير بقيم x لحتى تطلع معو أكبر قيمة لـ y )

7-بتضغطي زر الـ solve

8-بتطلع نافذة بتخبرك إنو تم إيجاد حل (في حال كان للتابع قيمة عظمى محددة) بتضغطي فيها ok

9-بتلاحظي إنو نفس الخلايا يلي حطيتي فيها القيمة الأولية لـ x و حسبتي فيها قيمة y تغيرت فيها الأرقام و صارت أرقام جديدة و هيي الحل المطلوب.
(ملاحظة : أنا بالشرح السابق حطيت النتيجة بخلايا جديدة بس مشان التوضيح بالشرح , أما الإكسل ما بحط الحل بخلايا جديدة و إنما بيغير القيم الأولية يلي إفترضتيها بالبداية , أي بيغير أرقام x و y بالخطوتين 1 و 2 )

إنشاء الله كون قدرت وصل الفكرة , و إذا في شي غير واضح أنا كمان جاهز
بالتوفيق,,,

« عرض آخر مواضيع العضو »

ملتقى طلاب جامعة دمشق

أنت غير مسجل لدينا.. يمكنك التسجيل الآن.