السلام عليكم
بصراحة أنا حابة نحكي هون عن كليتنا
نحنا كطلاب هندسة معمارية

كل واحد يحكي شو بحب بالكلية
شو بيكره

من شو بيخاف
شو بيتأمل

شو بيحلم بالمستقبل
شو تصوروه عن الحياة العملية بعد الدراسة

يعني خصوصي أنو أغلب وقتنا منقضيه بالكلية
و يمكن رفقاتنا صاروا أقرب من اهلنا

فهل بتخاف يجي يوم و تخلص فيه الدراسة و تبعد عن رفقاتك
و لا مو مسدق امتى يخلصوا هالخمس سنين
بتحب العمارة
بتحب جو الكلية

و شو الفرع اللي كنت بتتمناه لو ما دخلت عمارة

و هلأ ندمان و لا رضيان
شو أكتر شي بيدايقك بهالفرع

التعب
الخوف

الدوام الطويل
العملي

..............

شو أكتر شي بتحبو فيها

عم استنى ردودكم و مشاركاتكم أصدقائي


تحياتي للجميع


قرنفلــــــــــــــــــــــــــــــــــــــــــــــــــــــــــــــــة

مرحبا

أي حدا كمان شو ما كان فرعو


فيه يحكيلنا عليه

و أكيد رح ننبسط لما نسمع عن


طبيعة دراسة أي حدا منكم[/color


قرنفلـــــــــــــــــــــــــــــــــــــــــــة

مرحباااا والله أنا بحب العمارة وملاقيتها كتير حلوة هلأ خلصت سنة أولى وبتصدقي شي؟؟أحلى شي بالكلية دوامها الطويل وتعبها لأنو عنجد تعب لذيذ وحلو بحب الدوام والعملي والأساتذة والجو العام وحتى المبنى مريح وبحبه (ما حأقعد أحكي عنه وأنقده معماريا)بحبه وبس بس شغلة وحدة مدايقتني ما عندي كتير رفقات لأن البنات اللي رافقتون هالسنة اكتشفت اني مو مرتاحة كتير معون ومو معتبريني أساسا رفيقتون بس يلا منلاقي غيرون سلامووووووووو

العمــــــــــــــــارة

كـــــــــل

حيــــــــــــــاااااااتي

بحب بكلية العمارة كل شي فيها .... جدرانها .. نوافذها .. أبوابها .. أدراجها .. وجسورها

أنا في نعيم أنا الله سبحانه وتعالى يسر لي هذا الفرع دون سواه

علاماتي في البكالوريا كانت تماما مناسبة للفرع ... وبتذكر إني كتير ازعلت وقت طلعت النتائج ...

بس لو ما بكيت بهديك اللحظة كنت ما دخلت عمارة

كنت عم فكر فيها مسبقا .. ولكن ليست كخيار وحيد ... كنت وقتها عم أعمل الدورة التدريبية

الاساتذة  نصحوني إني أدخل هالفرع لأنو وجدوا فيي ما يناسبه

والحمد لله .. أني أنا الآن في رحابه

أعيش لحظات الفرح في يوم لكوني قد انجزت جيدا .. والخيبة في يوم آخر لتقصيري

وأشد لحظات الفرح عندما أكون بأشد لحظات التعب ..

وأجمل ليل يمر هو ليل تصميمي متلبد الخطوط  ...

كليتنااااا في كل ما يخصها مميزة حتى في إصدار العلامات المتأخرة مميزة ..

بطلابها .. بأساتذتها ..

حتى بجوها الذي هو اقرب ما يكون للجو العائلي ... مميزة

يكفيني شرفا أن والدي  الغالي يفتخر لكوني في هذه الكلية

كلية الهندسة المعمارية  ... وعند هنا اقف

سلام
العماره اه من العمارة
انا ما بقدر اصف شعوري
..............................
غريبه في عالم الغرائب

العمارة كانت حلمي من لما كنت عاشر والحمد الله دخلتها بعد عناء طويل
باول السنة حسيت انها حلم وتحقق وما كنت مصدقة حالي
بس بعدين مرت فترة اكتابت فيها لاني اكتشفت رفقاتي يلي كنت بحبهن كتير انو ما كانو متل ماكنت مفكرة..........
وبعين حسيت انو فيتامين "و" بقصد الواسطة   كانت ماشية عابو جنب
والاحلى من هيك انو كل واحد بالهكلية ماشي عكيفو
يعني كل دكتور الو رأي وكل معيد الو رأي كمان
و انا عانيت كتير من هالشغلة ما كنت اعرف من مين بدي اسمع
كان المعيد يصلحلي مشروعي اول مرة تاني درس يجي المعيد التاني يغيرلي كل شي ويقلي
عكس حكي المعيد الاول 
لحد ما جننوني وصلت لمرحلة كرهت فيها الكلية
بس بعدين بطلت اسمع كلام حدا بالفصل التاني وكانت علاماتي بالمشاريع كتييييييييييييييير
منيحة
واحد 38
والتاني 42
من بعد ما كانت علاماتي بالفصل الاول 25 و  34
بس هلق لسانتي مبسوطة وحاستها اروع كلية ولو رجع الزمان لورا لكنت اخرتها نفسها
وبكفي لما بيسالوني شو عم تدرسي بقول بكل فخر هندسة عمارة

في شغلة حابة احكيها كمان ويلي هي انو الدوام الطويل
ويلي هو جد جد اجمل شي بهالكلية
وكمان كيف بدي انسى الليالي يلي اسهرتها وانا عم اشتغل بالمشروع
بتعفو حابة قول كمان شغلة انو المعيديين(وهي شغلة مو كتيييييييير منيحة) انو بدن يانا نساوي المشروع حسب هني شو بدهن مو حسب نحنا شو بدنا وبسال حالي اصلا بس نتخرج مين ياي بدو يصمم نحنا ولا هني
على فكرا الموضوع كتيييييييييييير حلو وانا عندي كتير شغلات حاة خبركن عنها
شكرا الك يا قرنفلة على هالموضوع وانا بانتضار جديدك
 

بيكفي إنوقول إنو العمارة هيي أحلى فرع بالعالم بس  بالنسبة لحدا عندو موهبة    انا هاد رأيي
وانا أسعد لحظة بحياتي لما فتت هاد الفرع بدون أي توقع يلي الله يسرلي يا وأنا مالي ندمانة أبدا بالعكس انا بحمد الله دايما 
الحلو بالفرع إنو هو فن و إبداع و كلشي بيتعلق بحياتنا بكل لحظة نحنا عم نحاكي العمارة ومنحب أي شي جديد فيها
وبس
           

أميرة الدموع

أرق تحياتي الك عزيزتي

بدي أتشكرك لتفاعلك مع الموضوع

و أكيد أنا بأيدك أنو العمارة فرع حلو كتيييييييييييييير

ومشان رفقاتك و لا يهمك

لانن هنن اللي خسروا صديقة أمورة و حبابة متلك

تحياتي الك


قرنفلـــــــــــــــــــــــــــــــــــــــــــــــــــــــــــــــــــــــــــــــــــــــة

Talented-Arch


شكرا على الرد الرائع

العمارة مو بس حياتك و حياتنا نحنا كمان

و صدقتي لما قلتي أنو أجمل الليالي هي الصعبة

فعلأ ليالي لا تنسى


بيكفينا فخر جميعا أنا بهالكلية


تحياتي الك


قرنفلـــــــــــــــــــــــــــــــــــــــــــــــــــــــــــــــــة