رد مشاركة : شو بتعنيلك العمارة..حكيلنا شوي.. ندمان على الفرع اللي انت فيه و لا لا
هلأ..العمارة كتير حلوة..
بس المشكلة.
انو ازا بحكي عالعمارة...لبكرا ما بخلص..و المشكلة....انو ما حدا ليصدق..
يعني اسراء..
ازا كنت انا متلك " يخزي العين" ..التلتي عالكلية...وقتها ممكن العالم يصدقوني..
متل ما ليصدقوقي..
بس المشكلة....
انو بموت كتير بالعمارة.و بموت بمادة نظريات العمارة...يلي حملتها...عالـ 58..
و بموت بمادة التاريخ...يلي كانت اروع مادة...و يلي حملتها للمرة الثانية عالتوالي...
رغم اني متأكد انو كلا الورقتين..."يلي قدمتهم" ما انقرؤا..."هناك أدلة...لكنها غير ملموسة.."بس ..ما
بظن حدا يصدق هالشي..
انا من لمن كنت صف تالت.برسم تكتيلات فراغية..
و من السابع بلشت بالمائي...
..
و كان منتهى الطموح.هو تصميم الإشيا..و ما كنت بعرف انو اسم هالفرع.هو عمارة..لصف العاشر...
بس المشكلة.انو كل شي عم يجي ضدي.
يعني..اساكيزي كلهم راسبين..
ما عدا تنين..
و لك والله صرت اتمنى يرسبو عالـ 12...
لأ
عالـ 9 ..من 25
يعني عندي اسكيزين..9...
مو بس هيك...
عندي..عندي مشروع 24....من 50.
لو فرضا.عملو استفتاء...
و قلت انا..انو انا بموت بالعمارة من وقت من كنت هالقد قدي.." يعني صف تالت "
و بس شاف علاماتي..
انا بظنه يقلب على ضهره من الضحك..
العمارة روعة..
بس ما بعرف ليش....هيك..
بخصوص نضافة الكرتونة..أحلى شي...
مرة كنت عم احكي.انو ليش..
فبيجي الجواب..من المعيد تبعي..انو حتى تتوضح فكرتك..يعني بيتقبلها الزبون " رغم انو نحنا بكرا ازا
تخرجنا..لنشتغل بالورقة و القم..مو بالاوتوكاد...و تاني شي..الشغلة عنده...مصاري!!!!"
و قال..انو نضافة الكرتون..حزء من شخصيتك...
و قال...انو نضافة الكرتونة ...و نضافة الكرتونة..
قمت قلتله...
انا بكرا...لمن اشتغل.."الزبون" يلي ما ليقبل صممله..الا ازا كرتونتي نضيفه..فانا بغنى عنه..
لك انا معمار...لازم اقنع " رغم اني بكره هالتسمية بس مضطر...الزبون" بفكرتي...بالفكرة بحد ذاتها...
مو بنضافة الورقة...
أصلا.."نظافة البناء...لا تعني متانته..."
المهم...في معيد افهم...و قلي...انو انت هلأ لازم تشتغل متل ما بدهم..
و لازم تنضف كرتونتك...
ليش عم يزيد معنى وقت نحنا....
مشروع البلدية...الورقة ما كفت لإلو...
و الوقت,,احلى شي انو يكفي..
لك انا من خلال 13 مشروع قدمناهم هالسنة...مشروع واحد.لحقت بس تنزيله عالكرتونة...و دون ما
نضف الكرتونة...و اخد 42...
بس وقتها كان المعيد يلي قيم..انسان فهمان...
القصة..انو العمارة احلى شي..و طاقم تدريسها.....لك شي بيقرف...
انا هلأ ما عم احكي عن الواسطات.
و لا بيهمني...
رغم انو ازا حدى سنة اولى..بدو يضرر من الواسطة..فبكون انا...
بس لأ...
القصة قصة..انو السيد رئيف مهنا...أفظع دكتور بالكلية....بيدرس نظريات العمارة...
على طريقته...
المشكلة..و الشي يلي بيضحك..
انو ناقشت مرة " استاذ العملي تبع المادة "...بتعريف العمارة...و عناصر العمارة " الأسئلة يلي اجونا"
قبل الإمتحان...من قبل الصدفة..
والله العظيم وقتها...طار عقله....
و قلي ممتاز....
و سألته عن طريقة رئيف..بالتصحيح..
فقلي انو انت ما عليك..
فبيقوم...بيحطلي بحلقة البحث...58..و بيرسبني..
و بيقلي ..
انو انا بستاهل...لانو ما كنت احضر...
يعني بصراحة تخينة....كتير..
الحضور....نضافة الكرتونة.....
انا ما كنت احضر لاني جبت محاضرات السنة الماضية تبع المادة...و قرأتها...و جبت الكتاب و حفظته..و
هالشي..وقت مشروع البيت العربي..
لسبب واحد..انو حبيت استريح من المادة و لانو هالمادة كتير حلوة و منشان استخدم المعلومات ضمن
المشروع الرابع..
فوقتها...صرت ما احضر لاني صرت ادرس المادة لحالي.و اي شي يصعب عليي ...اسأل الدكتورلا عليه
او مدرس التصميم...
الشغلة التالتة...و الأهم....."يلي بتخلي الواحد يطق ...و يجن.."
هي انو لازم تعتبر حالك سنة اولى...
صحي نحنا سنة اولى...و انا " هالشي سمعانو كتير من عالم..انو لسا نحنا لهلئ...ما دخلنا بالعمارة...و ما
منفهم منها شي....لأنو سنة أولى...و نحنا جدبان ...و مجرد رعاع...و العمارة الله خلقها...لدائما...يلي
بيكبرونا بسنة.."
المهم..نحنا سنة اولى...بس بظن..انو لازم ننعطى حقنا بالتصميم..
يمكن بالمشروع الرابع...ما عقدو القصة علينا..و عطونا معمار متل ليبيسكند....
بس بصراحة..و عدم المؤاخذة.كيف بتطالبني..بانو اشتغل...متل رم كولهاس...او زهى او نورمان
فوستر....و انا سنة اولى..
انا مو ضد.بالعكس.انا مع..
بس انعطى حقي..بالوقت..
نورمان فوستر....كان رسام و كاتب...و معمار و طيار....و عنده كتير اهتمامات.غير انو كان عبقري
بعلوم البيئة و المياكانيك...حتى انو عمارته..بتاخد دائما اسم..عمارة التقنية الحديثة...
اكيد شخص متله لمن يصمم.ما ليكون التصميم عادي..
اكيد ليحط اشيا..أكبر من عمارة الطين و القبب المعته..
اكيد ليكون مشروعه..اكبر من مجرد..بناء..او صندوق..
النقطة انو انا لمن شفت اعماله و قرأت عنها...ما كنت سنة اولى..كنت لسا مو بالعمارة..
بس وقتها...قلت..كلمة وحدة..." معقول.."
هادا السير...نورمان فوستر..الحاصل على أعظم وساف شرفي ممكن يحصل عليه المواطن البريطاني...
رم كولهاس...يلي ما كان حدى يعرف حتى يقول اسمه....
و هادا الشي..يلي ممكن يندرج.تحت المفلج المبكي...
و يلي معيدنا الكريم..ما كان عنده ادنى معلومة عنه....
و لا بيعرف مشاريعه..
حتى كان يقلنا عنه معلومات خطأ....
المهم.
رم كولهاس...كانت عمارته...فظيعه...
يعني مبنى الصين...لإلو..لحاله قمة..
انا كيف بدي اشتغل...متل ما هو بيشتغل....
و ازا بشتغل بيقولولي..انو المشروع غير اقتصادي..
رغم انو الزاية العلوية للكتلة الكبيرة بمبنة الصين...كلفت حديد..." انشائيا" ليوم الحديد!!!!!..
انا سنة اولى....
بحط ضفر عشر امتار....بيرفضه المعيد...
بس المشكلة انوة كنت حاللو يا انشائيا..رغم انو مو شغلتنا..بس نزلت عن معيد مادة المقاومة,,,و حليت
معه القصة...
انا يلي بعرفه..شغلة...
انو انا عندي رم كولهاس..لازم ما نام قبل ما يكون عندي كمل مشاريعه..
و لازم .اعرف كل شغلة عن حياته..
و لازم اشتغل.بحيث يبين مشروعي متل مشروعه..." مع فارق الخبرة الكبير و الشاسع..."
زهى حديد...
لك المعيدين و الدكاترا...
بيقولو انو مشاريعها.ما بتصير غير بالأتوكاد..." انا ضد هالشي.."
طب كيف بتخلي طالب سنة اولى ممنوع من الاوتةكاد..يشتغلها..
انا مو عم قول انو مو لازم يعطونا هيك اسماء..
بالعكس..
بس يجيبولي معيد..يفهم عليي شو عم قول..
و يعطوني وقت كافي....
و يحلفولي على كل كتاب مقدس..انو ليشفو مشروعي..
و يخلوني استخدم ورقة ازا خلصت الورقة...مو كب بقية الأفكار بالزبالة..
يعني كلمة السنة الأولى....صارت والله ..مسبة لطالب السنة الأولى.
حتى صار يمشي و راسه بالأرض.
و يقول امانة ..و لا مو دخلني...و لا بقصدي صرت سنة اولى..
انا كان بدي صير تانية....والله مو دخلني...
لك,,,,,آآآآخ..
و يبلش بكى..
بالوقت الحالي..
و الأوضاع الراهنة..
مع وجود مواقع النت.." TKNE, ARCSPACE, ARCHISTUDENT,
M3MARE , 3AMARA , 4EASYWAY , 360TH"
و مع وجود الـ GOOGLE و الـ PDF و موقع الـ 4SHAREF
و مع وجود معيدين بالكلية..متل الاستاذ خلدون و الآنسة سيما و الإستاذ جواد و الآنسة رهام و
الإستاذ إياس و الدكتور احمد سكر
مع وجود طلاب السنة الخامسة يلي كفو اكتر من المعيدين احيانا.,,,,
بظن ما عاد في فرق بين اي طالب عمارة..
يعني الخلاصة..الحضور...نضافة الكرتونة...سنة اولى...الواسطة..
و احيانا..انك شب...
هدلول كلهم...اسباب التعاسة...في كلية العمارة...
بس احلى شي بالعمارة..انو مو بتوقف عند الرسم...و بتشمل الكتابة.ضمن فرع هام و هو الكتابة
النقيدة المعمارية..
و بتشمل الفلسقة.و علم النفس ..
مو لشي.بس هالبناء متوجه لخدمة الإنسان.فأكيد لازم نعرف كيفية محاكاة هالإنسان....و طريقة
تفكيره...
العمارة...هي ممكن تكون فن...
بس هي بنفس الوقت هندسة...
و انا عند هالنقطة...
لأنو الفنان التكشيلي او الرسام الواقعي...بيحسن يعنل لوحته متل ما بده..
بينما المعمار..في قيود و ضرابت..و امور لازم ياخدها بعين الإعتبار..
العمارة...هي علمة ذهبية..على وجهها الأول...فن...و الوجه الآخر..هندسة..
الإنسان عملة ذهبية...بوجهه الأول عقل " المقابل الموضوعي للهندسة" و الوجه الآخر قلب " المقابل
الموضوعي للفن"
هلأ أنا حتى لو طلعلي" رغم انو مستحيل "...طب كنت لفوت عمارة...
و كل انسان عنده القدره..يكون معمار...
انا كنت مفكر...انو المعمار ببلش من لمن بيدخل دورة العمارة...و بيصير كل يوم يتعلم شي
جديد.....بس بعدين..
و بقناعة تامة...لقيت انو....
الإنسان المعمار... لا يصبح معمارياً..
بل يولد كذلك...
"يلي حكيته..هو عبارة عن مشاكل...الكل...رغم اني حكيت بطريقة فردية...بس هي مشاكل كل
شخص في جامعة دمشق...
تم تثبيت الموضوع..."
برنامج الدورة الثالثة لكلية العمارة -دمشق
شو بتعنيلك العمارة..حكيلنا شوي.. ندمان على الفرع اللي انت فيه و لا لا
