الساحة الصيفية...سنة تانية صيدلة

مشاركة : 553

فتاة المستقبل

جامعـي نشـيط

مسجل منذ: 06-02-2010
عدد المشاركات: 115
تقييمات العضو: 1
المتابعون: 2

غير موجود
اشــترك بالتحديثات
رسالة مستعجلة

رد مشاركة : الساحة الصيفية...سنة تانية صيدلة

02-09-2010 02:23 PM

السلام عليكم و رحمة الله...

اليوم كانت حلقة رحلة للسعادة عن موضوع بيأثر فيني كتير ويمكن أملي بهدنيي بستمده منو؛وكلنا بحاجتو:الدعاء
أنا مارح أحكي الحلقة بس رح بلغكم الخلاصة وذكركم أنو أروع شي منحنا ياه رب العالمين هو كلمة يارب.
الخلاصة رح أذكرها بقصة حدثت معي شخصياً وكانت مفصل بحياتي؛واللي شجعني أحكيها تأكيد الدكتور عمرو على أنو كلنا دعينا دعوة كبيرة بحياتنا و رب العلمين أجابنا وهالشي بيعطي الأمل بكرم رب العالمين.
أنا كان حلمي بالبكالوريا أني جمع مجموع الطب و أدرس صيدلة؛ومن أول يوم (بالدورة الصيفية) بديت دراسة وبذلت كل مابوسعي لدرجة أدهشت اللي حواليي
لأني حتى حرمت حالي روحات وجيات مع أهلي.
وبقيت طول فترة الدراسة أدعي أنو الله يكرمني وحقق حلمي؛و كان الي دعوة غريبة شوي(اللهم أرني عجائب قدرتك في هذا الامتحان)!!
ولما صار الامتحان قدمت العلوم وبفضل الله كنت كتير منيحة؛وووقت اجت دراسة الفيزيا فقت تاني يوم وبديت دراسة والحمد لله كانت أموري كتير منيحة؛ وفجأة وكنت هلأ لسا بدي أبدا بمراجعة الكهربا؛
انهرت وعصبت كتير و حسيت مخي اتسكر وكانو رفض أي معلومة ؛وكرهت الكتاب؛وبلشت قصة الله بيعلم اديش كانت صعبة عليي وعلى أهلي حتى أني تركت الكتب وحسيت حالي بس بدي ابكي
ومربطة اديي ....وحالة.....
المهم وبعد ما كان يوم الجمعة والفحص الأحد؛حكا أبي للإمام (ونحنا على معرفة فيه)وكان مهموم والدمع بعينو على حالتي؛فطلب الإمام يقابلني؛ رحت مع أمي وكان شكلي متل المرضى؛وباختصار حكيتلو
وقلتلو أني اتذكرت اليوم اني كنت عم أدعي هي الدعوة ؛فاستبشر وقلي أنت عملتي اللي عليكي الله بدو يريحك هاليومين ويأرجيكي عجائب قدرته ؛ابقي عم تدعي والتجئي لرب العالمين وإذا قدرتي تراجعي شي على راحتك.
وفعلا..بقيت ادعي وادعي..وقول يارب أنت عارف بتعبي بسنة ما يروح بيوم واحد؛ولما تحسنت شوي قريت كم مسألة وسكرت الكتاب ورحت مو مراجعة أكتر من 7أو8ساعات من الأربع أيام ؛
والله... حليت الورقة وكأني مراجعة كل شي ومارحلي غير علامتين "وماكان السبب عدم المراجعة" ؛والله كرمني وحققت حلمي ؛ولهلأ كل ما بتعب من هم وبحس بالإحباط بذكر يوم الفيزيا ووقفة رب العالمين معي..
ولهلأ بسمع انو ب2009 انضربو بالفيزيا وأنا ما دريت أنو انضربنا!!
كنت حابة بلغ حلقة اليوم وبطريقة مختلفة لأنو فعلا رب العالمين أراني عجائب قدرته؛وأنا ما عندي شك أنو كل واحد فينا عندو كتير مخاوف وأحلام ونحنا بالعشر الأخير.
يا جماعة بس إذا في سبب لازم ناخد فيه ولو ماكنت عاملة اللي عليي بالأصل كان رب العالمين ماعاني ولا نجاني.
شروط إجابة الدعاء:
1-الثقة واليقين بالإجابة 2- الخشوع و التذلل لله تعالى
3- عدم الاستعجال 4-أكل الحلال(تصدق قبل الدعاء)
آسفة إذا أطلت الكلام بس حبيت ذكّر و قلت القصة بتوصل الفكرة أكتر من مجرد النقل وخاصة أنو كلنا عشنا تجربة فحص البكالوريا وخاصة الفيزيا.
والسلام عليكم ورحمة الله.

« عرض آخر مواضيع العضو »

"إذا أراد الله أمراً سلب من ذوي العقول عقولهم"
"ومن يتوكل على الله فهو حسبه"

أنت غير مسجل لدينا.. يمكنك التسجيل الآن.