السلام عليكم ورحمة الله وبركاته
==================


كيف الصيادلة اليوم؟؟


الحمد لله خف الشوب شوي

اقتباس

إنشالله بس المشكلة أنه كلكم مكتئبين و.......كأني رح اكتئب معكم....... 
ممكن لو سمحتو تتفاءلووووووو اااااااا ولا تنسو الله بيعين

أول شي أهلا وسهلا مريم...

عنجد بكير عالتشاؤم....لسا السنة مابلشت

وإن شاء الله منفوت عالسنة التانية بهمة عالية

ويلي بقيان عليه مواد إن شاء الله بقدمهن وبينجح بعلامات عالية



حسان   شو شايفك بلشت نق!! ......


شو المشكلة إذا الدكتورة سوسن بدها تبلش من أول محاضرة؟؟ هيك الأصل!!

قالولي أنو الدكتورة فهمانة وممتازة....


يلا....... خلينا حاطين ببالنا أنو رايحين نتعلم

لازم نتفائل لأنو أخيرا حناخد مواد متعلقة بفرعنا

عفكرة....يمكن نحنا كنا منحوسين بالفصل التاني بالمقارنة مع الدفعة يلي قبلنا....

بس إن شاء الله منبلش منيح هالسنة ومنحاول نتعلم من أخطاء السنة الأولى


==================

Black Angel أو هبة

شكرا لك على مواضيعك المميزة....ماشاء الله فايتة بقوة عالمنتدى 

بس شوي شوي علينا ...حتى نلحق نقرأ

اقتباس

بتريدو اللي بيذكر شي مهم بالفيزيولوجيا بأي شي بيتعلق بافحص تذكروني لأنو رفيقتي عندها امادة بعد كم يوم وترفيعها موقف على هالدورة

متل ماحكينا من قبل.......أهم شي الهضم والتغذية والاضافات.....والعصبية كمان إن شاء الله مو صعبة إذا تذكرت أسئلة إن شاء الله بكتبهم...

=====================

أنا بكرة إن شاء الله حأنزل عالجامعة.....إذا في أي شي جديد بخبركم


عذرا عالإطالة.....

والسلام عليكم

   

===========

بالنسبة لموضوع علمتني الحياة فقد تم نقله إلى ساحة (ولكم في رسـول الله أسـوة حسنة) بالمنتديات العامة....لمن أراد أن يشارك

مية أهلا وسهلا يا مريم والله عجبتيني لما طلبتي أنو نتفائل أساسا أنا ماني فهمانة ليش التشاؤم 


بعدين على راسي يا      M.E.H        لح هدي بالي شوي بس أنا لأنو مو دايما بقدر أفتح النت فعم أستغل الوقت هلأ لأنو أنا هلأ قاعدة ببيت أهلي بالقامشلي بس لما أجي عالشام مشان الجامعة بقعد ببيت جدي وهنيك حاليا صعب شغل النت بس انشاء الله بظبطها     

عفكرة اياد أنا اليوم ضفت موضوع جديد هو مقالات علمية   بس خلص وعد ما ضيف مواضيع جديدة  من هون لأسبوع   لح أكتفي ببعض المشاركات 
وبشكرك لإطلاعك على مواضيعي وانشاء الله تكون مفيدة


                                                 

السلام عليكم

اقتباس

بس خلص وعد ما ضيف مواضيع جديدة  من هون لأسبوع

الله يسامحك مو هيك القصد!!...   

خدي راحتك مافي مشكلة..

اقتباس

صعب شغل النت بس انشاء الله بظبطها

إن شاء الله بتظبط...

=======================

بالنسبة للمقال...إن شاء الله خيرها بغيرها......المهم أنو في نية تحسين صورة الصيادلة بالمجتمع

=======================

والله كمان شغلة المسلسلات ......شي بيقرف.....

بس في مسلسل واحد عجبني وشفت كم حلقة منه..

القعقاع بن عمرو التميمي

مسلسل متعوب عليه إخراجيا ومافيه شغلات مدحوشة دحش...!!!

والمهم أنو مفيد وموثق وأنو الدكتور القرضاوي اطلع على النص...

=======================

عندي اقتراح....حبلش فيه من حالي...

شو رأيكم نراجع كم شغلة هامة.....تضامنا مع يلي حاملين مواد....

يعني مثلا أهم شي يمكن الفيزيولوجيا والعضوية 1....


شو رأيكم نحط اسئلة نتذكر شوي معلوماتنا....أو نساعد يلي حامل المادة وعندو أسئلة بأي مادة


والله أنا حاطط ببالي راجع شوية عضوية وشوية فيزيولوجيا كمان.....يمكن مشكلة مواد الأتمتة أنو الواحد بينسى بسرعة!!

صباح الخير

اقتباس

شو رأيكم نراجع كم شغلة هامة.....تضامنا مع يلي حاملين مواد....

اي والله ياريت وشكرا سلف

اقتباس

أهم شي يمكن الفيزيولوجيا والعضوية 1....

اي هدول اهم شي لاني حاملتن

اقتباس

القعقاع بن عمرو التميمي

مسلسل متعوب عليه إخراجيا ومافيه شغلات مدحوشة دحش

معك حق المسلسل حلو مع اني عم ادرس بس لازم رفه عن حالي شوي وشوف كم مسلسل



سلام

صباح الخير

اقتباس

و لو سمحت حسان إذا  بتعرف متى بتنزل المعدلات ممكن تقلنا وشكرا

معدلات الكلية ...

ببداية العام الدراسي ...

بس يزن ساوا معدلات ورح يحطها بالمنتدى خلال هلأسبوع إن شاء الله

وهي خبرية exclusive

اقتباس

وبهي السنة (الأولى) هل يوجد ترتيب للأوائل

أي ...

بس بكل الكليات بحطو صور للعشرة الأوائل ... إلا عنا بيكتبو الاسم مع المعدل

وقلي المصدر أنو في ترتيب لكل العالم الناجحين مو بس للعشرة الأوائل

أما اللي حاملين مواد "مشان هيك كنت عمنق " ما في ألهم ترتيب بنوب

اقتباس

وفي شغلة..إذا بتريدو اللي بيذكر شي مهم بالفيزيولوجيا بأي شي بيتعلق بافحص تذكروني

في موضوع جديد بساحة السنة الأولى عن الفيزيو ... شوفي إذا في شي بيفيدك

اقتباس

شو شايفك بلشت نق!!

   

اقتباس

أنا اليوم ضفت موضوع جديد هو مقالات علمية

بيجوز يحذفوه...

لا تزعلي وتنحبطي  ... بدك تتعودي

أنا حذفولي شي 3 مواضيع لهلأ

اقتباس

إنشالله بس المشكلة أنه كلكم مكتئبين و.......كأني رح اكتئب معكم....... 

لا مالي مكتأب ...

وهي ابتسامة صباحية

اقتباس

يعني مثلا أهم شي يمكن الفيزيولوجيا والعضوية 1....

يمكن العضوية ما رح نستفيد منها

هيك قلي نجّوم ...

بس الفيزيو ممكن مشان الثقافة (العامة )

اقتباس

هيّ عملت بالعكس ... دورة 2007 هي اللي جابتا 

انا قال ما درستا لانو قالو انو هي السنة اجت دكتورة غيرا وأكيد ما حتجيب أسئلة دكتورة تانية وبالأصل عندا دورات كان فيا تجيب منن ... يعني قال شغلت عقلي 

لالالالالالا
يلي كانت معنا هي دورة الـ 2007 فصل أول
وهي الدورة كانت للحملة والدكتورة ابتسام يلي حطتها بس دورة الفصل التاني مو هية يلي حطتها
يعني كان لازم تدرسيها
لولا هيدي الدورة ما كنت نجحت بالنبات نجاح خارق حارق متفجر
وأخدت 60ههههه

السلام عليكم ورحمة الله وبركاته

شكرا هبة عالمواضيع اللي كتبتيا وخاصة "سوق الحياة" للاسف صار هاد الشي العادي والطبيعي بحياتنا!!!

مشان المقال فعسى ان تكرهوا شيئا وهو خير لكم
شو رأيكن نجرب نزلو بشي جريدة؟
مابعرف اذا بيوافقو بس منحاول

وان شاء الله اكيد لازم نتعاون واذا حدا عندو سؤال يحطو لنتشارك بالاجابة

بتذكر بالفيزيو جابت الدكتورة من الرسمة بصفحة 145 شي عن العامل 8(VIII)
بقى لازم تركزو عكل شي حتى اللي موجود غير بالرسمات

وبالنسبة للعضوية-1 اجا اكتر من نص الاسئلة من دورة السنة الماضية

موفقين وان شاء الله كل واحد عندو مادة بيرفعا

عفوا ديمة ولو شغلتي أنا عبي المنتديات كلها مواضيع
بس يلا كلها كم يوم وبرجع عالشام وبصير بفوت بالشهر مرة وما بعود  بزعجكن

لأ عم أمزح أكيد مانكن مزعوجين مني بس عم أتسائل لحالي

بالنسبة للعضوية متل ما انكتب دورة 2007 وبشكل عام احفظو القواعد العامة
يعني غول ثانوي + حمض (مثلا) ينتج.........بعرف بس مابدي ضيع وقت 
وفي كتير هيك قواعد بالمحاضرات الأخيرة تبع الأمينات وهيك قصص هي لحالها (القواعد)بتضمن نص النجاح والنص الثاني من الوسائط
بس الفيزيولوجيا فهي بدها دقة بس أهم شي الهضم والدموالتغذية
وبشكل عام أي مادة بيقولو أنو بتتكرر تلات أرباع الأسئلة انشاء الله
وعنو خير

اقتباس

لأ عم أمزح أكيد مانكن مزعوجين مني بس عم أتسائل لحالي

مين قلك أنو مو مزعوجين منك؟؟


يلا شدو الهمة
لازم ترفعو كل المواد بإذن الله

اقتباس

بس يزن ساوا معدلات ورح يحطها بالمنتدى خلال هلأسبوع إن شاء الله 

وهي خبرية exclusive

والله شكلو يزن ما بدو ينزل المعدلات بالمرة
أنتو مو كتير تستعجلو عليها
لأنا بتهز البدن
كل ما يشوفا حدا بينقرق وبيكتئب وبينتزع نهارو