هاي شباب وصبايا
أنا عضوة جديدة بالمنتدى
انشا الله بس نبلش دوام سنة 2 منحكي بالمواد بشكل رسمي
أنا كتير اشتقت للجامعة مع انو الصيف حلو بس الجامعة غير
يلي حامل مواد (مثلي) يشد الهمة ويدرس و يستغل الدورة الأستثنائية حتى يبدأ سنة جديدة بكل المقاييس
بالتوفيق شباب

يا جماعة مشان الله قولولي شو ساوي حاملة ثقافة وفيزيا  ومالي خلق للدراسة

خايفة من الثقافة و حاسستها صعبة

بالفيزيا قالولي أنو بيعيد نفس الاسئلة وقالولي أحفظ أجوبة المسائل متل ما هن شو رأيكن  

سااااااااااعدوني بالثقافة عمفكر ادرس 4 دروس بتركيز وبس

صباااااااااااح الخير

بعد شي ساعتين بكون صرلي 24 ساعة مالي نايم

نصيحة مفاجئة :

حافظو على رفقاتكم الحقيقين قد ما بتقدرو ....

وبعدو عن هدولة اللي بوشين قد ما بتقدرو .... 

..........

أهلا وسهلا بالملاك الأسود...

هلأ بالزور مفتحين عيوزني وما فهمت شو كاتبة ..

بكرة .... عفوا قصدي المسا انشالله بنحكيي

تصبحو على خييييييييييييييييييير

وشكرا كتير يزون ووجدي ... والله رجعتولي شبابي المفقود

سلام

مرحبـــن

هبة ....

مشان الفيزيا مشي الحال بعتقد

ومشان الثقافة ...... ما بدي أظلمو للدكتور ... وما بدي أظلم اللي نجحو لأنو أكيد بيستاهلو النجاح

بس ........

خليني ساكت أحسنلي

بس أنا بدي أطلب خدمة إنسانية متل العادة 

حدا بيقدر يعطيني أي أي معلومة عن الفيزيو والمدخل والنبات

هلأ اللي بتذكرو أنو بالفيزيو جابت إضافات كتير وجابت من بحث الدم كتير

وبالمدخل الدكتور مازن جاب كتير من المحاضرة الخامسة

والنبات مو متذكر منها شي   ... مع أنو الأسى ما بينتسى ... بس قدرت أنساها

إذا بتعرفو شي تاني يا ريت تخبروني ...

السلام عليكم ورحمة الله وبركاته


كيف الصيام معكم؟

والله اليوم كأنه أقل حرارة من اليومين الماضيين....

وقالو أنو المنخفض الموسمي الهندي حيزول قريبا

اقتباس

والله أنا كنت متمنية إنو تكون معدلات الـ 2009 متل معدلات الـ 2008 .............. بس يلا كلو خير

   

شو مابدك حدا يفوت عالكلية!!!!!!

   

الصيدلة 234  .....

===============


Black Angel..

اقتباس

يا جماعة مشان الله قولولي شو ساوي حاملة ثقافة وفيزيا ومالي خلق للدراسة

خايفة من الثقافة و حاسستها صعبة

بالفيزيا قالولي أنو بيعيد نفس الاسئلة وقالولي أحفظ أجوبة المسائل متل ما هن شو رأيكن

سااااااااااعدوني بالثقافة عمفكر ادرس 4 دروس بتركيز وبس

والله الفيزياء مو صعبة ......ومابتوقع الدكتور يغير الأسئلة...بس يعني بدها دراسة ولاتنسي أهم شي الرنين والمسائل جابها بأرقامها...بس انتبهي أنو أحيانا كل الخيارات خطأ!!!

أما الثقافة....فادرسيها كلها لأنه الدكتور مو مضمون...

أنا بالفحص درست 3 دروس منيح على أساس هامين ....والباقي اطلاع قلت لحالي بكتب عندي...

بس آخر شي ما أجى شي من هالـ3 دروس!!!!! .....

بتذكر كتيت منيح وقتها....مابعرف ليش حط 70  .......


عكل حال....موفقة بالفحص وأهلا  بك بالمنتدى

=======================

اقتباس

حدا بيقدر يعطيني أي أي معلومة عن الفيزيو والمدخل والنبات

الفيزولوجيا:
تركيز كبير عالاضافات...يعني ( اضافات + هضم + تغذية = نجاح) ...بإذن الله...
والعصبية مو كتير صعبة
بس انتبه عالمصطلحات الانكليزي

أما المدخل:
....فأسئلة الدكتور مازن دقيقة جدا جدا جدا...
يعني لازم نحفظ مابين السطور .....

أما النبات:
والله هي مأساة....ماني متذكر منها غير أنو بتجيب كتير مصطلحات انكليزي...وأسماء نباتات ضمن أي شعبة أو فصيلة...
وبتجيب رسمة حلقة كريبس والرسمة تبع تكاثر نبات المدري شو؟!؟!؟!؟!؟!؟
وبتهتم بالعلاقات المائية....

باختصار:
الله يعين يلي حامل هالمادة  .............والله يعين يلي حامل مواد بشكل عام


يلا إن شاء الله الكل بيرفع علاماته منيح

شكرا إياد على الأنفورماشن

بس بظن انو الدكتور مازن ما رح يصعب الأسئلة ...

لأنو هوة قال أنو هي الأسئلة أصعب أسئلة بحطها بحياتو!!!

وبصراحة بصراحة

إحساسي عميقلي أنو ما بدو يجيب مفتاح ... والله أعلم

ومشان الفيزيا أكيد بدو يجيب دورات ما بدها تفكير القصة...

بدكم ياه يعذب حالو ويكتب اسئلة جديدة!!!!!!!!!!

السلام عليكم ورحمة الله وبركاته

اقتباس

قال رد عليه مدري الكاتب مدري المخرج والله ما عد اتذكر اخد علي الصيام قلو هذا الشي صاير مع اقرب الناس الي وذكرلو اسماء وقلو قبل ما تحكم على المسلسل شوفوه للأخير وشوف النتيجة وبعدين حكوم عليه

صح سمعت انو المخرج رد عليه
وقال  هو مسلم ومعتز باسلامه!!!!!
اصلا شلون برد عالاستاذ البوطي ما بعرف!!!!

اقتباس

بس فهمت أنو البوطي حاسس أنو الله سبحانه وتعالى بدو يغضب علينا من ورا هاد المسلسل (ابتسامة مبحلقة)

!!!!!!!!مابعرف انا ما سمعت هيك شي

اقتباس

بجيب شفرة وبيجرح حالو 

اي وقت شفت البنت عم تعمل هيك كنت رح جن!!!!

اقتباس

الغاية مو نقل الواقع انا تشويه صورة  الاسلام....

اكيد ما بنكر وجود هيك حالات بالواقع بس مو لهل الدرجة

المشكلة انو ما اختلفنا يمكن في هيك حالات بس كمان بنفس الوقت في ناس ماشيين صح وبدون تطرف او "امراض نفسية"
فليش ما عم يعتمدو مبدأ المقارنة؟
يحطو ناس غلط وناس صح لانو هيك ما عم يعملو "توعية" ولا عرض "لواقع الشعب السوري" وانما فعلا تشويه للاسلام

اقتباس

عنجد هيك مسلسل ما بينشاف لا برمضان ولا بغيرو...كله بث لأفكار و آراء ...

  ===================
مسلسل ما وراء الشمس شفت منو كم لقطة بس عنجد مبين حلو
وبسام كوسا فعلا كان رائع

اقتباس

نا كتير اشتقت للجامعة مع انو الصيف حلو بس الجامعة غير

اقتباس

بعد شي ساعتين بكون صرلي 24 ساعة مالي نايم

مرة جربتا قام تاني يوم نمت نص النهار

اهلين فيكblack angel بالمنتدى

موفقين ان شاء الله بالدورة

اقتباس

بالفيزيا قالولي أنو بيعيد نفس الاسئلة وقالولي أحفظ أجوبة المسائل متل ما هن شو رأيكن

برأي احفظي أجوبة المسائل بس .... لا تستبعدي أنه يغير شي رقم يعني ممكن من 12مسألة يغير رقمين لمسألتين لأنه هيك عمل معنا بدل رقم واحد بدل 65 وضعه 75
بس لا تخافي إن شاالله ولا تنسي تتدرسي الدورة الماضية بالنسبة للفيزيا
أما النبات ادرسي أسئلة الدورات وركزي فيها ولا تقولي إذا شغلة مو مكتوبة بالكتاب ما بتجي لأنه بالامتحان خوتتني بأسئلة مو موجودة لقيتها بالدورات
إن شاالله بالتوفيق

سؤال فني

في تسجيل ...

ولا مين ما بدو بيفوت بيعمل فحص وبيطلع ... !!!

يعني شو هلفحص العجبة ...

وكمان بالنسبة للموازي بدهم يدفعو لهاد الفحص ولا ما بيدفعو شي؟؟؟؟