مسا الخير جميعا...
   
اليوم حابب اطرح موضوع يمكن يستغربو البعض...
 

بس انا متأكد انو بنفس كل واحد منا في شخصية كرتونية الها الكتير بنفسو ...و محببة...
   
و يمكن حتى بعتبرها ممثل شخصي عنو!
 

يا ترى شو اكتر شخصية كرتونية بتحبها..؟؟
و شو اكتر تلات شخصيات بتحب تباعها؟؟
و ليش؟؟
   

 
تحيـــــ BOUVARDIA ــــاتي
   

...مسا الخير

عنجد الموضوع حلو ..... اليوم الشخصيات الكرتونية كلها شخصيات غريبة ... والقيم الي عم تنشرها قيم عجيبة

أما بايام زمان كانت الشخصيات الكرتونية بتهدف لنشر قيم ... للتعليم ..و تقديم عبر وحكم وفوائد

أنا كنت حب جودي أبت ... بالمسلسل (صاحب الظل الطويل)

..... وأكثر 3 شخصيات بحب تابعها .....

... فلونة .....يا الله شوكنت حبها لأن كانت تعلم حب الحياة مع الطبيعة

....سالي ..... كانت بتعلم الصبر ...... والمسامحة وحب الاخرين

....بيرين ........ لأن تعلمت منها حكمة أنو كل شخص قادر على الاستمرار في دروب هذه الحياة لما يتسلح بالصبر والأمل والحب ...وان الابتسامة هي طريق الوصول لكل الناس .... ولابد لنا يوما أن نصل ونحقق غاياتنا

.............شكرا للموضوع   

مرحبا صديقتي

شو هاللموضوع الحلو من وين لاطشتيه     


بحب شخصية ريمي بس أكيد ما بتمنى كون ريمي
بحبها لاني بحسها قصة واقعية

وبحب شخصية  كونان لأني بحسو ذكي

أم أكثر شخصية بحبها وبحسها متلي لسه ما أخترعوها   

عم راسل هوليود مشان امرها


بكل احترام تقبلي مروري

زميلتي العزيزة

ريتا والبندقية..

بتشكرك ع المشاركة..

يالله شو حلو هالكرتون...بس ماشفت الحلقة الأخيرة ...ومين هو صاحب الظل الطويل..

تقبلي تحياتي
   
BOUVARDIA

STAR LOVER

من وين لاطشتو..!!
   
من المنتدى السري..

 

اقتباس

أم أكثر شخصية بحبها وبحسها متلي لسه ما أخترعوها   
عم راسل هوليود مشان امرها

اممم...سيدي بس يخترعوها خبرنا..بس لاتكون متلك..
     
عم بمزح..

بتشكرك ع المشاركة..


تحيـــ BOUVARDIA ـــاتي

شو هل الموضوع  هاد

من زمان كانت افلام كرون خرج يتفرج عليها الطفل  بس هلاء هي يلي عم
تفسدو وتعلمو يلي ناقصو وتعلمو العنف وكتير شغلات

شخصيات يلي كنت تابعا بسيط  سبا ق الكبير ابطال الروضة الخضراء طمطوم  بحب شخصية سرعوف  لانو بيشبه رفيقي نشالله ما يفوت لهون
كابتن رابح  ورفيقنا جوليان الله يذكرو بالخير
star lover
لهون لاحقا خلي الطابق مستور

شكرا على طرح الموضع اللطيف بانتظار المزيد

والله زمان..
شو كنت حب أفلام كرتون؟؟!!

كتار كتير يللي بحبهون, أصلاً ما كنت أتزحزح من ناح التلفزيون أبداً..
على كل حال كنت حب لميس يللي بالرجل الحديدي.
.
وجونكر كان حلو وما عاد رجعو حطو أبداً أبداً
.
وجورجي.. قصتها مأساة حقيقية...  
.
والسيدة ملعقة, لأنو هاد كان اسمي بالإبتدائي..
.
.
بس أكتر شي كنت تابعو وعمدور عليه هلأ كتير منشان ولادي هو مسلسل نيلز... الولد يللي بيعذب الحيوانات كتير بعدين بيتقلص حجمو وبيسافر مع سرب البط, وبتصير معو قصص وحكايا .. حلو كتير.
على فكرة أخي مسافر بالسويد وفاجأني بمعلومة حلوة: قال بالسويد نيلز يعتبر رمز من رموز البلد وصورتو على إحدى العملات هنيك..

تخيلو عنّا نحط عالليرة صورة ملسون أو نعمان      

شكرا ميمي
انا كنت ومازلت بحب عدنان ولينا وشخصية عدنان كنت موت عليه
وبحب ليدي ليدي بحب شخصية سارة ولين
وسوار العسل كنت كتييييييييييييير ابكي عليه
وبحب بيكاتشو  البوكيمون
وبحب ابطال الروضة الخضراء وخصوصا الاميرة
وبحب 0000000000000000  

محمد بربر

.
     
اي والله يامحمد...كان حكيتلو من زمان..


louna

اقتباس

والسيدة ملعقة, لأنو هاد كان اسمي بالإبتدائي

يا ..شو حلو هالكرتون..
 

Alleen

اقتباس

وبحب ابطال الروضة الخضراء وخصوصا الاميرة

منيح بتحبي الأميرة..أحسن من محمد بربر..قال بيحب "سرعوف"
   


 
تحيــــ BOUVARDIA ــــــاتي

عنجد موضوع ظريف
انا بصراحة اكتر شي كنت حبوا ولهلق برنامج سلام دانك وخاصة البطل المغوار حسان
يلي ما بيأس وبيتعب على حالو وبضحك