[size=3]أنا ما رح أحبط حدا بس أنا بتمنى نعترض ع الدكاترة بحد ذاتهم و ع الموظفين بالامتحانات يلي لازم ينتبهوا لهالشغلة ...مو شغلتن هي ..
و دخلك ما بيعرفوا هالمادة كم نموذج فيها؟؟؟ و لا ليش بياخدوا أو راق الأسئلة مو لازم ما يبتدي التصحيح لتكون النماذج كلها جاهزة ...ولا الشغل ربي يسر .من قفا الإيد..

ع كل حال غلطة الطالب بكفرة و غلطتهن بدها عريضة و معاملات و طوابع و 500 و وجع قلب و انتظار و يا بفائدة يا بلا فائدة..

يا ريت الطالب بس يغش أو يتأخر عن شي عملي أو يسحب أوراق امتحان بدو ليتحاسب طوابع و عريضة و 500 و مشاورات مجلس الجامعة ..........الخ                                                                                          بالله هيك مو عدل؟؟؟

السلام عليكم

أخي أنتو الطلاب كل الحق عليكم

يعني وين المشكلة

خود علامة قليلة

أو حميل المادة

شو صار

بعدين هالموظف المسكين الله يعطيه العافية بعزب حالو معك بدك ياه يدور كل ورقة يمسكها لأي نموذج تابعة

كل الشغل ماشي على رب يسر

""كل الحكي مزح طبعاً""

اليوم قدمنا عريضة جماعية على الإحصاء وأخذناها عند د.عامر زمريق

وهو وعدنا أنو يشتغل فيها وقللي أنو مر بكرا لعندو لحتى يقللي شو صار معو؟

السلام عليكم :
proteus_vulgaris

والله حلال عليك ............
أنا برأيي حتى لو كنتوا 5 طلاب ضل ماشي بالقصة وأنا فهمت من كلام الدكتور عامر اليوم انو الطلاب لازم يضلوا عم يجوا على الكلية ويتابعوا الموضو ع.........
يعني بالمشرمحي الدكتور عامر بينبسط إذا ضلينا رايحين جايين لعنده .......فيك تقول نحنا يوميا رايحين جايين .........
والحمد لله اتأكدنا انو المادة انعاد تصحيحها بس اللي باقي اجراءات بسيطة مشان هيك اليوم ما رحنا ع رئاسة الجامعة ..........وحتى لو طلع هادا الكلام مو صحيح تاني يوم منكون برئاسة الجامعة...........
الصيف طويل ومنقدر نفرغ وقت للموضوع....بكل بساطة نحنا ما منمل............

متل ما قلتلك أهم شي تضل متابع الموضوع حتى لو ضليت لحالك ........
بالتوفيق إن شاء الله


والسلام
       

شكرا فارما على التشجيع

اليوم رحت عند الدكتور عامر زمريق

وقللي أنو بلش بالقصة وطالعلي النموذجين، وقال أنو الفروق بينهم ما كتير

بس يمكن نسي أنو 4 أسئلة بتروحلها عشر علامات وأكثر

على كل حال قال أنو بدو يستدعي دكتور المادة


رجاءً تابعوا القصة أنتو كمان .....

المشكلة مو بس بالاحصاء المشكلة بكل المواد انا بالجراثيم متأكدة الف بالمية انو طايرلي 10 علامات وحملتها 57 ولما حكينا بالموضوع مع الادارة شو صار ياحزركن قالولنا......سوء تقدير من الطالب لعلماتو............وهيك ماشي كلشي عنا بالكلية مشان هيك مافي حدا بينظر بالموضوع وهلأ الكل عندون عطلة صيفية ومو فاضيلنا
عوضنا على الله

السلام عليكم
الله يجزيك الخير proteus و أنا معك بهالقصة لآخر لحظة...
و ياريت تخبرنا شو بصير معك أول بأول و إذا بدك أي مساعدة نحنا جاهزين...

يا جماعة لا تبرد همتكم.......
بكرة وقت تفرق معكم ربع علامة بالمعدل  بتقولوا ياريتنا اشتغلنا بالقصة و وقتها ما بينفع الندم................

يا شباب ...أنا ماني فاضي كل يوم روح وإجي

فرجاءً حدا يروح كمان عند الدكتور عامر ولو مرة وحدة

يعني اليوم مريت عالجامعة خصوصي منشان الإحصاء وما لقيت الدكتور

وصرلي شي أسبوع رايح جاية ..

ولهلأ ما بلشت ملازمة متل العالم والخلق

السلام عليكم

بس حابة خبركم إنو أنا و كم وحدة من رفآتي نازلين الأحد إن شاء الله عالجامعة مشان الإحصاء بين ال12 و 1 ..
فيارت أنتو كمان تنزلوا مشان يكون العدد أكبر...
و لو إنو الموضوع يمكن ما يطلع منو شي بس معلش خلينا ننزل مشان ما يفكرونا إنو منسكت عن حقنا...