السلام عليكم

بس لو سمحتو مشان مسابقة بكرا إن شاء الله...

أول شي ... مشان اقتراح أنو تبعتولي الأسئلة وبصير بطرحها تباعاً حتى ما يصير خربطة بالفرق ... ما الكل موافقين

فما مشكلة ... بس بالمقابل في شرط جديد 

السؤال مدته حتكون 5 دقائق فقط ... إذا مرق الوقت فمننتقل لسؤال جديد "هالشي بناءً على طلب بعض المشاركين" ... وتقريباً هالمدة ما في قابلية لتغييرها لأنو قالولي إنها الأنسب

السؤال الضائع حيكون محسوب عالفريق ... بس أكيد بهالحالة الأسئلة لازم تكون خفيفة وما يكون بدها بحث كتير

تاني شي ... مشان المتسابقين ... صاير في مشكلة شوي بالعدد وما في تكافؤ بين الفريقين من هالناحية

فإذا في حدا بيحب يشاركنا فأهلاً وسهلاً فيه 

تالت شي ... اقترحو علي اليوم أنو الوقت نساويه عالـ8 مساءً ... ممكن نخليه بس بكرا كإستثناء وممكن نكمل عهالأساس

فمبدئياً إذا حدا عندو مشكلة بهالشغلات يقلنا

رابع شي ... حشوف رأيكم بالاقتراح اللي انقال قبل "إذا كانت هالشغلة سهلة عالكل" ... في مجال كل فريق ياخد لون يكتب في مشان المتابعين ما يضيعو؟

***

وإن شاء الله بتكون الحلقة التالتة حلوة ومفيدة ... 

السلام عليكم

مشان التلوين فما في مشكلة إن شاء الله مثل ما قلت فريقنا رح ياخد اللون الأزرق الغامق...

مشان الوقت أنا مع نبكره لل8.... خصوصي بكرة... هو يمكن ما احسن فوت... ما بعرف شو بصير معي... بس تحسبا يعني.. هيك أحسن...

وشكرا كثير أسيل.. عم نعزبك معنا والله...

ورجاء من الفريق التاني... حطوا أسئلتكم من هلأ....

مساء الخير

وأنا عم أتصفح النت لفت نظري هالموقع

http://www.webmd.com

موقع كتير حلو بتلاقي فيه كل شي معلومات طبية ومعروضة بطريقة حلوة ومبسطة

شوفوا وعطونا رأيكم  

السلام عليكم:

شكرا سويت لايف عنجد حلوة طريقتو بالشرح

ــــــــــــــــــــــــــــــــــــــــ

مشان المسابقة بكرا ...  للأسف ما رح أقدر فوت

شو رأيكم نأجلها للأسبوع الجاية لأنو ما ضل من الفريق الثاني

غير مها و بريليانت ؟؟ 

ما بعرف شوفو المناسب واعملوه

 

موفقين

هلأ اتبعوا قاعدة تحقيق النصاب يعني مثلاً 3 بكل فريق بيكفي

بصراحة أنا ما بقى فيني كون بالمسابقة قبل الساعة 9:45 أو 10


ومتل ما قلتلكم إذا مكتمل النصاب بتكمل المسابقة وذنبنا على جنبنا "نحن المتأخرين"

شكلو مو مكتمل النصاب على هالحالة :(

يلا أنا جاهزة للي بتقرروه ... عكلن أنا غالباً كل يوم بفوت عالمنتدى .. رح كون اونلاين علأغلب على كل الأحوال (إذا الله أحيانا) وشوفو شو الله بيسر ..

بالتوفيق

اقتباس

وأديه حلوة انو الشخص إذا حفظ آية كل يوم بتاخد منو 17 سنة و7 شهور و9 أيام لحتى يحفظه كاملاً! . وانو هالشخص بيستحق ياخد مكانه بين الأشخاص ذوي العقول العجيبة عنجد هنيئاً لكم يا حفظة القرآن 

إلي تعليق لو سمحتو:

الكل يعلم قول رسول الله عليه الصلاة و السلام:

(أشراف أمتي حملة القرآن)

وليس "حفظة"

يعني نحنا بمجتمعنا منعطي مكانة عالية لحافظ القرآن و ليس لحامل القرآن!!!

أنا ما عم قلل من شأن حفظ القرآن، بالعكس انا من الناس اللي الله أكرمني بحفظه

بس ياترى شو مدى حفظه بالقلب و العمل به؟...

بصراحة حسيت إنو صار لازم نوعي اللي حولنا عن هالنقطة إنو ما يكون حفظ القرآن مجرد حفظ لساني لحتى فعلاً ينال المكانة الرفيعة اللي ربنا عطاه ياها...

نقطة تانية:

انا بشوف إنو حفظ كل يوم آية و بعدين بخلص مدري بكم سنة هو كلام مثالي

لإنو الواحد لبين ما يوصل بعد 17 سنة بكون نسي اللي انحفظوا باول كم سنة

يعني أنا اللي حفظتو بحوالي 8 شهور لما خلصت كنت لاقي صعوبة باستذكار اللي حفظتهم اول شي و لهلأ عم عاني من قصة النسيان اللي يعفو عنا...

الخلاصة:

حفظ القرآن الكريم  يحتاج إلى خطة واضحة للحفظ

ونصيحة من مجرب مشان ما تقعوا بغلطتي:

اللي بدو يحفظ القرآن لازم يلاقي صحبة صالحة يراجع معهم القرآن بشكل دوري لإنو إذا الواحد ما ضل متابع رح ينسى
صح إنو هلأ عم حاول اتدراك هالغلطة بس بضل بقول ياريت حدا نصحني هالنصيحة من قبل ....



*******************************************************

أسيل

انا موافقة على بياض على شروطك...

بس رجاء و طلب خاص من سلام و باقي الفريق الأول:

معلش نحنا نعتمد اللون الازرق الفاتح؟

هاللون بحبو كتير و بيعطيني شعور غريب



و كمان رجاء من الفريق التاني

استخدموا أي لون بدكم ياها عدا الأحمر و البرتقالي لإنو هاللونين بالكتابة بضربوا على اعصابي بشكل فظيع



معلش سامحوني على هيك طلب و بتمنى ما تعارضوا

السلام عليكم

نور الهداية

مشان النصيحة... إي والله مزبوطة 100%.... عنجد عم  عاني بشكل كبير من هالقصة  ... ويا رب مثل ما انحلت معك تنحل معي....

مشان اللون إن شاء الله ما منختلف... بس كان فكري الغامق أوضح بالقراءة... بس إذا معتمدين عليه فمو مشكلة.....

مشان النصاب والوقت....  طيب خلوا على حالوا ما بدنا نخسر معلومات حدا ..... وإن شاء الله يناسب الباقيين... مشان العدد ما حدا حابب يشارك معنا.... يعني هيك بصير تكافؤ أكبر وسد ثغرات....

سويت لايف- فارما87- xyz- بلاك توليب وغيرهم.. شاركونا إذا بتحبو بما لديكم....


       

السلام عليكم:
بصراحة أنا مالي مقتنع بالمسابقة لحتى شارك فيها.
بعتذر.
                                                                                     

السلام عليكم

لو سمحتو عندي سؤال بخصوص عملي التكنو (مع العلم أنو كل جلسة ما عم نطلع فهمانين كل شي )

اليوم بتجربة فحص تغير وزن الكبسولات المملوءة بمزيج عشوائي ... ما فهمت شو صار أبداً ... لأنو نحنا عبيناها يدوياً (مع عدم الاهتمام لموضوع الربت والكمية المنضافة ولوين نضيف) ... وكملنا باقي الاختبار عهالاساس وطلعنا النتائج (اللي قانونها غريب ... أنو إذا في عينتين طلعت النسبة بالأخير للتغير فوق الـ5% فالطبخة مرفوضة ... وغير هيك مقبولة حتى لو ظهرت قيمة كبيرة بس أقل من ضعف الـ5%)

طلع معنا قيم قليلة وقيمة عالية (9.8%) ... عهالأساس بتنجح الكبسولات بالاختبار 

بس مو هون المشكلة ... المشكلة أنو بالمعامل هالشغلات ما بتصير حسب ما قالت الدكتورة ... يعني الملئ بيتم عن طريق أجهزة معيرة عكمية معينة لكل كبسولة فيفترض هالاختبار ما الو معنى (مع أنو قالتلنا أنو بالمعامل بيتم هالإختبار لأنو ممكن تظهر مشاكل إحتكاك و....)

من هون ما عد فهمت ... وبالذات أنو كان اعتمادنا بالملئ على الحجم ... مع أنو أي اهتزاز بيغير الحجم وبيخلينا نزيد أو ننقص الكمية بدون ما ننتبه

فشو قصة هالاختبار ... وهو عملي وإلو تطبيقات ... ولا معنا حق أنو ما فهمنا شي؟   

مع الشكر الجزيل للي بيقدر يجاوب ...