السلام عليكم

ينتقدونك بشدة.... ثم يقلدونك وبدقّة....!!!

فشة خلق

ليش صايرة الناس ما عم تفهم بعضها!

شوي تانية وبصير معي انفصام شخصية لإنو الناس ما عم تفهم شخصيتي...

كرهت كلمة " عقلانية" من كتر ما عم اسمعها من الناس لوصفي

صرت حس من كلامهم إنو ما عندي مشاعر!

يا جماعة العقلانية مو يعني إلغاء للعاطفة

العقلانية توجيه للعاطفة واستخدامها بالشكل المناسب....

و برأي هاد الصح و الله يثبتني عليه...

وشكراً لأنكم سمعتوني بس عن جد هالقصة صارت عم تدايقني كتير

هو مدري كيف صايرة هالدنيا ...

فعلاً متل ما قلتي يلي بكون ماشي عالصراط وعندو مبادئ وقيم ومتمسك فيها ومانو هزلي وبحب المزح عالرايحة والجاية وانو يمرق القصص هيك كيف ما كان ... بقولو عنو حامل السلم بالعرض وانو معذب حاله وملبك يلي حواليه بطبعه الصعب و"عقلانيته" الزايدة ....!

بس مو مضطر الواحد يتغير مشان حدا .. خلص يعيش بالطريقة يلي مقتنع انها صح .. والأهم راحة البال والضمير

*********************************************************

يا جماعة بتعرفو شخص بسموه صاحب الذاكرة التصويرية أو التخيلية أو الأعجوبة photographic or eidetic memory .. كيم بييك Kim Peek .. أو Megasavant رجل العلم الخارق أو idiot savant رجل العلم الأحمق!!؟

كنت عم بقرا عنو من شوي وكتير لفتلي انتباهي ... فظيييع .. مع انو معه مرض التوحد بس معجزة وآل معمول فيلم عنو اسمه Rain Man رجل المطر ... أنا ماني شايفته بس صار عندي فضول أعرف تفاصيل أكتر عن هالموضوع لأنو استفزني متل ما استفز الناسا :P لاستكشافه!!

"نور الهداية وphmab"

 


===================

فلم rain man شايفو

وبعرف أنو مقتبس من شخصية حقيقية

بس مالي قارئ عنو

ومرة شايف من زمان كتير برنامج عن هالأشخاص

أغلبهم بكونو متوحدين

بس عندهم ذاكرة عجيبة

متل واحد حافظ الروزنامة كلها على مدى مدري كم سنة

بس بتقلو مثلاً يوم 10/ 11/ 1995 ومباشرة بقلك كان يوم سبت (مثلاً) وكان مكتوب عالجملة عالروزنامة
                                       
وكمان مثلاً بيحفظ القاموس بكاملو
                               
ومع هيك
                                 
عملية حسابية بسيطة متل 1 + 1 ما بيعرف يساويها

السلام عليكم:

كمان أنا شايفة هاد الفيلم ... وبعد ما انعرض عملوا مقابلة مع الشخص يلي كان ممثلين قصتو وفعلاً عندو قدرات سبحان الخلاق .. ما بياخد شي إلا وبيعطي بدالو شي ثاني

بالفيلم ... بيكون هاد الشخص المتوحد معو كتاب دليل أرقام الولاية وقاعد عم يقرأ فيه ( طبعاً بس قراءة يعني كل اسم والرقم تبعو عم يقرؤه مرة وحدة) وبوصل مدري لأني حرف قبل ما أخوه ياخد الكتاب منو

بعدين بروح هو وأخوه على مطعم أو كافيه أو هيك شي

بتجي الجرسون ومكتوب اسمها ع البطاقة المعلقة على رقبتها

أول ما بشوفها الشخص المتوحد بقلها رقم تلفونها

الكل بيستغرب ..بعدين أخوه بيعرف انو قرأ اسمها بدليل الأرقام

بياخد الكتاب وبصير بيسألو

كل اسم كان واصل لعندو بقلو رقم تلفونو صح

سبحان الله

وهو فعلاً الشغلات البسيطة مابيعرف يحسبها أو يتعامل معها

بالضبط .. متل ما اتفضلتو وذكرتو هي القصة عن حفظ أرقام الولاية و9000 كتاب وقصة الفيلم كلها بتدور عن حياة هاد الشخص كيم بيك .. ولأنو ما بيقدر حتى يلبس لحاله أو يربط كرافته أو أو .. ومحصورة قدرته بالحفظ لما يقرا لأول مرة بدون ما يفهم شو عم يقرا .. ولهيك اتسمى هالاسمين المتناقضين idiot savat و megasavant .. بس متل ما قالت xyz

(((سبحان الخلاق .. ما بياخد شي إلا وبيعطي بدالو شي ثاني)))

*******************************************************

بس شغلة حلوة كتير قريتها ودليل كيف الغرب بقدر المسلمين يلي بحبو دينن وبقدموله ..

كانو عم يطرحو فكرة على موقع حلو اسمه hubpages المهم انو شو رأيكن بالذاكرة التخيلية أو الأعجوبة وهل الها وجود .. فمن ضمن الأشخاص يلي عندهن هي الذاكرة موجود مايلي:

The Islamic Hafiz

In the Islamic religion, anyone who memorizes the Quran is known as a “hafiz”, or guardian. If a person memorizes an ayah a day (ayah is the smallest unit of the Quran), it would take 17 years, 7 months and 9 days to memorize it completely. By my standards, anyone who is able to memorize the Quran, deserves a place in the prodigious minds wall.

وأديه حلوة انو الشخص إذا حفظ آية كل يوم بتاخد منو 17 سنة و7 شهور و9 أيام لحتى يحفظه كاملاً! . وانو هالشخص بيستحق ياخد مكانه بين الأشخاص ذوي العقول العجيبة

عنجد هنيئاً لكم يا حفظة القرآن .. :)

السلام عليكم: