انا من جهتي فتت الحقوق عن رغبه تامه يعني كان حلمي من لما كان عمري 5 سنين
والحمدلله قدرت حقق طموحي....

صح كنت متوقعه الكليه تكون غير هيك واسلوب الدراسه مختلف بس مع هيك انا مبسوطه اني قدرت امشي بطريق تحقيق حلمي....

انا كمان بكالوريتي كويتيه وكنت خايفه كتير انو ما تطلعلي بالمفاضله لانو بعادلو العلامات بس الحمدلله طلعتلي.....

مسا الخير
والله انا يا شباب جدا مستغرب من الردود  تقريبا الكل راضي  بفرعوا بكل اكثرمن هذ ا
الكل كانت هذه رغبته من البداية؟؟؟؟؟؟؟؟؟؟؟؟؟؟

السلام عليم :
بصراحة ولا مرة بحياتي المدرسية كلها تخيلت إني كون بهالاختصاص  . وكانت نتائج البكالوريا هي الفيصل الذي حدد لي هذا الفرع ، وحاليا أنا رضيانة عن هالفرع وحاببته .

وأنا مالي ندمانة عن أي شي عملتو بالبكالوريا ، وأنا واثقة أنو كل شي صار معي خير لي .


أعتقد أنا هناك أمور بهالفرع  عم أكتشفها  من جديد وهي لح تحققلي أمنياتي ، وأنا متأكدة أنو لح أكتشف أكتر وأكتر خلال السنوات القادمة .

لا تستغرب اخي فراس



يعني الحلم تبع الجامعة مانو صعب التحقيق....لذلك بتحس الكل دخل اللي بيتمناه



بس في عالم كتير ما دخلت اللي بتتمناه...او بيتمنوه اهلهم



يعني خود مثلا الطب.......الحلم السوري الاول للطالب والاهل


يعني انا كنت اتفرج عالفضائية السورية....وكل ما طلعو ولد او بنت عالتلفزيون.....بيسألوه شو بدك تطلع؟؟



دغري بيجاوب......تكتور(يعني دكتور بس الدال ما كتير بتظبط مع الصغار)



بقى يعني اللي بيقدر يتخلص من هالحلم المزعج بيكون حقق انجاز...وخاصة اذا عرف يوجه طموحي ومهارتو بالتفكير

مجد



....i am in  Q8  presently...  and it's miss you 2

هلا بعد البكلوريا ما بقدر احكم ع فرعي لاني ما شفت شي فيو بعد


يعني الايام جاية
واذ تعبت ع حالك من هلا بتلاقي واذ رح بيظل ندمان بعمرك ما رح تنبسط
كل  شي بوقتو حلو صحححححححححححححح
وبتمنى للجميع التوفيق شو ما كنتو عم تتدرسو بس
من وجهة نظري انا وبكل صراحة انا علامات البكلوريا هي لي اختارت الفرع
بس حاليا انا مبسوط كتير وخصوصي من دعم اهلي خوالي عمامي الي خوصوصا انو نسبة كبيرة
منن مهندسين وهل شي بيشجعني
يعني مابعرف بس بصراحة ان مبسوط كتير هلا وبعتبر هذا اكتر فرع بيلبقلي

وشكرا ع موضوعك الرائع

والله ما بعرف أذا قلتلك نعم بكون كذاب هلق بجوز راضي بس وقت البكلزريا على العلامات

وإن كان حلمي معلوماتية

بس عسى أن تكرهوا شيء وهو خير لكم

شو بدنا نسوي

مسا الخير 
والله انا برايي ياكينغ انتا او ورود انتوا من الناس القلائل الى اعترفوا انوا البكلوريا هى السبب

بصراحة أنا كانت رغبيتي أدخل كلية العلوم السياسية بس الأهل وخاصة بابا قال مالها مستقبل بسوريا وخاصة للبنت فما كان عندو حل غير الصيدلة
بالبداية ما كان عندي رغبة بالصيدلة بسبب معرفتي الضئيلة بعلومها بس هلأ بديت حب هالفرع ورفعت كل موادي والحمد لله
     

              NOORA