مسا الخير
اخي الطالب  انتا الان فى احدى كليات الجامعة  تدرس  تنجح
ترسب 
ولكن
هلى سبق لك وانتا فى الثانوية ان تخيلت نفسك فى هذا الاختصاص
عندما دخلت هل اجبرت من الاهل على الدخول وفق رغبتهم لا لرغبتك
ام كنت حرا
ام كانت نتائج البكلوريا هي الفيصل
الان هل انتا راضي عن فرعك
هل احببته
ام مازلت تحلم بدخول فرع اخر
او مازلت  تندب حظك على اضاعة علامة هنا او هناك فى البكلوريا  وتقول
لو جاوبت لكنت فتت على؟؟؟
هل تظن    ان فرعك سيحقق امنياتك

هل تظن ان محظوظ لدخولك الفرع
ام مازلت لاتعرف من كل هذا شيئا
فراس الفرحان

أنا بصراحة البكالوريا هي يلي

اختارتلي فرعي الصيدلة

بس الحمد لله

يعني لو أعدت سنين عم فكر بأحسن فرع

و أكتر فرع بيناسبني كنت ما اخترت غير الصيدلة


الحمد لله

السلام عليكم

البكالوريا هي يلي

اختارتلي فرعي الهندسة

بس الحمد لله
بالاول ماحبيت هالفرع بس هلق اقتنعت واخيرا
وينها توبا تسمع هالحكي

واخيرا اقتنعت بعد اربع سنين

وانت اخي صاحب الموضوع هل راضي عن الهندسة ؟

مسا الخير
والله يا شباب انا من الجماعة الى اجبرت
فى البداية انا طلعلى  هندسة  قوى ميكانيكية بحمص  فئالوا الاهل انوا هي ما الا مستقبل
فيا اما انوا اتسجل مدني حتا بلموازي  او ترجع على الفرع يلى من السنة الماضية ولى هوا الرياضيات
او مش ممكن انوا تدخل ميكانيك
مع انوا انا كان بدي يا كهربا يا معلوماتية
فسجلت مدني بلموازي  مع انوا لو سجلت معلوماتية لكانت طلعتلى بحلب
لكن الان
ومع انى كرهتها فى البداية او كنت ناوي ارجع على الرياضيات
لكن الان انا من اشد المعجبين
او عنجد حبيتا  او بشكر الاهل على الاجبار
لانوا هنن صراحتا الاعلم
فراس الفرحان

الحمد لله على كل حال


شكرا اخ فراس عالموضوع


بصراحة انا بكالوريتي كويتية



وعلاماتي كانت بتدخلني طب بالشام......ولكن ابعد ما يكون عن رغبتي



يعني اخر شي كنت بفكر فيه هو الطب والاسنان والصيدلة....يعني كلو خير وبركة.....بس انا ما بحبها


وكانت رغبتي منذ الصغر الهندسة


هلأ ما رح كذب عليك وقلك انو من الروضة وانا بدي هندسة مدنية واختصاص محدد كمان


لأ



بس انا كان بدي هندسة.....وبعد البكالوريا سألت كذا شخص عن الشغلات اللي انا بحبها فقلي انو هي موجودة بالمدني



ولذلك سجلت مدني....كرغبة اولى وتانية وتالتة يعني بكل المحافظات


وكنت حر الاختيار...والحمد لله ما زلت


وهي انا سنة تالتة




وفيك تعرف مدى حبي للمدني من توقيعي




مجد

أنا أدرس الفلسفة
أحبها بل أعشقها
غيرت حياتي أعطتني المزيد الذي لايمكن أن تتخيله إلا إذا دخلت مغاورها
وأنا راضية جدا وكنت دائما أحبها
في الحقيقة أنا درست ثانوية تجارية ثم أدبية ودخلت الفلسفة عن حب وحب وحب
شكرا لأنك أعطيتنا مجال لنتحدث عن هذا الموضوع
سلامي لك

سبحان الله قبل البكالوريا كنت بدي ادرس طب أسنان وما بعرف كيف دخلت صيدلة يعني أهلي قالولي اختار وما حدا غصبني ع شي ............

وبصراحة لما دخلت صيدلة كانت أحلى أيام حياتي فيها قضيت أوقات ما بتنتسى ولقيت رفقات بعمرهم ما بينسوني ................صحيح اتغذبت شوي بس الصراحة إذا بتذكر الأربع السنين اللي مضوا بلاقيهم أحلى شي بعمري مع بعض المشاكل اللي ما بحب اتذكرها ...............

بس اجمالاً الصيدلة جمعتي مع ناس ما كنت متوقع لاقيهم بمكان تاتي لذلك كتير رضيان عن فرعي.............

أما البكالوريا فما قصرت أبدا بالدراسة وحتى اني مرضت كتير قبل الامتحان والحمد رب العالمين وفقني.................

شكراً على الموضوع اللي ذكرنا نحمد ربنا ع هالنعمة اللي أغلبنا مو منتبه إلها........


   

الحمد لله انا بدرس حقوق وعن قناعتي الشخصية

لا البكالوريا ولا الاهل السبب .

انا اكتر فرع بحبو هو كلية الحقوق .
وبشكل عام مافي أحلى من الدراسة