من المعروف  والشائع  حاليا  بكليتنا  انو  الطالب    صار  يدرس الماده لينجح  فيها  بس..؟

وبغض النظر  عن المعدل  لانو  صار اخر  همو ...والاولويه انو  يمرء  مواد  ويخلص  منها

بوئت انو المفروض  الدراسه  الاكاديميه  تكون  مؤسسه على  ابداع الطالب    وعلى  التنافس  ...........  وكمان  على  انو  يحترف  التخصص  مو  مجرد تحصيل حاصل؟

من هون بدي  اسألكن  ............. شو السبب يللي  وصلنا  لهون؟؟

بتمنى  نشوف مشاركاتكن ( لانو المشكله  واضحه ومتفشيه بين الطلاب)

وشكرا

اشكرك amerooo على الموضوع المهم وحقيقة للاسف الي ذكرته هو الى حاصل الطالب يدخل الجامعه هموا النجاح والتخرج ولا هموا المعدل او المعرفة والعلم الي بياخذه في الجامعه .
ووجهة نظري هي ان الطالب الى بيدخل الجامعه ويدرس ومعدله نازل النصيحة انوا يحاول يرفع المعدل او يترك الدراسة الجامعية حتى لاتمر سنين عمره وهو ظايع في الجامعه ولا استفاد اشيئ لاتخرج ولا توظف .
تقبل مروري مع كل الحب والاحترام والتقدير
خالد111

انا بحب جيب معدل
بس الا ما يجيك كم مادة بالسنة 2-او3
بتريد تطالعن كيف ماكان
لأنو بكونو ناشفات وصعبات ومملات

تحيتي

والله يا اخونان
في ظل تنافس الدكاتره على تقليل نسبة النجاح
اصبح من المستحيل انو نشوف علامات عاليه
نحنا بالعلوم لما نشوف طالب جايب ستين منعتبرها معدل
طبعا النظام القديم يعني صارت الشغله مسخره
لا حول ولا قوة الا بالله

شكرا أخي عالموضوع المهم . أنا برأيي انو قضية المعدل أو النجاح مو بإيد الطالب
طبعا هي المشكلة ما بتلاقيها بأي جامعة . نحنا صرنا نفكر هيك ( بس بالنجاح ) لأنو الجامعة ما عم تساعدنا بالشكل المطلوب لحتى يصير عنا تحصيل علمي . يعني معظم الطلاب عم تلجأ للحفظ (البصم ) و بعد الفحص لا تسأل . و في طلاب بترفغ مادة بدون ما تعرف اصلا اسم المادة شو ..... و شو بدي عدلك ل عدلك مشاكل كتيرة و ما بتنتهي .
على كل حال الله يوفقنا جميعا . و شكرا مرة تانية الك .

مشكور صديقي amerooo

والله أنا بالنسبة ألي بفضل رفع كل المواد وبغض النظر عن المعدل

والسبب في ذلك هو الكم الهائل من المواد في كل دورة فصلية

وبالنسبة للتخصص يلي عم تحكي عنو والله أنا مالي مضطر لأدرس

مواد وجيب علامات عالية فيها وهي بالأصل مالا علاقة بفرعي

مثل مادة تاريخ أو إحصاء أو إقتصاد أو أدب ونقد

يعني هدول المواد مالون علاقة نهائياً بشي اسمو إعلام

بقى انا مالي فاضي اقعد ضيع وقتي بدراستون

صديقي متل ماقريت الحكي كلو صح
وين الجامعة اللي عم تساعد؟
او بالأحرى وين المحاضرات الجيدة والإعطاء المفيد؟
هاد الشي مو موجود
فالطالب بقلك برفع المادة شو ماكان وبكرا بالحياة العملية بعرف كل شي وباخد خبرة
وصدقني انو كل الأوائل عم ياخدوا دروس خصوصي وهاد الحكي مو من عندي هاد الحكي على لسان دكتورة عنا بس اكيد مو الكل
على كل موفقين كلكن وانشالله كلكن بتجيبوا معدلات

بشكر  كل يللي  مروو  بالموضوع  وعطوني  رئيهن  المهم  .............. بتمنى المزيد  ومافي  مشكله  لو كان  في حلول  مقترحه

بشكركن  ..................

أول الشي مشكور عالفكرة الحلوة
عن جد هي مشكلة عم نشوفها كتير بكل الجامعات للأسف
بس يعني بس خليني قلك عفرعنا
هلأ ما في طالب ما بيحب يرفع مواده الا بمعدلات عالية بس لما بيجيك دكاترة أو معيدين بدهم يفكّوا عقدهم من سنينهم الماضية بالجامعة بالطلاب هون بتصير بتقول المهم المادة تطلع مع الله يستر
و لما بيكون في مواد ما لها علاقة بالدنيا كلها يعني دراسة نفسية الشعراء و حياتهم و قصصهم و مين كان البيست فريند تبعهم و وين عاشوا و مع مين و ليش؟؟ يعني هون نحنا بهيك قصص شو بدنا؟؟؟
يعني المشكلة أنه ما عم ناخد شي بالجامعة يفيد بالحياة العملية بأي مجال لا اجتماعيا و بمجال الشغل و لا بشي
فقلي هون الطالب شو بده يقول؟؟
مو بس بده يقول خليني رفع موادي و ما بدي معدل؟؟
و لما كل سنة معدل الدراسات العليا بيرتفع كذا علامة و عدد قليل يلي عم يقدر يكمل شو بدنا نقول؟؟
يعني صديقي المشكلة برأيي مو من الطلاب بشكل كلّي يعني في شوية حق عليه بس النسبة الكبيرة بتضل من المنهاج يلي عم ندرسه
بتمنى تتقبل رايي
مشكور

يعني الحكي كلو مزبوط

عندك الطالب اول ما يفوت على الجامعة بحط براسو ما يرفع بغير معدل

وبس يفوت على الفحص بيعرف كم سؤال بجيبو النجاح بس ما بيرضة لانه بدو ياها

بمعدل هاد بالفصل الاول بس لما بتطلع العلامات وبيلاقي علماتو بالخمسين واذا

واذا كترت ستين بصير همو ينجح ويخلص بعدين اذا هيك بالسنة الاولى كيف بعدين

بالتالتة    ولاتنسى الدكاترة قديش بحبو الطلاب وما بيعطون غير يلي بيستاهلو

هيك على قولن  وما في حذف علمات

الله يعينا