اعــــــــــــــــــــــــلان.. مسابقة أدبية..كن ممن لهم بصمة
28-02-2012 09:07 AM
الســــــــ عليكم ـــــــــــــــــلام ورحمـــــــــ الله تعالى وبركاته ـــــــــــــــــــــــــــــــــة ..
بعد ترك موضوع مسابقة الرسم للنقاش والاخوة يلي عندهم تجربة بهيك أمر،،
نبدأ بعون الله بعمل لنا والحمد لله شيء من المعرفة به مع انها متواضعة،،
مســــــــــــــــــــــــــــــــــــــــــابقة للشعر والبوح الوجداني..وهنا سيكون الأمر واضح للجميع ومرضي باذنه تعالى،،
شروط المسابقة،،
الأبيات تكون باللغة الفصحى أو العامية الحديثة،،بنظام الشطرين أو لشطر الواحد،،
وبعد تقديم القصائد سأقوم بفرزها لاقسام معينة،،يعني شعر عامي بحطن مع بعض..والفصيح نفس الشيء..
الكتابات ستقدم ليس هنا بالموضوع..
بل على الايميل التالي. [email protected] (ليش اسمو هيك؟؟ لان هاد ايميل الباسورد مو بس معي حتى ماحدا يحكي انو خاص،،الباسوورد مع بعض الاخوة من المشرفين والشكر للأخت هايدي طبعاً..وهاد الايميل تم استخدامه لمسابقة من قبل،،) ويلي بيحب ممكن يرسل المشاركة كرسالة مستعجلة لي وانا بضيفها للموضوع... عند انتهاء مدة التقديم..سيكون هنالك عرض لكل القصائد ومدة للتصويت تكون كافية أيضاً...والأهم من ذلك ستكون الآلية مرتبة ومنسقة ومرضية للجميع،،يعني ماحدا بيعرف شو القصائد لانتهاء موعد تقديمها،،وبعدين منصوت عليها بالكامل..وبفترة كافية..وفي شغلة (التصويت بالاسم والاختيار مو بالتقييم حتى نتجنب الغش والمحاباة) تمام هيك؟؟وطبعاً يتم عرض كل المشاركات مع بعض حتى ماحدا يشوفهن قبل انتهاء الموعد..شوية تشويق يعني ،،، ^_^ ،،، وبعد انتهاء المسابقة لدي فكرة جميلة جداً..وهي أن يتم وضع هذه القصائد جميعها مع الاشارة الى الفائزة منها والمرتبة الثانية وهكذا..جميعها في موضوع واحد باسم ديوان أعضاء ملتقى جامعة دمشق....ويبقى هذا الديوان بالمنتدى العام والمنتديات الادبية وكمشروع لملتقانا ..وكتير حلو كل عضو يكون الو مشاركة بهاد الديوان ..يلي رح يضل للأيام القادمة،،لأان بكرا بيجي أعضاء جدد ..وبيشوفو عمل مشترك للأعضاء القدامى..منكون نحنا ختايرة،،هههه
أما بالنسبة لمدة الماسابقة فرح تكون بداية من 29 شباط..حتى 20 آذار ..وهي مدة كافية،،وكل عضو بيحسن يشارك بما يراه من القصائد لكن من كتابته هو،،وليس شيء آخر..
نوع القصائد،،
انتم من يختار ماتريدون كتابته،،من قصائد وانواعها..وسيتم فرزها في نهاية المطاف....
والتصويت على الفائزين وجوائز قيمة جداً..رحلة الى جزر الكناري &_&
أكيد لأا مو هيك...الجائزة التقييمات بعد الربح وأكيد التقدير والتقدير الشديد للجميع وخاصة لمن يكونون في المراتب الاولى...وهيك برأيي الفكرة منيحة،،
التقدير لكم جميعاً والتوفيق وعم انتظر واتوقع مشاركات كتيرة،،،ولا ننسى الكم الكبير من المشاركات بالبوح الصادق والشعر في ملتقانا..فلا مبرر لقلة المشاركات..
رد مشاركة : اعــــــــــــــــــــــــلان.. مسابقة أدبية..كن ممن لهم بصمة
28-02-2012 06:40 PM
مجهود كبير و مشكور كتير
بس أنا محتارة شارك ويقرو أحفادنا بس صير ختيارة
وللا ماشارك وتروح عليي الجائزة المختارة
شوفو أنا مابقبل بالهزيمة وبدي أعرف من هلأ مين هية الغريمة
ههههه
عنجد عنجد اقتراح رائع ومن كل بد رح يكون موضوعي بارع
ولهيك بالكتابة رح سارع
سلاااام
ملتقى طلاب الجامعة... منتدى غير رسمي يهتم بطلاب جامعة دمشق وبهم يرتقي...
جميع الأفكار والآراء المطروحة في هذا الموقع تعبر عن كتّابها فقط مما يعفي الإدارة من أية مسؤولية WwW.Jamaa.Net