[x]

"وقـل اعمـلوا فسـيرى الله عـملكم ورسـوله والمؤمنـون"


..لمحة عن كليات جامعة دمشق و فروعها... شاركنا تجربتك وكلمنا عن اختصاصك



المحـاضـرات
برنـامج الـدوام
برنـامج الامتحــان
النتـائج الامتحـانيـة
أسـئلة دورات
أفكـار ومشــاريع
حلقــات بحـث
مشــاريع تخـرّج
"وقـل اعمـلوا فسـيرى الله عـملكم ورسـوله والمؤمنـون"

مشاريع وأعمال حالية.. وإعلانات
برنـامج امتحان الفصل الأول نهائي/قسم المكتبات - 2013/2014
غاز السارين Sarin gas ( الأعراض, العلاج والارشادات )
أحكام فقه الجهاد
تـعـلـيـمـات فـي حـال اسـتـخـدام الآسـلـحـة الـكـيـمـاويـة
الى طلاب كلية التربية ... بجامعة دمشق
ان كانت لديك اية مشكلة تقنية نحن بالخدمة ان شالله (( العدد الثالث 2012- 2013))
منح دراسية من الاتحاد الأوروبي للسوريين
شروط القيد في درجة الماجستير بكلية التربية
عريضة لعميد كلية الاقتصاد ليتم اعادة مواد يومي 27-28
سوريا بخير..



  ملتقى طلاب جامعة دمشق --> الـمـنـتــديـــات --> المنتديــات العــامــة --> المنتدى العـــــــــام
    سطور .. تلخص ماضينا وحاضرنا بين صفحات "ملتقانا"
عنوان البريد :  
كلمة المرور :  
                    تسجيل جـديد


صفحة 1 من 2  1 2->

.سطور .. تلخص ماضينا وحاضرنا بين صفحات "ملتقانا"


gentleman

جامعـي اســتثنائي

اشتقت لأيامي هنا..




مسجل منذ: 30-04-2009
عدد المشاركات: 716
تقييمات العضو: 342
المتابعون: 95

غير موجود
اشــترك بالتحديثات
رسالة مستعجلة

سطور .. تلخص ماضينا وحاضرنا بين صفحات "ملتقانا"

22-04-2015 04:54 AM




حبيت ضيف هالموضوع .. ليحكي كل واحد مننا خلاصته .. بدايته هون بهالملتقى .. أيامه .. غيابه .. شوقه ..

وين صار .. وين حطته الحياة ..








ملتقى طلاب جامعة دمشق




أنت غير مسجل لدينا.. يمكنك التسجيل الآن.

مشاركة : 2


gentleman

جامعـي اســتثنائي

اشتقت لأيامي هنا..




مسجل منذ: 30-04-2009
عدد المشاركات: 716
تقييمات العضو: 342
المتابعون: 95

غير موجود
اشــترك بالتحديثات
رسالة مستعجلة

ملخصي ..

22-04-2015 05:06 AM




تعرفت عهالملتقى .. من شي ست سنين ..
قبل ما فوت عالجامعة .. انقبلت بجامعة تشرين .. بس كنت يوميا متواجد هون .. برغم عدم انتمائي الفيزيائي لجامعة دمشق..

كانت أيام حلوة باللاذقية ..

نقلت بالسنة التانية عجامعة دمشق .. كتير انبسطت بالنقل ..
لكتير أسباب ..

قضيت السنة التانية بجامعة دمشق الرائعة ..
طبعا مع استمرار التواصل الشبه يومي بـ "ملتقانا"

بعدها .. مرت أيام صعبة .. واضطريت سافر مع أهلي ..

بس وقت طلعت ما كنت متوقع أبدا إني طول هالأد وما ارجع..

قضيت سنة بلا دراسة .. اشتغلت شوي ..
انقبلت بجامعة مرة تانية .. بس عدت الدراسة من جديد وما رضوا يعادلولي ولا مادة ..

بس الحمد لله عكل حال .. الأمور ماشية ..
وعم اشتغل شغل خفيف عقدي .. عم اشتغل بالمونتاج والتصميم .. والتصوير أحيانا .. وعم اعطي دروس خصوصي أحيانا .. ههههه

هي بالنسبة للجانب التعليمي والعملي ..

بالنسبة للجانب العاطفي ..ههههه
رح اخطب قريبا جداَ إن شاء الله .. وهاد أسعد حلم عم يتحقق قدامي .. الله يتمم يا رب ..

خطيبتي هون معنا بـ " ملتقانا" (;

الله يجعل هالقصة فاتحة خير عليي وعليها ..

وعقبال العزابية  (:

بانتظار "ملخصاتكن" ...





ملتقى طلاب جامعة دمشق




أنت غير مسجل لدينا.. يمكنك التسجيل الآن.

مشاركة : 3


phmab

عضــو فضـي





مسجل منذ: 04-02-2008
عدد المشاركات: 1215
تقييمات العضو: 368
المتابعون: 59

غير موجود
اشــترك بالتحديثات
رسالة مستعجلة

رد مشاركة : سطور .. تلخص ماضينا وحاضرنا بين صفحات "ملتقانا"

26-04-2015 09:44 AM







حلو الله يوفقكن والتمام لخير بشغلك وحياتك ..

أنا انضميت لهالمنتدى مو من زمان كتير .. بس من شغلة 8 سنين!

اتغيرت شغلات كتير من وقتا لهلأ ... كان ما عنا هم غير الدراسة والنجاح بموادنا والترفع والعلامات ..

هلأ دوبنا عم نلحق ركض بهالدنيي بين شغل البيت والشغل بالشغل .. الاحداث هلأ بتحسها مشتركة بين كتير ناس ...

هلأ برجع بفوت عالمنتدى لحتى اتذكر الأيام الحلوة وارجع حس الحياة بسيطة متل ما كانت قبل ...


بالتوفيق للكل ...





ملتقى طلاب جامعة دمشق




أنت غير مسجل لدينا.. يمكنك التسجيل الآن.

مشاركة : 4


AhmadSY

مشـرف القســم الإخبـاري

كن مع الله ترى الله معك




مسجل منذ: 01-10-2007
عدد المشاركات: 1697
تقييمات العضو: 140
المتابعون: 159

غير موجود
اشــترك بالتحديثات
رسالة مستعجلة

رد مشاركة : سطور .. تلخص ماضينا وحاضرنا بين صفحات "ملتقانا"

26-04-2015 07:18 PM







السلام عليكم

تعرفت على المنتدى من 8 سنوات , كنت يومياً بالمنتدى و قليل غيابي , كان المنتدى فيه حياة , كل ما فوت ع المنتدى بتذكر الماضي الجميل يلي عشته فيه كانت أيام حلوة بس ما في شي  بيضل على حالو هاد حال الدينا.
عم أدرس الدبلوم التقاني العالي في الإدارة السياحية و الفندقية و كنت عم أشتغل بفندق بس خلص عقدي من فترة و إن شاء الله بدي شوف شغل جديد .

الحمد لله إنو سمعنا صوتك بخير و بالنسبة للخطبة مبارك و بالتوفيق إن شاء الله

فائق الاحترام و التقدير






 احرصوا على ما ينفعكم و استعينوا بالله ولا تعجزوا
















أنت غير مسجل لدينا.. يمكنك التسجيل الآن.

مشاركة : 5


..3>..

عضــو فضـي

البسمة بالبسمة ؛؛ و البادي أجمل :-)




مسجل منذ: 28-04-2011
عدد المشاركات: 1447
تقييمات العضو: 448
المتابعون: 119

غير موجود
اشــترك بالتحديثات
رسالة مستعجلة

رد مشاركة : سطور .. تلخص ماضينا وحاضرنا بين صفحات "ملتقانا"

30-04-2015 12:18 AM




صباح الخير...
كيفكن كلكن
و كيفك خطيبي
:-)
..كتب كتابنا التلاتا.. ان شاء الله
تفضلو
الكل معزوم..
...
انا فتت عالمنتدى من ايام كنت بالثانوي.. بالعاشر تحديدا
وقت اخترت حلمي و عشت تفاصيلو هون
و الحمد لله هلأ عم حقق حلمي بالصيدلة
..
كلية الصيدلة "دمشق " تحديدا
طلعت بتفرق كتير عن كلشي تخيلتو و كلشي حلمت فيه.. لدرجة اني بكره حالي باليوم يلي بروح فيه عليها..
عن جوها عم احكي ما عن الدراسة فيها .. بالعكس المواد بتجنن ..

..
كل الحياة فرقت  علينا من  وقت فتنا عالمنتدى لهلا ..
بس انا من وقتها لهلأ بفوت لهون لما اشتاق لما ضوج لما اتعب.. بحس كأني عم عيش ايام حلوة ما عادت ترجع





ملتقى طلاب جامعة دمشق




أنت غير مسجل لدينا.. يمكنك التسجيل الآن.

مشاركة : 6


valientino

جامعـي مشــارك





مسجل منذ: 16-04-2009
عدد المشاركات: 48
تقييمات العضو: 8
المتابعون: 23

غير موجود
اشــترك بالتحديثات
رسالة مستعجلة

رد مشاركة : سطور .. تلخص ماضينا وحاضرنا بين صفحات "ملتقانا"

30-04-2015 10:26 AM




أنا أول مرة فتت على منتدانا كنت سنة أولى كيمياء جامعة دمشق...
 
كنت فوت مشان شوف نتائج الامتحانات أول شي ...بس بعد فترة قصيرة لاقيت انو غني ومحتوى أكبر من اني شوف نتائج امتحانات واطلع.
اتعودت كل يوم فوت واسمع هموم واحكي عن همومي ولاحظت قديش فيه ألفة وتعاون.
صرت كل يوم اسهر لساعات الفجر وانا عم تابع كلشي جديد من مواضيع واخبار ومشاكل وهموم وطرائف يسردها أخوتي من باقي الكليات .
....هالمنتدى صار مجتمعنا الحقيقي اللي بيعبر عن الأحاسيس اللي تدور جواتنا ومابنقدر نوصفها ....
أنا درست كيمياء تطبيقية جامعة دمشق ومن ال 2011 وأنا بأفريقيا .
ع طول بترك شغلي لبعض الوقت كرمال فوت عالمنتدى واتأثرت كثيييير على وصولو لهالحال ...خصوصا انو فقدنا ناس فاعلين فيه وغاليين على قلوبنا.
ندعو الله الفرج القريب وتخليصنا من كلشي شر .









ملتقى طلاب جامعة دمشق




أنت غير مسجل لدينا.. يمكنك التسجيل الآن.

مشاركة : 7


*The Lord*

مشـرف السـاحة التقنيـة

الحياة ليست عادلة , فلتعود نفسك على ذلك




مسجل منذ: 13-08-2011
عدد المشاركات: 1428
تقييمات العضو: 321
المتابعون: 137

غير موجود
اشــترك بالتحديثات
رسالة مستعجلة

رد مشاركة : سطور .. تلخص ماضينا وحاضرنا بين صفحات "ملتقانا"

01-05-2015 08:00 AM




ياااااه ع ايااام زمااان
ع ايام الديال اب .. وبطاقات ال 36 كيلو بايت
:-)
المنتدى لسه محافظ ع ذكرانااا
وإن شاء الله نرجع لهون ونجتمع
كل الاعضاء
لما كنت اسهر ع المنتدى مع كاسة الشاي وسيجارة الحمراا
واسمع ام كلتوم بعد ال 12 ليل ويعس معي الديال اب ههههه
واتواصل هون كانت اجمل ايام الحيااااة والشعور

وان شاء الله الف مبروك ع الخطبة
وزواجة الدهر




هل نحن واقفون والزمان يمر بنا
أم أن الزمان واقف ونحن نمر به

أنت غير مسجل لدينا.. يمكنك التسجيل الآن.

مشاركة : 8


gentleman

جامعـي اســتثنائي

اشتقت لأيامي هنا..




مسجل منذ: 30-04-2009
عدد المشاركات: 716
تقييمات العضو: 342
المتابعون: 95

غير موجود
اشــترك بالتحديثات
رسالة مستعجلة

رد مشاركة : سطور .. تلخص ماضينا وحاضرنا بين صفحات "ملتقانا"

11-05-2015 03:07 PM




أهلين خطيبتي ☺ الحمد لله تمام


وأهلين بأخوتي جميعا
الله يبارك فيكن كلكن يا رب وعقبااااال العزابية كلهن..

وجود الشريك بالحياة شي كتير حلو.. ومريح..
يللا شدوا حيلكن ولاقو شركاء الحياة.. اللي بيخلولكن الحياة أحلى

مهما كانت الظروف صعبة.. الارتباط أمر لا بد منه

بالتوفييييق جميعا يا رب والله يرزقكن حياة حلوة كريمة سعيدة

أسعدني جدا وجودكن.. وتفاعلكن.. لسا في حياة بمنتدانا 🌷

وعنجد انبسطت بسماع أخباركن..

والله يوفق الغايبين.. ويغفرلهن وييسرلهن الخير بالدنيا والآخرة 🌼🌷🌸





ملتقى طلاب جامعة دمشق




أنت غير مسجل لدينا.. يمكنك التسجيل الآن.

مشاركة : 9


....{SalaM}....

عضــو ماسـي


{{يارب أكرمنا بكرامة القرآن}}




مسجل منذ: 31-07-2009
عدد المشاركات: 3855
تقييمات العضو: 532
المتابعون: 132

غير موجود
اشــترك بالتحديثات
رسالة مستعجلة

رد مشاركة : سطور .. تلخص ماضينا وحاضرنا بين صفحات "ملتقانا"

23-05-2015 04:38 PM







السلام عليكم

أنا انضميت للمنتدى من ست سنين إلا شهرين ^_^ ... ما بنسى اليوم يلي اشتركت فيه 31-7-2009

كتير عم حنله وبتمنى ارجعله كنت يمكن سنة تانية وعرفته بالصدفة كانوا معلقين اعلان بكليتنا كلية الصيدلة جربته وحبيته كتير كنت اتفرج من بعيد لبعيد دون ما شارك بعدين شوي شوي بلش ادمان كنت ارجع من الجامعة ركيض أول شي اعمله افتح واقرا شو نازل وأنا عم ادرس كل خمس دقايق اعمل ابديت لشوف إذا نزل شي ويا ويلي إذا في نقاش بموضوع معين أو شي مسابقة كنت اقعد تلت اربع ساعات دون ماحس.... والسهر لنصاص الليالي.... ههههه
جد مرحلة مميزة مستحيل ينمحى ذكراها.... وكتير عازز عليي انو ما عاد متل اول





ملتقى طلاب جامعة دمشق




أنت غير مسجل لدينا.. يمكنك التسجيل الآن.

مشاركة : 10


ALNASEEM

جامعـي اســتثنائي





مسجل منذ: 30-01-2010
عدد المشاركات: 633
تقييمات العضو: 83
المتابعون: 36

غير موجود
اشــترك بالتحديثات
رسالة مستعجلة

رد مشاركة : سطور .. تلخص ماضينا وحاضرنا بين صفحات "ملتقانا"

31-05-2015 06:43 PM




موضوع رائع مشكورgentlema‏ إن شاء الله الف مبارك خطبتكن والتمام على خير يارب
أنا سجلت وانتميت لهالمنتدى من تاريخ ٣٠/١/٢٠١٠
من ٥ سنوات تقريبا كان أجمل صدفة كنت سنة خامسة ارشاد نفسي وبتذكر كنت عم دور على مراجع وكتب لمشروع التخرج ولما سجلت بالمنتدى نسيت شو كان بدي وفورا صرت اقرأ مواضيع ساحة البوح الصادق ونزلت موضوع دغري وتعرفت على اصدقاء وشجعوني نزل اكتر حبيت المنتدى بكل شي فيه بجمع المحبة الصدق العفوية  و المعرفة
في كتير شغلات تعلمتها متل الصبر وخصوصي وقت يفصل النت واشتاق للمنتدى
مرت فترة انقطعت فيها عن المنتدى بسبب الظروف  اتخرجت من الجامعة وتوظفت الحمدلله بس ولو بغيب قد ما بغيب عن المنتدى  بضل القلب معلق فيه بدي قول 
للغايبين والحاضرين الاعضاء الجدد والقدمى يارب تحميهم وتحفظهم وين ما كانوا ويارب تفرج على الجميع ويرجع المنتدى متل ايام زمان واحلى
محبتي ومودتي للجميع





كان بودي أن اسمعكم شيئاً من موسيقى القلب

لكنّا في عصر  عربي توقف فيه نبض القلب ......!
Naseem ...


أنت غير مسجل لدينا.. يمكنك التسجيل الآن.
صفحة 1 من 2  1 2->
 








ملتقى طلاب الجامعة... منتدى غير رسمي يهتم بطلاب جامعة دمشق وبهم يرتقي...
جميع الأفكار والآراء المطروحة في هذا الموقع تعبر عن كتّابها فقط مما يعفي الإدارة من أية مسؤولية
WwW.Jamaa.Net
MADE IN SYRIA - Developed By: ShababSy.com
أحد مشاريع Shabab Sy
الإتصال بنا - الصفحة الرئيسية - بداية الصفحة