السلام عليكم ..

من يومين كنت قاعد مع صاحبي اللي عم يدرس طرق الإختراق والهكر من فترة وشفت شي بيخووووووف عنجد

صاحبي الشرير هاد ^_^ عنده كم ضحية .. اللي مخترقون

المهم قلتله ورجيني شو ممكن تعمل بضحيتك ...  قام الزلمة ما أصر بالمرة ...
بيحسن :
- يكتشف كل الإيميلات الخاصة بالضحية وكلمات السر تبع كل ايميل وكل حساب
- يراقب شاشة الضحية (كما هي تماما)

لسى اللي جايي اصعب !!
ـ بيحسن ينسخ اي ملف بدو ياه من جهاز الضحية لعنده بدون معرفة الضحية

ـ يشغل المايك تبع الضحية ويسمع كل الاحاديث الدائرة حول جهاز الضحية ويسجلها
- (الطامة) بيحسن يشغل الكاميرا تبع الضحية !!!!!

وطبقلي عمليا أغلب الأشياء المذكورة آنفا *_*

يتبع : نصائح و طرق الوقاية مباشرة من (هاكر)

اقتباس:
" (الطامة) بيحسن يشغل الكاميرا تبع الضحية !!!!! "

ولهيك دوماً بحط ستيكر ع كاميرا الابتوب ..... والله شي ما بيتأمنله ‏    ..


متقن اختيار صفة "الضحية" ^ـ^ ،، بس لو سمحت لو تعطي فكرة عن شوهي المعطيات اللي إذا وصلت "للجاني " بتيحلو السرقة والقدرة ع التهكير ؟!

شغلة الاختراق كنا نسمع عنا ... بس ما كنت اتوقعها بهي السهولة !

رجاء مني لكل الأخوات ... لا تحفظوا البيانات الخاصة والشخصية على جهاز كمبيوتر متصل بشكل دائم بالإنترنت

حطوها على فلاشة أو هارد ديسك خارجي أئمن وأريح

ولا تضغطوا علي أي رابط مانكن متأكدين شو هو

ولا تحملوا أي شي مانكن متأكدين من مصدره ...

مثلا أحيانا منلاقي عالفيس روابط مشكوك فيها

وعالإيميل كتير كمان

الرجاء التنبه على هذه الأمور حرصا على خصوصياتكم وخصوصا الأخوات الكريمات

أختي cute

حلو إنك حاطة لزئة عالكاميرا ..

عنجد ما بيتأمنلها

التهكير والاختراق بيعتمد كتير عشي اسمه الهندسة الاجتماعية

يعني بدي لاقي اي طريقة خلي فيها طحيتي يوقع بالفخ

ابسط طريقة :(هي اللي ورجاني ياها)

ملف بيعمله هو بتشفير معين باستخدام احد لغات البرمجة ليكون هاد الملف هو طريقه ليجتاح جهاز الصحية
وبيرفق هالملف مع اي ملف آخر (الطعم) بيرفق الملف الشرير مع ملف لعبة أو مع غنية أو صورة أو فيديو وبيبعت الطعم للضحية بأي طريقة وهنا تعتمد المسألة جودة ودهاء الهاكر في نصب الفخ وتعتمد أيضا على يقظة الضحية ومدى سهولة خداعه

بمجرد مايتحمل الملف الطعم عجهاز الضحية ويتشغل بيكون وقع بالفخ ... وعلى الدنيا السلام ^_^

هي أحد الطرق البدائية نوعا ما .. فور اطلاعي على طرق اخرى سوف اطلعكم عليها مباشرة

بشكرك أخي ع هيك موضوع ..

بس مو بالإمكان اكتشاف وجود الخدعة ؟ عن طريق رموز أو اختصارات معينة؟

أهلا وسهلا أختي ..

من الصعب اكتشاف انه الملف (ملغم) ولا لاء ...

بس في طريقة بيكتشف الواحد فيها اذا هو مخترق او لاء في حال شك انه وقع بالفخ .. بشفلكون ياها بالزبط وبطلعكون عليها ان شاء الله

كمان حلو يئدر الواحد يتخطى المشكلة إن شعر إنو وئع فيها لا سمح الله ..

يسلموووو بالإنتظار ..

.................................... مسكين ذلك الهاكر الذي
سيهاجم جهازي
لا يجد كاميرا .. ولا سماعة .. ولاصور
لا يجد سوى ارقام حسابات لدى المصرف العقاري
وأعداد............ وهم موجودين على فلاشة
......................................................... جنتل مان
الموضوع رائع ومفيد
والله يعطيك العافية
ويجعله في ميزان حسناتك

للاسف هالحكي صار معروف عند اغلب العالم وانا من فترة كمان كنت عند واحد من نفس نمرة صاحبك وصار نفس الشي

وكمان بحب ضيف على اللي ذكرتن حضرتك انه اذا كان عندك جار فاتح بلوتوث الموبايل او كنت بالقهوة او باي محل وفاتح البلوتوث بيحسن يفوت على موبايلك وينسخ منه شو ما بده  ويشوف كل شي ( الرسائل والصور والارقام والفيديو .... الخ  )

على كل حال الله شايف وعارف كل شي وكله بده يتحاسب حتى لو كان القصد بحسن نية فهو هتك للاستار اللي امرنا الله بحفظها وعدم الاقتراب منها

مشكور ع الموضوع القيم

بانتظار الوسائل الدفاعية :)