بس أنا مستغربة ليش باقي الزملاء الصيادلة ما عم يشاركوا بالنقاش!!!
اي والله عنجد أنا كمان مستغرب ....مابعرف ليش صاير المنتدى موحش هههههه
شكراً نور على نداء ك لزملاءنا وأضم صوتي إلى صوتك
الله يفرج عالجميع ونرجع نشوف حركة المنتدى متل أول وأكتر
والله أنا عن نفسي بودي شارك ..
بس ما في أمل مني بالقضايا الكيميائية ..
وما بحب هالمجال .. ولهيك "رحم الله عبداً عرف حده فوقف عنده!"
أهلاً فيكي مها ....
أنا متفهم إنك مابتحبي الكيمياء بس عنجد أسئلتنا هون مالها كيميائية بحتة ..هي دوائية بالدرجة الأولى بس كل ماتعمقنا بالدواء رح نشوف الكيمياء هي اللي تلعب الدور الحقيقي بفعالية وسلوك الدواء ...ومن خلال كشفنا للشيفرة الكيميائية للدواء رح نتوصل لتطوير الادوية وحل أكثر المشاكل الدوائية اللي تتعرض عملنا بالدواء ....ثقي بهالشي
ومشان هيك أسلوبي بطرح الموضوع يعتمد دائما على الربط بين التأثير الفارماكولوجي للدواء والصيغة الكيميائية لأن الصيغة الكيميائية بالفعل مثل مورثات الإنسان فكما أن مورثات الإنسان تتحكم بكل تصرف يبديه هذا الإنسان فإن الصيغة الكيميائية للدواء تتحكم بكل تصرف يبديه الدواء ومشان هيك الأجدر لمن يريد أن يدرس الدواء أن يعرف كيميائيته
أهلاً فيكي مرة أخرى ....ورح حاول إن شاء الله التبسيط قدر الإمكان في الشرح والأسئلة في المرات القادمة ....وإن شاء الله تغيري رأيك بكيمياء الدواء