[x]

"وقـل اعمـلوا فسـيرى الله عـملكم ورسـوله والمؤمنـون"


..لمحة عن كليات جامعة دمشق و فروعها... شاركنا تجربتك وكلمنا عن اختصاصك




  ملتقى طلاب جامعة دمشق --> كلية الطب البشري --> الأقسام العامة كلية الطب البشري --> المنتدى العام للطب البشري
    دليل الطالب في كلية الطب البشري
عنوان البريد :  
كلمة المرور :  
                    تسجيل جـديد


.دليل الطالب في كلية الطب البشري


Dr.DUDE

جامعـي مبـدعـ





مسجل منذ: 22-10-2009
عدد المشاركات: 265
تقييمات العضو: 69
المتابعون: 13

غير موجود
اشــترك بالتحديثات
رسالة مستعجلة

دليل الطالب في كلية الطب البشري

22-10-2009 03:05 PM




مرحبا يا أطباء المستقبل ، أنا Dr.DUDE  من جماعة السادسة اللي عم يستنو التكميلية
ليش هيك منتدانا مهجور و ضاربه البلا !  شدولنا الهمة  بدنيا ياه يصير أحسن من كل المنتديات 
سأتحدث في هذا الموضوع عن  سنوات الدراسة الست اللتي يتأهرم فيها طلاب الطب الأشاوس 

ملاحظة : المواد اللي بالأحمر يعني في إلها عملي

السنة الأولى : يتهاوى فيها الطلاب بين مدرجات النظري و أزقة المختبرات . تدرس فيها المواد الأساسية في الطب كالآتي :
-  الفصل الأول : علم الخلية علم الحياة الفيزياء الطبية – لغة عربية – لغة أجنبية
-  الفصل الثاني : تشريح 1 (أطراف)جنين – وراثة – كيمياء عامة و عضوية – لغة أجنبية – ثقافة .

السنة الثانية : أيضا يقضيها الطلاب بمعاقل الكلية  و كما السنة الأولى  تدرس فيها المواد الأساسية في الطب  كالآتي :
-  الفصل الأول : تشريح 2 (عصبية) علم وظائف الأعضاء 1علم النسج العام كيمياء حيوية 1 – لغة طبية 1
-  الفصل الثاني : تشريح 3 (بطن و حوض)علم وظائف الأعضاء 2علم النسج الخاص كيمياء حيوية 2 – لغة طبية 2 .

السنة الثالثة : أيضا الدوام بالكلية ، يبتعد فيها الطالب عن أجواء البصم البحت  لتبدأ متعة الطب ، و يحدث تغيير جذري بأساتذة المقررات  بخاصة في الفصل الثاني . مواد السنة الثالثة:
-  الفصل الأول : أعراض و تشخيص – علم وظائف الأعضاء المرضي -  أدوية أحياء دقيقة (جراثيم و فيروسات) – صحة – الإحصاء الحيوي الطبي .
-  الفصل الثاني : تشريح مرضي عام جراحة 1 (جراحة صغرى)أحياء دقيقة (طفيليات) – الكيمياء السريرية – علم المناعة – تاريخ و آداب الطب – لغة .

السنة الرابعة : يبدأ دوام الطلاب في المشافي (الستاجات) لينالوا لقب طبيب   ، بالإضافة إلى مقررات النظري و العملي في الكلية
ملاحظة : بالنسبة للستاجات فهي 4 ساعات سريرية صباحية في المشافي التابعة لجامعة دمشق توزع حسب برنامج الستاجات المعلن في مطلع العام الدراسي (باطنة – جراحة – أطفال - توليد – جلدية – أذنية – بالإضافة إلى ستاج العينية  بالسنة الخامسة )  . و فترة بعد الظهر تخصص للمحاضرات النظرية و جلسات العملي . (فيها تعب  بس ممتعة كتير)
-  الفصل الأول : الأمراض الباطنية 1 (الأمراض الهضمية و الرثوية) - جراحة 2 (جراحة عامة و أورام) – أطفال 1(الطفل السليم) –علم توليد – أمراض الأذن و الأنف و الحنجرة و جراحتها – تشريح مرضي خاص .
-  الفصل الثاني : الأمراض الباطنية 2 (الأمراض القلبية و الصدرية) – جراحة 3 (جراحة صدر و قلب و أوعية) – أطفال 2 (أمراض الأطفال) – الأمراض الجلدية  – الطب الشرعي – لغة طبية  .       

السنة الخامسة : كما السنة الرابعة (صباحاً ستاجات و بعد الظهر محاضرات النظري و جلسات العملي) :
-  الفصل الأول : الأمراض الباطنية 3 (الأمراض العصبية و أمراض الكلية) – الأمراض الباطنية 4 (أمراض الغدد و الاستقلاب و التغذية و الشيخوخة) – جراحة 4 (الجراحة العصبية و البولية و جراحة الأطفال) – الطب النفسي (من الأمراض الباطنية) – الأمراض النسائية – أمراض العين و جراحتها - طب الطوارئ و التخدير و الإنعاش .
-  الفصل الثاني : الأمراض الباطنية 5 (الأمراض الخمجية و أمراض الدم) – جراحة 5 (الجراحة العظمية و الجراحة التجميلية) – المداواة السريرية – علم الأشعة و المعالجة الشعاعية - الطب الوقائي و المهني – طب الأسرة – لغة طبية .

السنة السادسة : و هي أجمل السنوات ، مدتها سنة كاملة  (ما بتلحق ترتاح من السنة الخامسة شهر زمان حتى  تبلش فوراً السادسة بشهر آب و بتخلص بآب اللي بعده  ) تكمن جماليتها بكونها سنة سريرية بحتة يقضيها الطالب بأروقة المشافي    . و يوزع الطلاب إلى فئات صغيرة  كل حسب ستاجه لتشمل الستاجات التالية :
الأمراض الباطنة : مدة الستاج شهران و نصف تتضمن حسب القرار الجديد امتحان سريري في الأسبوع الأخير (الله يعينكون نحنا نفدنا  ) . مكان الستاج : مشفى المواساة و مشفى الأسد الجامعي .
الجراحة : المدة شهران  تتضمن امتحان سريري في الأسبوع الأخير . المكان : مشفى المواساة و مشفى الأسد الجامعي .
أمراض الأطفال : المدة شهران تتضمن امتحان سريري في الأسبوع الأخير . المكان : مشفى الأطفال بجامعة دمشق. 
التوليد و أمراض النساء : المدة شهر و نصف تتضمن امتحان سريري في نهاية الستاج . المكان : مشفى دار التوليد بجامعة دمشق .
الأمراض الجلدية : المدة نصف شهر ، تتضمن امتحان سريري في نهاية الستاج . المكان : مشفى الأمراض الجلدية و الزهرية .
أمراض الأذن و الأنف و الحنجرة و جراحتها : المدة نصف شهر ، تتضمن امتحان سريري في نهاية الستاج . المكان : مشفى المواساة- الشعبة الأذنية.   
أمراض العين و جراحتها : المدة نصف شهر ، تتضمن امتحان سريري في نهاية الستاج . المكان : مشفى المواساة- الشعبة العينية .
الرعاية الصحية الأولية (من ضمن ستاج الأطفال) : المدة نصف شهر . المكان مركز العناية الصحية الأولية (حسب المستوصف اللي بتنشلف عليه : أبو ذر الغفاري بالمزة – 7 نيسان بالتجارة – الدحاديل بطريق درعا  محل ما انشلفت   – القدم – القابون  )

و في بداية العام يجب على الطلاب أن يتقدموا بطلبات لإعداد رسالة تخرج تحت إشراف الدكتور الذي يختارونه  و ذلك لنيل إجازة دكتور في الطب البشري .
المدة الإجمالية للستاجات 10 شهور تبدأ بآب و تنتهي بأيار ليبدأ التحضير للإمتحان النظري بشهر تموز . 

يمتحن الطلاب بالمقررات التالية :
الأمراض الباطنية (هضمية – رثوية – قلبية –صدرية – عصبية – كلية – غدد – نفسي – خمجية - دم) (مو كتير 6000 صفحة  )  و لها 7 أمثال .
الجراحة (عامة – أورام – قلبية – صدرية – أوعية – عصبية – بولية – أطفال – عظمية - تجميلية + طب طوارئ و تخدير و إنعاش ) و لها 4 أمثال .
-طب الطفال (الطفل السليم – أمراض الأطفال) و لها 3 أمثال . 
-التوليد و أمراض النساء و لها أيضاُ 3 أمثال .
-الأمراض الجلدية و لها مثل واحد .
-أمراض الأنف و الأذن و الحنجرة و جراحتها و لها مثل واحد .
-أمراض العين و جراحتها و لها مثل واحد .
ملاحظة 1 : نتيجة النظري من 70 و المقابلة من 30  = 100 مع العلم أن الحد الأدنى للنجاح هو 60
ملاحظة 2 : نظام الأمثال : بعد ظهور نتائج الإمتحانات و لحساب درجات الطالب بالسنة السادسة يضرب ناتج كل مادة بالأمثال المخصصة لها ، ثم تجمع الكتل على حدى و يقسم مجموع كل كتلة على عدد أمثال الكتلة الواحدة  مع بعضها و تقسم على عدد الأمثال في الكتلة  ( يعني مثلاً  إذا جبت بالباطنة  75.48  بتصير بعد الضرب بأمثال الباطنة (7) : 75.48 * 7 = 528.36  و هيك مع بقية المواد ،  بعدين بيجمعوهن بنظام الكتل و  بقسموهن على عدد الأمثال الموافق لكل كتلة  و هيك بيطلع معدلك بالسادسة يا شطور –    ،هلأ بس تقرأو نظام الكتل بتفهمو كلشي )
ملاحظة 3 (نظام الكتل) : يوجد ما يدعى بنظام الكتل التي تساعد في بعض الأحيان الطلاب من الوقوع في مغبة الرسوب على جزء من علامة . و تكون كالأتي :
كتلة الباطنة : و تتضمن علامة  الأمراض الباطنية + الأمراض الجلدية ( يعني مثلاُ إذا كنت آخد 59 بالباطنة (راسب)   و بالجلدية 67  فبدل ما تتشرشح و توقف تخرجك مشان هالعلامة بيحسبو علامة الباطنة بعد ضربها بأمثالها و بتصيير 413  و بيدمجوها مع علامة الجلدية 67 (اللي إلها مثل واحد فقط)    و بيقسمو الناتج (413+ 67 =480) على عدد أمثال الكتلة (7 + 1 = 8)  يعني بتصير علامتك 480 / 8 = 60  مبروك ناجح   )
كتلة الجراحة (ألذ كتلة) : الجراحة + الأمراض العينية و جراحتها +  أمراض الأذن و الأنف و الحنجرة.
كتلة الأطفال : الأطفال فقط  . و تعد  أسوأ كتلة كونها السبب الأكبر وراء تأخير تخرج طلاب السادسة
كتلة التوليد و الأمراض النسائية : التوليد و النسائية فقط .

و بهذا أكون قد أتممت دليل الطالب في كلية الطب البشري عسى أن يكون فيه فائدة للجميع ، و إذا تواجدت أية ملاحظات  يرجى إبداء الرأي حتى تعم الفائدة (يعني لا تستحو  )


..........................................................................

Never fear shadows. They simply mean there's a light shining somewhere nearby. 
Ruth E. Renkel







ملتقى طلاب جامعة دمشق




أنت غير مسجل لدينا.. يمكنك التسجيل الآن.

مشاركة : 2


Moudi

جامعـي جديــد





مسجل منذ: 10-11-2009
عدد المشاركات: 5
تقييمات العضو: 0
المتابعون: 1

غير موجود
اشــترك بالتحديثات
رسالة مستعجلة

شكرا كتير حكييييييم

12-11-2009 02:11 AM




و بإمكانكم الاطلاع ع دليل موقع حكيم الشامل ...
نصيحة شباب الأولى الجدااااااد...
درسو خلية منيح كتير لأنها مادة معدلللل مشان ما تقرمطو أصابيعكم ندم بعدين





ملتقى طلاب جامعة دمشق




أنت غير مسجل لدينا.. يمكنك التسجيل الآن.

مشاركة : 3


روبي

جامعـي جديــد





مسجل منذ: 07-09-2011
عدد المشاركات: 21
تقييمات العضو: 0
المتابعون: 2

غير موجود
اشــترك بالتحديثات
رسالة مستعجلة

يسلّم هالايدين

02-10-2011 01:09 PM




مرحبا
انا طالبة طب سنة اولى
حابة اشكرك كتييييييييييير ع هالشرح الوافي والحلو     
واللهِ كان لازمنا دليل طالب لانو داومت وحسّيت حالي مو فهمانة شي  
شكراً مرة تانية
وانشا الله تكون اتخرجت بمعدل عالي ويصحّلك الاختصاص اللي ببالك
                                   





ملتقى طلاب جامعة دمشق




أنت غير مسجل لدينا.. يمكنك التسجيل الآن.

مشاركة : 4


~أنشودة أمل~

جامعـي جديــد





مسجل منذ: 23-12-2011
عدد المشاركات: 3
تقييمات العضو: 0
المتابعون: 1

غير موجود
اشــترك بالتحديثات
رسالة مستعجلة

رد مشاركة : دليل الطالب في كلية الطب البشري

12-01-2012 07:26 PM




أنا طالبة صف حادي عشر بعشق "الطب البشري"..
بس وقت قريت كلامك صرت بعشقو أكتر.....
و صار عندي حافز اني ادرس أكتر عشان ادرس طب....
عنجد ~شكرااااااااااااااااا~




علمتني الحياة..أن أجعل قلبي مدبنة بيوتها "الحب"
و طرقها "التسامح"


أنت غير مسجل لدينا.. يمكنك التسجيل الآن.

مشاركة : 5


سحابة مطر

جامعـي جديــد




مسجل منذ: 04-02-2012
عدد المشاركات: 2
تقييمات العضو: 0
المتابعون: 2

غير موجود
اشــترك بالتحديثات
رسالة مستعجلة

تعليق وطلب

05-02-2012 03:37 PM




مسا الخيرللكل كيف العطلة كانت  بدي بس علق على الدليل أنه كتير مفيد بس يا ريت تفصلللنا شوي بماد الفصل التاني السنة الأولى يعني شو لبحاجة لحفظ دقيق وشو لبحاجة لفهم وحفظ لحتى ابدأ الفصل التاني وانا مطلعة على كل شي لو سمحت جاوبوني 





ملتقى طلاب جامعة دمشق




أنت غير مسجل لدينا.. يمكنك التسجيل الآن.
 








ملتقى طلاب الجامعة... منتدى غير رسمي يهتم بطلاب جامعة دمشق وبهم يرتقي...
جميع الأفكار والآراء المطروحة في هذا الموقع تعبر عن كتّابها فقط مما يعفي الإدارة من أية مسؤولية
WwW.Jamaa.Net
MADE IN SYRIA - Developed By: ShababSy.com
أحد مشاريع Shabab Sy
الإتصال بنا - الصفحة الرئيسية - بداية الصفحة