السلام عليكم.........يعني يمكن  تضحكوا  او  تستغربوا  او  تأيدوا  ؟؟؟مابعرف  ؟؟              بس انا  عندي  اخت  وعمرها  تقريبا  20  سنة  تقدملها  عريس  لابأس  فيه  بس  رفضت لانو  مؤيد؟؟؟؟!! وقررت  انو  ما تنخطب  او  تتزوج  الا  بشاب معارض  و  يطلع  بالمظاهرات  وغير  هيك  لأ؟؟؟؟؟؟؟؟؟؟؟            شو  رأيكون  ؟؟؟  وكيف  بدنا  ننصحها  ؟؟؟  ياترى معها حق  ولا  عم  تبالغ  شوي؟؟  ولا  لازم  ننتظر  الشب  بلكي  يتغير  موقفوا  ويصير  معارض؟؟؟؟!!

ههههه هاي الحجج قديمة , اختك بتحب شب بالسر و اخترعت هالحجة . لإنو هالسبب أبدا مش مقنع خصوصا إنكن شايفين لإنو ردة فعلها غريبة شوي

السلام عليكم

ازا كان بيعرف انو اختك الكريمة معارضة قبل ما يتقدملا معناتا هوي انسان متفهم وواعي

وبعتقد انو في هي الشغلة ازا بدنا نحطا يميزان فمو هيي الأهم مقابل الدين والسمعة والوضع الاجتماعي

مجرد رأي

والله يقدم يلي فيه الخير

"موقف صعب ^_^"

 والله بالبداية ضحكت بس عجبني موقف اختك 

انشالله الله بيبعتلها الانسان اللي يبسطها وبيسعدها 

هههههه
أول شي الله يقدملها اللي فيه الخير
تاني شي مافيني قلك غير أنو موقف أختك بيشبه الموقف اللي انحطيت فيه من فترة قصيرة ومستحيل اقبل بشخص مؤيد

وإذا بدك وجهة نظري مستحيل يتفقوا هيك اتنين وهي لا عمتبالغ ولا شي لأنو الاختلاف بطريقة التفكير رهيييييييييييييييب وهو ماعاد مجرد رأي سياسي بقضية ما

وعكلن تصلي استخارة (والله يقويها ويثبتها على موقفها) 
ويقدملها اللي فيه الخير

منيح ما اجاها  "ضابط بالامن " .....  

الله يكتبلا الخير  وين ما كان ......    

أنا رأيي من رأي الأخ أمير حمص.

هلأ إذا كان باقي المواصفات منيحة كتير برأيي لازم تفكر شوي يعني إذا كانت مواصفاتو أيا بنت بتتمناها وأخلاقو ودينو وسمعتو كلها تمام ماتقول لاء فورا تصلي استخارة وتشوف شو الله رح يختارلها والله يقدملها يلي في خير..

إذا أتاكم من ترضون دينه وخلقه .. فزوجوه ..

حطيلي مليون خط أحمر تحت كلمة "خلق" لأنو إلها علاقة رهيبة بموضوع الخطبة هاد بالذات .. وانشالله تكون وصلت فكرتي :)

طبعا كلمة مؤيد بتفرق كتيييييييييير بين شخص والتاني يعني في ناس مؤيدة بس والله محترمة وحكيها كتير منطقي وفي ناس اللهم عافينا..