سجود حبيبتي لاتهتمي ولا على بالك يعني في ناس مو شاطرة غير بالعلاك الفاضي ومية أهلا وسهلا فيك إنت وكل الفلسطينين أمثالك والله إنتو بقلبنا وعيوننا..

نحنا تعلمنا منكن شغلات كتير بخصوص النصر والمقاومة والثبات ومارح ننسى وقفتكون جنبنا بهي الأيام العصيبة.. وخصوصا انتي حبيبتي كان كلامك في بعض المواضيع يزيد من جرعات الأمل في نفوسنا..

أهلا وسهلا فيك ايمتى مابتحبي تشرفي سوريا..

تسلمي بسومة
والله بعرف انكم حبابين ، بس يا اختي مرات الواحد بيعصب
يعني على كل هالحياة الصعبة وكل الصمود وكل يلي بنتحملو
مع الحصار يلي خنقنا و..و...و..
بيجي واحد بيحكي سعر ربطة الخبز
كان ناقصنا أكل ... ولا كنا بندوّر على أكل
..................
اييييييييه يا اختي
في كل بلد في هيك وهيك
...................
بعتذر كتير بنت الشم غيرنا مسار الموضوع
بس والله مو بقصدي

بااااااك

اسمحولي ازا ممكن

أول شي سجود حبيبتي انا اسمي سينيسينت

و تاني شي .. اللي عم يئول ليش ئاعدين بسوريا و ما نروح على بلدنا نقاوم

و الله و حياتكون عالغالي منى عيني هلأ قبل بكرة .. بس أنا مو ذنبي انو اهلي

لاجئين طلعوا من فلسطيم مجبرين بال 48 و عاشوا بالمخيمات و على ئولة اليوم و بكرا

بتخلص و منرجع لبلادنا .. و كان كل يوم بمر بينحط ألف سياج بطريقنا .. و يوم بعد يوم

صارت الرجعة انتحار .. و حطولنا جنود بطريقنا ما رح احكي مين هدول الجنود لأنو الكل بيعرف .. مالنا قاعدين هم على قلب حدا .. الحمد لله الله كافينا .. و عم نشتغل و ناكول من عرق جبينا بالحلال ...

و تانيا .. اللي بيحكي عن ربطة الخبز و المازوت .. نحنا مالنا حيوانات لنعيش مشان ناكول و نشرب .. نحنا بشر .. بني ادمين .. الحياة مو اكل و شرب ..

إلنا افكارنا و مبادئنا و رغباتنا في الاصلاح و العطاء و تبادل الخبرات .. عنا تساؤلات ..

و عنا تفسيرات .. لأنو الله ميزنا عن الحيوانات بالعقل لنستخدموا بكل شي متعلق بالحياة .. مو بس الاكل و الشرب و ارضاء الرغبات الشخصية ..

بعدين يا اعزائي .. يعني الواحد لما تدسئ عليه الحال في بلدو رب العالمين بيأمرنا انو نسعى في الأرض ..كما في الاية الكريمة :
{وَمَن يُهَاجِرْ فِى سَبِيلِ اللَّهِ يَجِدْ فِى ٱلأرْضِ مُرَاغَماً كَثِيراً وَسَعَةً وَمَن يَخْرُجْ مِن بَيْتِهِ مُهَـٰجِراً إِلَى ٱللَّهِ وَرَسُولِهِ ثُمَّ يُدْرِكْهُ ٱلْمَوْتُ فَقَدْ وَقَعَ أَجْرُهُ عَلىَ ٱللَّهِ وَكَانَ ٱللَّهُ غَفُوراً رَّحِيماً} [النساء:100].

و أيضا :

قوله تعالى: {وَٱلَّذِينَ هَـٰجَرُواْ فِى ٱللَّهِ مِنْ بَعْدِ مَا ظُلِمُواْ لَنُبَوّئَنَّهُمْ فِى ٱلدُّنْيَا حَسَنَة وَلأَجْرُ ٱلآخِرَةِ أَكْبَرُ لَوْ كَانُواْ يَعْلَمُونَ} [النحل:41].

بئى الله يرضى عليكون حاج حكي من فوئ الأساطيح .. ياللي عم يعطينا حسنة يئطعا عنا .. حتى كلمة حلوة لا تعزبو حالكون ..

و متل مو في فلسطينيين مهجرين و لاجئين .. في سوريين كتير لاجئين و مهاجرين برات البلد .. فكرك منجيبون هلأ كلون قشة لفة و منئلون تعو شوفو شو عم يصير بالبلد ؟؟؟؟؟؟


و شكرا .. و احترامي للجميع

و خصوصا الصدور الرحبة

سجووووووووود .....
عراسي انتي وكل الفهمانين  متلك
و اهلا وسهلا فيكي ببيتك سووووريا .......
كلنا معرضين لهالموقف .....بس النا الله ما بينسانا

لك لا تردي ...هدول الناس بكونو مفكرين البلد الون او للي خلّفن
اكبر مثال هنن مفكرين انو المدارس والمستشفيات والجامعات للقائد الخالد ولعائلة المالكة ....
بيقولولنا از انتو معارضين  ليش عم تدرسو بجامعات النظام ؟؟!!

بس ....بدك ناس تستوعب اللي بتحكيه

بالله تخيلو لو كان عنا  التعليم  والتطبيب ( مع انو مو دائما)  مجاني كيف كان وضع السوريين هلأ ؟؟!!
نحنا هيك .....وتصنيفنا تحت خط الفقر .....بئى شو مشان ؟؟!!

اختي بنت الشام...

بالرغم من مشاركتي بأغلب المواضيع السياسية بالمنتدى ولا مرة انسألت هادا السؤال...فما بظن انو سألتي وما حدا جاوبك عنو وخصوصا انو مانو سؤال صعب او محرج..

بكل بساطة ع حسب الدستور القديم نحنا عنا استفتاء مو انتخابات و ع الدستور الجديد رح تصير انتخابات...

وبالنسبة لورقة الاستفتاء فانتي يا اما ما كان بحقلك تنتخبي وقت الاستفتاء يا اما انتي ما شاركتي لأنو ما كانو مخبايينا لهي الوراق...

وبالنسبة للاعلام انا اعلامنا ما بدافع عنو لأنو برأيي الشخصي عم يغلط بشغلات خاصة بحمص ومشان نكون عادلين حاليا وللأسف لا يوجد أي مؤسسة اعلامية تتعامل بصدق بشكل كامل...وللكذب أو التخباية أهداف بكل مؤسسة...

وأي سؤال تاني نحنا جاهزين دائما...

وبتمنى من يلي ما الو علاقة بهيك قصص لا يتدخل...بإمكانو يعبر عن رأيو أكيد بس وقت شغلة بتخص السوري فقط ما في داعي يحقن الجو متل ما عمل بغير مواضيع...

مع الاحترام والتقدير...

  سوسو هووووووون ....
     

               

يا أنسة سجود مزال أنتي فلسطينية وقاعدة بنص غزة .... ليش لتعطي رأيك ببلدنا وبرئيسنا
السؤال يلي انسأل جوابو من الدستور ... أنتي ليش عم تجاوبي وتعلقي الشباب ببعضون

أنا برأي الجواب ح يكون.......


ماع ....ماع ....ماع....

عنجد مستوى غير شكل...

شكرا (لصراحتك) أخ مهدي...

كالعادة بتمرق هيك قصص كل فترة بقا عادي...

اخت سجود اهلا وسهلا بك وبجميع اهلنا الابطال من فلسطين
ان لم تسعكم سوريا فقلوبنا واعيننا تسعكم وسوريا ليست لي و لا لأي شخص انما
هي ملك لربي
ويكفي فخراً لنا مشاركتك لنا وانت من غزة
والكل يعرف من هي غزة هاشم ومافعلت غزة رغم الحصار
والله محييكي