مرحبا شباب بس بدي اسألكم هلأ إذا الواحد تعلم اللغة الكورية إلها فائدة ببلدنا ولا لأ ، لإنه بصراحة بحب الدراما الكورية كتير وبحب الكوريين مشان هيك حابة اتعلمها بس كمان ماني حابة ضيع وقتي عالفاضي ، يا ريت إذا حدا بيعرف شي عن هالشي يخبرني

الصراحة فكرتك رائعة جدا وحلو كتير الواحد انو يتعلم لغات عدة

انا اتقن اتقان الفرنسية والانكليزية  واالله الصراحة عم اتجه الان لتعلم اللغة العبرية 

بالنسبة للكورية بظن انو مجالاتها نادرة هون وبجوز اذا تعلمتي تلاقي للصدفة شي مميز

عكل حال الله يوفقك

انا تبنيت فكرتك وبس اخلص تعلم العبرية لح اتجه للكوري

تقبلي مروروي

أنا بنصحك انو تتعلميها هي لأنو لغة نادرة عنا أكيد رح تستفيدي منا
هلأ أنا تعلمت ياباني وصرلي سنة عم أتعلم كوري وأنا بأكدلك انو في الها مستقبل

ياااي شكراً كتير إلكم كلكم ( الدنيا فارغة ، أمل ، عاشق الإبداع ) إن شاء الله رح اتعلمها شكراً مرة تانية عالتشجيع

أمل شكلك انتي كمان بتحبي هدول الشغلات ، كوري وياباني ، لإنك حاطة صورة واحد عيونه ممطوطين

والله يا نورمان لازم تاتقني اللغة الاجنبية الانكليزية بالاخص ,,

وبعدين تتجهي لرغباتك

هادا راي

لانو اللغة  الكورية ,, مالها فائدة بنوووووووووووووووووب ببلدنا وحتى بباقي البلدان

وحتى بكوريا نصهم بيحكوا انكليزي

تقبلي مروري

بس أنا كتير شاطرة بالانكليزي مشان هيك عم دور على لغة تانية ، بس بكوريا مو كلهم بيعرفوا يحكوا انكليزي لا تقولها

أنا كتير شاطرة بالانكليزي

______________________________

هلأ كتير شاطرة ولا مأتقنتيها ,, يعني متعلمة لهجات

وانتي براحتك يعني ,,, هادا بيرجعلك بس بتكوني هيك عم تضيعيمن وقتك

انتي بتحبي الكوري بس مشان المسلسلات الكورية ,,, يعني ما في شي يخص الشغل

بس هيك هواية وما في مانع

بس لازم تستغلي وقتك بشي يفيدك بحياتك العملية

أنا بقلك تعلميها ولايهمك
مع أنفتاح العالم على الشرق والله صار بدها موبس
كوري وياباني  وصيني كمان