عاجل وحصري


ما بدنا زعل بس للأسف هادا واقعنا الحومصي الحبيب وانشالله بيتغير عن قريب...



وهيك صارت حمص....:

حمص الشرقية والغربية.... حمص السنة والعلوية

حمص أما أن تكون مع بشار أو ضده

حمص أما أن تكون مسلح أو شهيد مدني


حمص فقدت كل التوازنات....

الحب في حمص .. هو لهفة على من خطف أو حزن على شهيد

الكره في حمص ... معنى واحد أما سني أو علوي

النسيان في حمص ... أصدقاؤك من تلك الطائفة

الأمان في حمص.... أن تعود من الوظيفة أو الجامعة سالم

الهدوء في حمص .... رشة رصاص الصبح مرة

الحظ في حمص.... أن تخطئ القذيفة منزلك وتأتي بالجيران

الرحمة الإلهية في حمص... أن تضرب القذيفة حائط المدرسة والأضرار مادية..

العشق في حمص .... شديد شديد أما لبشار أو لإسقاط بشار

الخوف في حمص .... من الفقدان والفقدان و الفقدان

...... لا شركاء في هذه المدينة كلنا أعداء.....

...... لا موت في هذه المدينة كلنا شهداء ......

...... لا خير في هذه المدينة كلنا أشرار ......


حصرياً وفقط في حمص يقال:

...... عجب جاي سيارة الزبالة اليوم

...... شو في سرافيس اليوم

...... في جيش ع الطريق ولا قليل

...... هي BTR ولا BMB

...... ولك حدا بياخذ تاكسي بها الأيام ما بيعرف صاحبها

...... بيّن هالجثث اللي لاقوها الصبح بتعرف حدا؟

...... لاقو فلان ميت ...... مقطع شي ...... لا ...... أي منيح كتير

...... لا تطلع يا أمي مو سامع ضرب الرصاص

...... في خضرا ولا ماحدا سترجا ينزل

...... ألي 7 شهور ما شفت السوق

...... حابب كتير شوفك بس مين بيسترجي يفوت عَ حارتكن

...... دخيل الله ريحة المصفاة قدام إطارات الثورة المحروقة

...... ...... ...... ...... ...... ...... ...... ......

لم نعد نصحو على الآذان .... بل نعوات و نعوات

لا ننادي على بعض بالأسماء ...... بل بالمذاهب

قهوتنا بالعزاء والمآتم

نشوتنا بارود

وفرحنا بارد

نصدر الشهداء كل يوم... عسكريين و مدنيين

وكل ما بقي علينا:

أن نرّسم الحدود ......
ونعلن مملكة حمصستان المستقلة ......


اللهم نجنا من شر أنفسنا ياااااا الله...


منقول بتصرف...

والله العظيم وأت بسمع هالحكي بحس حالي رح موت
وإلي بوجع أكتر في ناس بتفرح بإلي صار بحمص وبتقول عقبال عنا بالشام
طبعا ماحدا حاسس فين ولا بعذابن
يارب 
يارب رحمتك

للأسف ... قد يكون هذا بعض ما يحدث
بس السؤال شو السبب ...
ليش صرنا هيك ...
ألا تعتقد أن هناك طرف ثالت كرس ذلك .. بتفضيله احد الاطراف واستأثاره وما في داعي استشهد بأمثلة فالدنيا كلها تعرف تركيبه سوريا ..

زهرة البنفسج...

انشالله ما حدا بدوق يلي دقناه...

يلي عم يتمنى شكلو مو عرفان شي من شي...

عبد الغفار...

أنا بنظري في طرف تالت بس بجوز غير الطرف يلي قصدتو...الطرف التالت لعب ع الحبلين...

لا يا سيدي ... أنا أختلف معك بشده بهذه النقطة
..
والحكي يطول عند هاي النقطة بالذات
..
سأكتفي بذكر عدم المساواه بين الطوائف وخاصة في ما يتعلق بالمناصب العليا والمناصب الحساسة والأولوية ... ومشان ما بعد
هيك  بكون رجعت لجواب سؤالي

خادم رسول الله...

شكرا أخي الكريم لذوقك ولدعائك...

للأسف هذا هو واقعنا ولكن بعون الله سنعود كما كنا....

وفيما يخص الموضوعية...ذكرت سابقا بأن واقع حمص مؤلم للمؤيد والمعارض والاعتراف بواقع كل منا و الاعتراف بأن كل منا لديه أخطاؤه هو الخطوة الأولى للحل...

كلمة شبيحة الأسد ليس المقصود فيها بأنني مع القتل لأي شخص كان ولكنها مصطلح نستخدمه في هذه الأيام عوضا عن كلمة مؤيد...نظرا لعدم رؤيتي أو اقتناعي بوجودهم...أو نظرا لنوعية من أطلق عليهم هذا الاسم...

وسأقوم بتغييرها لتناسب الطرح كما تفضلت...

عبد الغفار..

بجوز في عدم مساواة بس مو بالمناصب وإنما نوعا ما بالجيش بس هادا الو أسبابو التاريخية وتناقشت فيا مع أحد المعارضين وانشالله منحكي فيا...