لحظة لسا ما جاوبت على سؤالي
شو بدك تنطبق علي الآية:
(( يَا أَيُّهَا الَّذِينَ آَمَنُوا لِمَ تَقُولُونَ مَا لَا تَفْعَلُونَ ))


هلأ بصراحة هالسؤال من أصعب الأسئلة اللي بتخطر على بالي و كل مرة بجاوب عليه شكل
يعني مرة بقول لأ مستحيل أقدر أدفع ابني لهيك طريق
و مرة بقول بدفعو و بقلو: إذا فقدتك فموعدي معك بالجنة إن شاء الله

يمكن جوابي كل مرة شكل بكون حسب مستوى إيماني يعني لما بكون إيماني ناقص بجاوب الجواب الأول و لما بكون إيماني زايد بجاوب الجواب التاني
وهالشي طبيعي كما أخبرنا رسول الله عليه الصلاة و السلام أن الإيمان يزيد و ينقص
و لو الأمر بنحل إذا أنا روح بدالو فهي ببصم فيها أني بروح بدالو ومن دون تردد كمان

و مع هيك بقول يارب ما تحطني بهيك موقف لإنو هالموقف صراع داخلي صعب كتير بين أمرين في صميم الوجدان: حب الوطن وحب الولد

******************************************************

اقتباس

هل أنت من الأشخاص اللي بملو كتير بطبعهن  ....بغض النظر انك عم تعبي وقتك أولأ ؟؟؟

ما فهمت سؤالك كتير
يعني قصدك ملل من الحياة بشكل عام؟

لحظة لسا ما جاوبت على سؤالي

معك حق ....لاتواخدينا



هلأ بصراحة هالسؤال من أصعب الأسئلة اللي بتخطر على بالي و كل مرة بجاوب عليه شكل

مزبوط سؤالك صعب كتير ....بس لما بفكر بالنتائج برتاح كتير ....وأنا كمان انسان بالنهاية و مابتمنى هالشي يصير معي لكن لمابنحط بالموقف .....ييكون الله بدو يكرمني بشيء أعظم قدرا  وانو بحس انو ابني أو صديقي راح شهيد من أجل كلمة حق ....وانو راح يسعد بالجنة وراح يكون له طيب الذكر بالدنيا

متل ماقلتي الشغلة حسب ايمان الشخص .....الله يزيد ايماننا قوة

بصراحة أنا لما بحس بايمان قوي بحس بقوة عظيمة جدا تخفف علي ترك الدنيا بمافيها وتخفف علي ألم العذاب  في سبيل الحق .....وهادا الشي بستغربو بحالي وبيستغربو فيي كل من حولي وحتى في ناس بيعتبروني متهور جدا  أو انو مافي عندي احساس

اقتباس

بصراحة أنا لما بحس بايمان قوي بحس بقوة عظيمة جدا تخفف علي ترك الدنيا بمافيها وتخفف علي ألم العذاب  في سبيل الحق .....وهادا الشي بستغربو بحالي وبيستغربو فيي كل من حولي وحتى في ناس بيعتبروني متهور جدا  أو انو مافي عندي احساس

كلنا بصير معنا هيك
هاد شي طبيعي
واللي ما ذاق طعم الإيمان القوي رح يقول "متهور جداً" و "عديم الإحساس"
علماً إنو الحقيقة هي "شجاعة" و "إنسانية"

الله يقوي إيماننا دائماً
الحياة من دون إيمان متل الوردة اللي مالها رائحة عطرة....

ما فهمت سؤالك كتير


يعني قصدك ملل من الحياة بشكل عام؟

لأ ....ماقصدت الملل من الحياة بالمعنى العام 

قصدت بالسؤال : هل أنت شخص ملول بطبعه ؟؟؟


أنا بعتبر حالي شخص ملول بسرعة ومابطيق التكرار والروتين مع انو الروتين
والتكرار هو ضرورة أحيانا في حياتنا ......وهالقصة بتساويلي مشاكل أحيانا
.....

مثلا من الشغلات اللي بكرهها حفظ شغلات طويلة متل القصائد 
وكمان انو اعطي نفس الدرس بنفس الأسلوب  لأكتر من فئة من فئات العملي
.....أووووووه  شو شغلة معتة 

اقتباس

قصدت بالسؤال : هل أنت شخص ملول بطبعه ؟؟؟

والله أنا بعتبر حالي ملولة كتير بطبعي وما بطيق الروتين
وبمل بسرعة من أي شي
بحب يكون كل يوم شكل وكل يوم مميزعن يلي قبلو

اقتباس

لأ ....ماقصدت الملل من الحياة بالمعنى العام 

قصدت بالسؤال : هل أنت شخص ملول بطبعه ؟؟؟

بظن كل الناس ملولين بطبعهم وانا منهم



بس أنا فيني شغلة إنو إذا كانت الشغلة اللي عم اعملها رح تعطيني نتائج مفيدة فبقدر اضغط على حالي و اتناسى الملل

أما إذا كانت شغلة مالها طعمة فما في شي بيقدر يخليني اصبر عليها....

ممكن ضيف سؤال الصراحة التالي:

هل أنت من الأشخاص الذين يحرصون على الظهور بمظهر لائق أمام الناس، أم أن الأمر ثانوي عندك؟
و في الحالتين: ليش؟

التعليل عندي أهم من الجواب نفسه

اقتباس

هل أنت من الأشخاص الذين يحرصون على الظهور بمظهر لائق أمام الناس، أم أن الأمر ثانوي عندك؟
و في الحالتين: ليش؟

بصراحة أنا ما بهمني رأي العالم أبداً وبلبس حسب مزاجي غالباً إذا كنت مبسوطة بكون أنيقة ولابسة الوان فاتحة
أما إذا كنت مكتئبة فيفضل ما حدا يشوفني
وكمان حسب المكان يلي رايحة عليه
أما بشكل عام بحسوأمر ثانوي

هل أنت من الأشخاص الذين يحرصون على الظهور بمظهر لائق أمام الناس، أم أن الأمر ثانوي عندك؟

و في الحالتين: ليش؟


بصراحة كتير بنسى اعتني بمظهري مقابل أمور أخرى  وهالشي بيشوفوا فيي أصدقائي   ....وهادا يعتبر من سلبيات طبعي وعم حاول اتخلص من هالسلبية ..... لأنني أؤمن بأن المظهر هو جزء من شخصية الانسان عليه أن يلقى اهتماما منا لما لذلك من أثر نفسي ايجابي على الشخص والأخرين من حوله وأنا بحترم كتير الأشخاص الذين يعتنون بمظهرهم لأنهم يعطوني شعور بالتفاؤل لكن بكره أن يكون ذلك على حساب أخلاقيات التعامل 

مممممممم

معناها "سويت لايف" و "مراقب أدوية" الموضوع عندكم ثانوي



والله أنا من الأشخاص اللي بحرصوا عالمظهر الخارجي و بشدة كمان

لثلاثة أسباب:

الأول: أني بعتبر حالي - بحجابي - سفيرة للإسلام وين ما رحت

وبحب أعطي فكرة حسنة عن الإسلام من خلال مظهري

لإنو للأسف أغلب الناس بتحكم عالأمور من الظاهر فقط و ما بتفكر بالجوهر....

الثاني: أن الإسلام نفسه يحض على الاعتناء بالمظهر......

الثالث: اني بطبعي  بحب الأناقة و الترتيب بكل شي بالحياة....