السلام عليكم , أكيد كلكم سمعتو بالقرار يلي اقام حظر على استخدام الآيفون في سوريا , بس انا ما فهمت شو السبب يعني , شو الشغلات يلي بيتميز فيها الآيفون و مالها موجودة بنوكيا مثلا او بالسوني اريسكون , شو الدافع وراء هذا الحظر و شكرا سلفا للذين سيجاوبوني

أنا بعرف إنو الآيفون في سبع ميزات عنا بسوريا ما بيشتغلو فمافي داعي يمنعو
ياسبحان الله ما عم يعرفو شو بدهن يساوو
رب العالمين عم يتوهلن رأيهن

كالعاده ... عندما تشتم المخابرات  السورية رائحة تقنية بيد المواطن ... تحاول اجتثاثها من أصولها
سوريا هي احدى الدول النادره في القرن الحالي التي تحظر تقنيات الاتصال عبر القمر الصناعي GPS
وتذكرون جيدا ... عندما ظهر جهاز NOKIA 95  ماذا حدث ...
أجهزه الأيفون لأن فيها ميزه البث المباشر ... تم اعتبارها مع أجهزه الثريا ... وغيرها ... جزء من المؤامره الكونية ...
والسبب بسيط ... لكي لا يدري أحد
ماهية ما يجري في سوريا

والله حاسستو هالخبر متل كذبة او حلم...؟؟؟؟


يعني والله مابعرف شو احكي

لك حتى بلوتوث مافي

او بالأحرى فيه ومافي


يعني ما بيبعت غير ل يلي من جنسو

وحتى تنزيل الاغاني والصور والفيديو بدهن برنامج وما بينزلو بسهولة

ف ع شو بدهن يمنعو؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

عادي ... شو مستغربه من جماعة لسا مفكرين انهم عايشين بالتمانينات
لا تستغربي ... بكره يمنعوا الدجيتالات
ويرجعونا .. للأنتينات
وسقا الله أيام القناة التانية و الفضائية السورية ...
بس حسبي الله و نعم الوكيل

تحياتي

السؤال كتير سهل الرد عليه

" لقد تم منع الأي فون لضرورات أمنية"

" مسؤول رفيع بوزارة الداخلية"

شو رأيكن بهالسبب؟؟

مقنع ما؟؟؟

يعني متعودين نفس الديباجة

ياأما بيحكو هيك او بتصرح وزارة الصحة انو أكتشفو ان الأي فون بسبب سرطان

او  سرطنة التظاهر

سلاااااااااااااااااااامو

بكل بساطة لانه وبحجة امن الوطن (بمفهومهم _ مع أن المفهوم مشوه بالاصل)

يمكن أن تحرم المواطن السوري من أي شيئ ...

حتى لو كان من افضل التكنولوجيا الموجودة حالياً

أصلاً نحن ... وعلى مدى أربعين سنة لم نتطور بقدار أنملة واحدة

اللهم إلا في مجال التجسس والملاحقة ومراقبة الإتصالات والأنترنت

وفي مجال القمع وكبت الحريّات

وهذا ما سبب تأخر سوريا عن ركب التكنولوجيا كثيراً

واصبح من كان يتأخر عنا بعقود يسبقنا بعقود

حسبي الله ونعم الوكيل

لوين بدها توصل الأمور ما بعرف بس اللي بعرفو أني الحريه قادمه شاء من شاء وأبى من أبى ولا بد للحق أن يظهر ولو بعد حين

اللهم اختر لنا الخير حيث كان أنت مولى ذلك والقادر عليه

لاحول ولا قوة الا بالله العلي العظيم

وشو بدهن بالايفون ليمنعوه؟؟؟يستخدموه بنقل مباشرللمسيرات الحاشدة اللي عم ينقلوها من مراسلين الدنيا هاتفيا لانو حرام من الازمة ما عندهن كاميرات ليصوروها

ياااااااااااااااارب الفرج من عندك