السلام عليكم



هلأ من يومين كنت مع رفقاتي بالجامعة وانذكرت هالسيرة


قام كل واحد يذكر شي
والغريب انو منهن ذكروا حيوانات
ههههه مابتخطر ببال حدا

والمبررات كتيييير بضحك
فخطر ببالي اسأل هالسؤال بالمنتدى
   


لنشوف شو رح يطلع




في شي جديد كمان
   


بس مابدنا خرط رجاء تكون الإجابة واقعية


     

بحب القطة لانوا بتنحب (بس ما بحب ألمسها)

وبكره الأسد

                                            انا بكره كل الحيوانات

                                            ما عدا الصوص

بحب الفهد لسرعته

وبكره الدجاج لأن رائحة المداجن لا تحتمل أبدا

مرحبا 00000000000
أنا بالنسبة إلي بحب كتير الببغاء لأنو عندي ببغاء حلو كتير وذكي كتير حتى أنا ما بحسو حيوان
وأنا ما بكره الحيوانات بس بدايق من الحشرات أكتر شي الصرصور   خطر الموت

مسا الخيرررررررررررررررررررررررررررر.............
هلق بالنسبة إلي بحب الأرنوب كتير يعني الأرنب بحب شكلو كتير ومهضوم  .
بس بكره كتير حتى وبخاف كتير من القطة وقت بشوفها بخاف كتير مع أنو هي كمان بتخاف مني وكلانا منروح باتجاهين متعاكسين.
ووقت بشوف صرصور  بوقف قلبي وبنط من خوفي حتى بصرخ كمان     أحيانا بالبيت وقت بشوف صرصور طبعا بعد ما أصرخ وخاف وجن  بضل بغرفة وحدة وبقفل علي الباب هيك ليجي شي حدا من أهلي ويقتلوه ياربي حتى منظره مقرف كتير يا الله شو بخاف منو.
بالمختصر المفيد بخاف من القطة والصوصور بس الصرصور أكتر خط أحمررررررررر.  
بعتذر ع الاطالة.
تقبل مروري.

ghina  

بحب الذئاب و برأيي هيّ أروع الحيوانات
بعشق طريقة حياة النمل و تنظيمن
وبكره الخنزير بحس منظروا مقزز

أكثر حيوان بينخاف منه الأفعى،

واكثر حيوان منحبه الفرس والطير

أنا بحب العصفور كتير وخاصة اذا كان ملون

باقي الحيوانات اذا ضلت بعيدة عني بكون أحسن

بس اكتر حيوان بكرهو هو ديك الحبش

لك بحسو بشع ومقرف ومقزز استغفر الله العظيم

ولك صوتو بجيب الجلطة... كيف بياكلوه الأجانب بعيد الشكر ما بعرف

تقبلوا مروري

موضوع لزيز....