ليك في ناس هربت قبل ما تعطي رايها بس كانوا عم يسمعوا القصة ههههههههههههه

بسمة فجر والزنبقة تسلمولي يارب

ورح جرب اذا طلعت معي الصورة لحتى حطلكم صورت ابطال المسلسل

اي والله يا الزنبقة البيضاء مو متل هالايام
ما في اتنين عم ياخدوا بعض عن حب
لا وحتى لو ظبطت بيطلقوا بعدين

لــحــب ،،،، هــو ذلــك الأمــتــحــان الــذي يــتــســارع الـــجــمــيــع لـــخــوضــه دون مـــذاكــرة ،،،، والــنــتــيــجــة غــالــبــا مـــا تـــكـــون ،،،، لــم يــنــجــح أحـــد ،،،، لــصــعــوبــة مــادتــيــن ،،،، الـــــصـــــدق ،، و ،، الــــوفـــــاء.

وهلا شوي رح امحي الرد من شان ما نكون حكينا على الموتى بعد ما تشوفوا الصورة خبروني لامحيها

يلا ياجماعة تصبحوا على خير اليوم كان عندي آخر مادة بالدورة الاستثنائية وتعبانة كتير والحمد الله كانت تمام صح سلطانة قلتيلي طمنك الحمد الله منقول يارب واعتمادي على الله أولا وآخرا..

بس بدي اسألك ستك وجدك من أبوك ولا من أمك وحكيلنا قصة التانيين كيف تعرفو على بعضون لأن عنجد قصة حلوة كانت مو مجاملة والله..

والله شبوبية وشخصية جدك وستك الله يرحمهم يارب..

شفتي شفتي  لأنو بكون في شي عميتخبى من أحد الطرفين
الله يصلح أحوالنا أحسن شي

أنا شفت الصورة (ظراف عفكرة)
الله يرحمهون ويحسن إلهون يارب

وأنت من أهل الخير بسمة الفجر
وانشالله بتخلصي من موادك كلهون

وهلأ أنا كمان تصبحوا عخير حاسة حالي فصلت
قصدي تصبحوا على حرية
سلامات

يالله الحمد الله على كل شيء وان شاء الله بتعوضي يلي فاتك باحسن

لا هدول اهل ابي ومتحررين متل ما شفتي زيادة عن اللزوم

اما اهل امي فابدا مو هيك العكس تماما
يعني بتصير حلقة من باب الحارة كيف اتزوجوا متل عادات اهل الشام القديمة تبع الاهل بيرحوا وبخطبولوا ويوم العرس بيقلوله هي مرتك هههه

بس في نهفة انو ستي ام امي حلوة بس ما عندها طول ولما جدي سال امه هي طويلة لانو كان بدو العروس طويلة قالتله  امه طول النخلة قلها عيونها كبار قالتله اوف كتير وهي عيونها شهل بس مو كبار يعني اكلها كم ههههههههههه

يالله وانا كمان تصبحوا على خير

واحلام سعيدة

وهلأ أنا جيت ..
كيف الصبايا ؟
كيفك سلطانة ؟ كأنو صرلك يومين ما عم تدخلي نت ؟ عاش من شافك ..
‏..
اممم
شو هالقصة .. والله جد وست غير شكل .. بقا بس عرفت كيف جدي تجوز ستي وكانت قصة حلوة بحكيلكن ياها ..
هلأ تصبحو ع خير ..
‏..
ما بحب طول بالقهوات هههه

تسلميلي ياسلطانة وانت يارب الله يوفقك ويسرلك أمورك..

بس في نهفة انو ستي ام امي حلوة بس ما عندها طول ولما جدي سال امه هي طويلة لانو كان بدو العروس طويلة قالتله  امه طول النخلة قلها عيونها كبار قالتله اوف كتير وهي عيونها شهل بس مو كبار يعني اكلها كم ههههههههههه

ههههههههه والله ضحكتيني بس خلينا نساوي مسلسل باب الحارة لحالنا لأن يلي عرضوا كتير كانت نهايتو بايخة..

الزنبقة البيضاء تسلميلي يارب والله يسمع منك وينولك يلي ببالك..